Mpiin 18:23 - Uwumbɔr aagbaŋ

²³ Abraham nan baa Uwumbɔr ke, “Aa ga sil kpaan bii bininyaam ni titunwanbirdam mɔmɔk aa?

Mpiin 18:23 Iomraidhean Croise

Mpiin 18:24

Bininyaam yaa pii piiŋmu kan, aa ga bii kitiŋ ngbaan mɔmɔk aa? Saan di cha ki taa bii kitiŋ ngbaan, binib piiŋmu ngbaan pu uu?

Mpiin 18:25

Mbamɔn, saan kpaan ki ku bininyaam ni titunwanbirdam kina. Sin Uwumbɔr aa kee ŋa kina, kaan kii ŋa kina mu. Aa yaa ŋa kina kan, bininyaam mu ga ji falaa titunwanbirdam chee. Saan kii ki ŋa kina. Sin Uwumbɔr u ye dulnyaa wee mɔmɔk aabɔjir na ga sil ŋa tiwan mɔmɔk ibamɔn ponn ni.”

Mpiin 20:4

Abimelek mu aa nan kee doon upii ngbaan chee, le u bui ke, “Ndindaan, maa nyi la. Aa ga ku m ni maanib aa?

2 Samuel 24:17

David nan kan ntuun mu bi ku binib ngbaan na, le ki bui Uwumbɔr ke, “Min le ye u aabɔr bii na. Min le tun taani. Bigiim bee mu ŋa ba? Aa ga daa min ni maadichal aatafal la.”

Job Aagbaŋ 34:17

Uwumbɔr mbimbinyaan daan le aa bui ke waabɔr aa ŋan aa? Aa dak ke waa gee ibamɔn aa?

Job Aagbaŋ 8:3

Uwumbɔr aa fenni ibamɔn; u tun ni ŋan na n‑yoonn mɔmɔk.

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Nnyam 23:7

Ni taa gii inyamɔn ki paan unii ki galn u, ki taa ku unii u kaa kpa taani na; ni yaa ŋa kina kan, m mu ga bii unii u ŋa mbiin ngbaan aaboln na.

Jeremia 30:21

Baajojoor ga nya ni baatimbol ni la, le baayidaan nya ni bibaa aanib ni. M yaa tun yin u kan, u ga dan m chee, maah kaa tun yin u na waan kaa dan m chee. Bi ga li ye maanib, le m ye Baawumbɔr. Min Uwumbɔr le len kina.”

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Hiibru Yaab 10:22

Nima pu na, cha tisui li bi mbamɔm, aan ti duun Uwumbɔr chee, ki gaa u ki kii mbamɔm ki taa joo beeni; ba pu? Yesu Kristo aasin finn tisui ni aatunwanbir, timi aalandak taa ki li muk timi titunwanbir pu. Le bi finn timi aawon nnyun mu bi chain na ni.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Jemisi 5:17

Elaija nan ye unibɔn ke ti mu aah ye pu na la. Le u mee Uwumbɔr linimaln ke utaal taa nu. Le ŋibin ŋitaa ni iŋmal iloob utaal aa nan nun kitiŋ ngbaan ni.