Mpiin 18:12 - Uwumbɔr aagbaŋ

¹² Nima pu na, Sara nan laa usui ni, le ki bui ke, “M ni nchal aah por pu na, m ga ki ŋmaa kan kina aapopiin aa?”

Mpiin 18:12 Iomraidhean Croise

Mpiin 17:17

Abraham nan gbaan Uwumbɔr aanimbiin ni, le unimbil kpaa kitiŋ, tɔ, u nan piin ki laa usui ni, ki dakl ke, “Uja yaa ti saa ŋibin nkub kan, u ga ŋmaa maa ubo oo? Sara aah ti saa ŋibin imonko inaa ni kipiik na, u ga ŋmaa maa ubo oo?”

Mpiin 18:13

Le Uwumbɔr baa Abraham ke, “Ba ŋa Sara laa ki dak ke, ‘Maah por pu na, m ga ki ŋmaa maa ubo oo?’

2 Bibɔrb 4:16

le Elaisa bui u ke, “Libiln li choo na, kinakokoona aa ga li ŋmab ubijabo aaŋaal ni.” Le u teen ke, “Uninkpel, m gaŋ si ke aa taa gii mi inyamɔn. Aa ye Uwumbɔr aanii la.”

Ilahn 126:2

Ti nan laa, le ki gaa mpopiin aalahn. Le ŋitimbol ŋiken nan bui ke, “Uwumbɔr tun ŋitukpaan tii bi.”

Ilahn 45:11

Saanyaan le ga cha ubɔr li gee si; uma le ye saaninkpel, kina pu na, kii waamɔb.

Efesusi 5:33

Nima pu na, uja mɔk aah gee ubaa pu na, u li gee upuu mu kina. Upii mɔk mu li pak uchal.

1 Piita 3:6

Sara nan ŋani kina la. U nan keei uchal Abraham aamɔb, ki yin u ke udindaan. Ni yaa tun lituln li ŋan na, ki yaa kaa san ijawaan ibaa Uwumbɔr aasan ni kan, ni kpaln Sara aabisatiib la.

Bibɔjirb 19:26

Lichakpitaawoln le upii ngbaan nan gir choo uchal chee, ujaninkpel ngbaan do, ki nan nyaa lir linaakɔbaal. U nan beenin dɔ nima chee le ni woln kpiir u pu.