Mpiin 18:6 - Uwumbɔr aagbaŋ

⁶ Le Abraham nan san buen waadiik ni, upuu Sara chee, ki ti bui u ke, “Ŋa mala, ki ban n‑yon mu ŋan na, ki ŋa tijikaar,”

Mpiin 18:6 Iomraidhean Croise

Mpiin 18:5

M ga ti joo ni tijikaar, ni ji ki kan mpɔɔn nimi aasachuln ni. Naah dan ndo pu na, ni nyuŋ mi pam, nima pu na, cha m chann nimi tichann.” Bi nan giin bui ke, “Aa ni lituln; ti kii kina.”

Mpiin 18:7

le ki san buen waanaa ponn ni, ki ti chuu unaa u laa diin ki filk na, le ki cha waanaagbiija kɔr u, ki toor u mala.

Mpiin 19:3

U nan bi ki gaŋni bi, le bi ti kii tii u, le ki buen udo. Lot nan cha bi ŋa tijikaar nyaan tii bi, le bi jin.

2 Samuel 13:6

Kina pu le Amnonn ŋmann ke u bun la, le ki koo ti doon. Ubɔr David nan buen u ti lik u, le Amnonn bui u ke, “M gaŋ si ke aa cha Tamar dan ki nan ŋa maab siib do, nin chee m ga li waa u na, aan ki nan di bi tii mi ubaa.”

Ilahn 119:60

M kii saakaal kaan taan kpala.

Aisaya 32:8

Le unii u kpa kipak na tun lituln li ga joo ni u kipak na, ki si chob buyoonn u kan mbamɔn dɔ na.

Matiu 13:33

Yesu nan ki ŋakl bi liyataŋakl liken ke, “Uwumbɔr aanaan naahn boroboro aanyɔk mu upii nan di ŋa boroboro aayon ponn ni, aan boroboro ngbaan mɔk duun na la.”

Lituln 16:15

Le bi muin u ni waachiln ni aanib nnyun ni. Le u tuk timi, “Ni yaa dak ke m sil gaa Tidindaan ki kii kan, ni dan nan mann mi, ki li bi ndo.” Le u gaŋ timi, le ti buen.

Rom Yaab 12:13

ki yakr nimi aawan tii Uwumbɔr aanib bi lann ni na, ki chann bicham tichann.

Galantiya 5:13

Nnaabitiib, Uwumbɔr yin nimi ke u nan gaa nimi lii la. Waah gaa nimi lii na, ni taa ki li ŋani nimi aabimbikpok aah ban pu na. Ni li gee tɔb ki li ter tɔb.

Hiibru Yaab 13:2

Ni li teer ki chann bicham tichann. Binib bibaa nan chann Uwumbɔr aatuuntiib tichann, kaa nyi ke Uwumbɔr aatuuntiib ye.

1 Piita 4:9

Ni li channi tɔb tichann ki taa ŋulni.

Bibɔjirb 6:19

Gideonn nan siir koo udo, le ki ti ku uŋoob u laa diin na ki ŋaa, le ki di n‑yon mu ga gbiin kuruwaa kipiik na ŋa boroboro u kaa kpa boroboro aanyɔk na. U nan baan tinann ngbaan ŋa kibɔɔkuuk ni, le ki di tikpin mu ŋa likumbuul ni, le ki joo ni ni mɔmɔk nan tii Uwumbɔr aatuun ngbaan, likpaln ngbaan taab.

1 Samuel 28:24

Le upii ngbaan ŋa mala ki kɔr waah bi kpiini unaabo u na, le ki ban n‑yon, le ki toor mu, ki ŋa boroboro u kaa kpa boroboro aanyɔk na.