Mpiin 17:7 - Uwumbɔr aagbaŋ

⁷ “Maah puu pu tii si na, m ga li joo tipuur ngbaan ki tii si, ni aayaabitiib bimɔk ga paan ni aa pu na, aan ti li ye tipuur ti kaa kpa ndoon na. M ga li ye Saawumbɔr, ni aayaabitiib Aawumbɔr.

Mpiin 17:7 Iomraidhean Croise

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 17:13

See ni mɔmɔk gii ŋichakpan, aan ni li ye limɔkl ke maah puu tipuur ti tii si na aa kpa ndoon.

Mpiin 17:19

Le Uwumbɔr nan bui u ke, “Ayii. Aapuu Sara le ga maa ubijabo tii si, le aa ga yin u ke Aisak. M ga cha tipuur ngbaan li bi m ni uma ni uyaabitiib mu aakaasisik ni, ki joo cha n‑yoonn mu kaa kpa ndoon na. Ti ye tipuur ti ga li bi cha, kaa kpa ndoon na la.

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 28:13

Le u kan ke Uwumbɔr si gbɔk u ki bui u ke, “Min le ye Uwumbɔr, aayaaja Abraham ni aate Aisak Aawumbɔr. M ga di kitiŋ ki aa dɔ ki pu na tii aa ni aayaabitiib.

Mpiin 6:18

Tɔ, m ga puu tipuur tii si. Aa ni aapuu, ni saabim, ni bipuutiib koo buŋɔb ngbaan ni.

Mpiin 9:16

M yaa ti kan waapumanja lul kitaapaak ni kan, m ga teer tipuur ti kaa kpa ndoon aan m puu tii dulnyaa aawan nimɔk fu na aabɔr.”

2 Samuel 7:24

Aa di Israel yaab ŋa saanib n‑yoonn mɔmɔk, le sin Uwumbɔr ye Bidindaan.

1 Bibɔrb Aabɔr 16:14

Uwumbɔr le ye Tidindaan, waakaal ye dulnyaa wee mɔmɔk aakaal la.

Ilahn 81:10

Min le ye Nidindaan Uwumbɔr u nyan ni nimi Ijipt aatiŋ ni na. Waar nimɔi man, aan m kpiin nimi.

Nnyam 3:15

Tuk Israel yaab ke min, U‑ye‑na, u ye niyaajatiib Abraham, ni Aisak, ni Jakob Aawumbɔr na le tun ni si bi chee. Bi ga li yin mi kina le n‑yoonn mu kaa kpa ndoon na. Kina le n‑yoonn mu choo na aanib ga li yin mi.

Nnyam 3:6

Min le ye aayaajatiib Aawumbɔr, min le ye Abraham, ni Aisak, ni Jakob Aawumbɔr.” Nima pu na, Moses nan biin unimbil pu, kaa nan kaa u lik Uwumbɔr.

Nnyam 6:4

M nan ki puu tipuur tii bi ke m ga di Kanaann aatiŋ ki bi nan ye biwɔwɔm ki ponn ni na tii bi.

Nnyam 6:7

M ga di nimi ŋa maanib, m ga li ye nimi Aawumbɔr. Ni ga bee ke m ye Nidindaan Uwumbɔr u gaa nimi lii, ki nyan nimi tinaagbiir ni, Ijipt yaab chee na.

Aisaya 61:8

Uwumbɔr bui ke, “M gee ibamɔn le kaa gee limukl ni titunwanbir. Maah ye mbamɔndaan na, m ga pa maanib, le ki puu tipuur ti kaan doo na tii bi.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Esekiel 28:26

Bi ga li bi nima lifuur ni la. Bi ga maa ŋidichal ki ko ŋisubil aasar. M ga daa ŋitimbol ŋi nan lik bi fam na aatafal, le Israel aatiŋ ga kan nsuudoon. N‑yoonn ngbaan le bi ga bee ke min le ye Bidindaan Uwumbɔr.”

Liifai Yaab 11:45

Min le ye Uwumbɔr u nyan ni nimi Ijipt aatiŋ ni ke m li ye nimi Aawumbɔr na. Ni li bi chain, ba pu? m bi chain la.

Liifai Yaab 25:38

Nidindaan Uwumbɔr aakaal le na, uma le nyan ni nimi Ijipt aatiŋ ni, ke u di Kanaann aatiŋ tii nimi, aan ki li ye nimi Aawumbɔr.

Liifai Yaab 26:12

M ga li ye nimi Aawumbɔr ki li bi ni chee, le ni li ye maanib.

Liifai Yaab 26:44

Tɔ, hali bi yaa beenin bi baadim aatiŋ ni kan, maan yii bi, kaan bii bi kookoo, kaan bii tipuur ti m nan puu tii bi na, ba pu? m ye Bidindaan Uwumbɔr.

Liifai Yaab 26:45

M ga fikr tipuur ti m nan puu tii biyaajatiib n‑yoonn mu m nan di maapɔɔn mɔk ŋinibol mɔmɔk aan ki nyan ni maanib Ijipt aatiŋ ni na, ke min Uwumbɔr li ye Bidindaan.”

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Matiu 22:32

ke uma le ye Abraham, ni Aisak, ni Jakob Aawumbɔr. Uwumbɔr yaa len ke u ye binib bi kpo na Aawumbɔr kan, nima le mɔk ke bi kpa limɔfal.”

Tibɔnyaan ti Mak ŋmee ti na 10:14

Waah kan ke bi kae bi na, le u gee liŋuul, ki bui waadidiliib ke, “Cha mbim ngbaan dan m chee man. Taa ki jenn bi man. Binib bi aabimbin bi ke mbim aah bi pu na, bima le yeh Uwumbɔr aanaan.

Lituln 2:39

Tidindaan Uwumbɔr nan puu tipuur ke u ga di Waafuur Nyaan tii nimi, ni nimi aabim, ni binib bi bi ni daa na: u ga tii binib bi u ga yin bi na mɔmɔk.”

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Efesusi 2:2

Ni nan dii dulnyaa aasan mu kaa ŋan na, ki kii kinimbɔŋ ki ye tiwanbir mɔmɔk aayidaan na aamɔb. Kima le joo binib bi yii Uwumbɔr aamɔb na.

Ikaal 29:13

Nima kan, Uwumbɔr ga len mbamɔn ke ni ye waanib, le u mu ye nimi Aawumbɔr, ke waah nan puu tii niyaajatiib Abraham, ni Aisak, ni Jakob pu na.

Hiibru Yaab 11:16

Bi nan ban kitiŋ ki ŋan jer kitiŋ ngbaan na la. Bi nan ban paacham aatiŋ la. Nima pu na, inimɔɔn aa nan joo Uwumbɔr ke bi yin u ke Baawumbɔr. U nan toor kitiŋ tii bi.

Hiibru Yaab 8:10

Maah ga puu tipuur ti tii Israel yaab n‑yoonn mu choo na na le ye ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Bibɔjirb 2:1

Uwumbɔr aatuun nan nyan Gilgal aatiŋ ni, ki buen Bokim aatiŋ ni, ki ti bui Israel yaab ke, “M nyan ni nimi Ijipt aatiŋ ni, ki di nimi dan kitiŋ ki m nan puu ke m ga di tii niyaajatiib na pu. M nan bui ke, ‘Maan bii tipuur ti m nan puu tii nimi na daalbaadaal.