Mpiin 18:25 - Uwumbɔr aagbaŋ

²⁵ Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Mpiin 18:25 Iomraidhean Croise

Mpiin 18:24

Bininyaam yaa pii piiŋmu kan, aa ga bii kitiŋ ngbaan mɔmɔk aa? Saan di cha ki taa bii kitiŋ ngbaan, binib piiŋmu ngbaan pu uu?

1 Bibɔrb Aabɔr 16:33

Uwumbɔr yaa nan dan ke u nan joo kitiŋ kan, isui i bi kichook ni na ga di mpopiin teen mpɔɔn pu.

2 Bibɔrb Aabɔr 19:7

Li san Uwumbɔr man, ki li nyi naah tun pu na, ba pu? Ni yaa kaa tii binib baabamɔn, bee ni yaa kpa imaagann, bee ni yaa gaal igaŋgaŋlik kan, Tidindaan Uwumbɔr aa gee kina.”

Nehemia 9:33

Saah daa timi aatafal pu na, aa kpa mbamɔn; ti tun titunwanbir, le sin ma ŋani saah len pu na kaa joo cha.

Job Aagbaŋ 34:10

Nimi binib bi kpa ŋuntii na, li pel m chee man. Uwumbɔr Mpɔɔnsakpiindaan ga ŋmaa ŋa tiwan ni kaa ŋan na aa?

Job Aagbaŋ 34:12

Uwumbɔr Mpɔɔnsakpiindaan aa tun titunwanbir; waa ŋani ubaa beebee aatuln.

Job Aagbaŋ 8:20

Le Uwumbɔr aan siir cha unii u tun ni ŋan na ma, kaan tii titunwanbirdam mu nterm.

Job Aagbaŋ 8:3

Uwumbɔr aa fenni ibamɔn; u tun ni ŋan na n‑yoonn mɔmɔk.

Ilahn 50:6

Paacham len ke Uwumbɔr aabimbin ŋan, ke uma le ye ubɔjir.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ilahn 7:12

Bi yaa kaa kpeln baabimbin kan, Uwumbɔr luun waajaak aajuk. U pel waatɔm ki gor bu kiir;

Ilahn 75:3

Tɔ, tiwanfuurkaan mɔmɔk aawon yaa gbaa, aan kitiŋ kibaa mu jii kan, m ga cha kaatinyik li pɔɔ kin kin.

Ilahn 94:2

Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Ulandaan 3:17

Le m bui mbaa ke, “Uwumbɔr ga ji binib bi aabimbin ŋan na, ni titunwanbirdam tibɔr la, ba pu? tiwan mɔmɔk, ni lituln mɔmɔk, ga ŋa n‑yoonn mu u siin ni na la.”

Ulandaan 7:15

Maamɔfal ye mi fam la, le m mu tee kan tiwan mɔmɔk li ponn ni. Unibamɔnn ga ŋmaa kpo, le ubaa u ye utunwanbirdaan na ga li beenin chuun.

Jeremia 11:20

Le m mee limeel ke, “Uwumbɔr Mpɔɔnsakpiindaan, aa ji binib tibɔr ibamɔn pu la; aa tɔŋni binib aalandak ni bisui. M di maabɔr ŋa aaŋaal ni, kina pu na, m ga li ka le ki lik saah ga teen binib ngbaan pu na.”

Jeremia 12:1

“Uwumbɔr, m yaa ban m ni sin kpak tibɔr pu kan, aa ga li kpa mbamɔn. Tɔ, m mu tee ga baa si ibamɔn aabɔr tibaa pu. Ni ŋa kinye aan bibiindam kani liwangol? Ni ŋa kinye aan beebeedam nya tibɔr ni n‑yoonn mɔmɔk?

Esekiel 18:25

“Tɔ, le ni len ke, ‘Uwumbɔr aah ŋani pu na aa ŋan.’ Nimi Israel yaab, li pel man. Ni dak ke maah ŋani pu na aa ŋan la aa? Nimi aawanŋar le aa ŋan.

Malakai 3:18

Maanib ga ki kan ubimbinyaan daan aah kani pu na, ni titunwanbirdaan mu aah kani pu na, ni unii u dii mi na, ni u kaa dii mi na aah kani pu na.”

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

2 Korenti 5:10

Ba pu? ti mɔmɔk ga nan sil Kristo aanimbiin ni, aan u lik timi aabimbin aah bi pu na, ki bee ke ti tun ni ŋan na, bee ni kaa ŋan na dulnyaa wee ni, ki ga tii ti mɔmɔk taah tun pu na aapal.

Ikaal 1:16

“N‑yoonn ngbaan m nan tuk bi ke, ‘Kinikpakpak yaa fii binib ngbaan aakaasisik ni kan, ni lik ti ponn ni mbamɔm. Ni li toor kina aabɔr ibamɔn ni; ni li toor nimi aanib, ni biwɔwɔm bi koo ni chee na mɔmɔk aabɔr kina.

Ikaal 1:17

Ni taa li kpa imaagann nimi aabɔjil ni, ni li dii nsanbaan ki toor ugiin ni uwankpadaan mɔmɔk aabɔr. Taa san ubaa ijawaan, Uwumbɔr le ga tii nimi nlan le ni len ibamɔn. Tibɔr ti jer nimi aapɔɔn na kan, ni li joo ni ti m chee, aan m nan toor ti.’

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.

Hiibru Yaab 12:23

Ni fuu ni Uwumbɔr aabipolb bi aayimbil ŋmee paacham na aakuun chee la. Ni fuu ni Uwumbɔr u ye binib mɔmɔk aabɔjir na chee. Ni fuu ni bininyaam aawiin mu Uwumbɔr ŋa mu, mu ŋan ti doo na chee.

Bibɔjirb 11:27

Mbamɔn, maa tun si taani ubaa. Saah bi ban mi kijaak na, aa bi tun taani le na. Uwumbɔr le ga len. U ga len Israel yaab ni nimi Amonn yaab aabamɔn din wee.”