Mpiin 17:17 - Uwumbɔr aagbaŋ

¹⁷ Abraham nan gbaan Uwumbɔr aanimbiin ni, le unimbil kpaa kitiŋ, tɔ, u nan piin ki laa usui ni, ki dakl ke, “Uja yaa ti saa ŋibin nkub kan, u ga ŋmaa maa ubo oo? Sara aah ti saa ŋibin imonko inaa ni kipiik na, u ga ŋmaa maa ubo oo?”

Mpiin 17:17 Iomraidhean Croise

Mpiin 17:18

Le u baa Uwumbɔr ke, “Saan cha Ismael li ye maafaajir aa?”

Mpiin 17:3

Le Abram gbaan Uwumbɔr aanimbiin ni, le unimbil kpaa kitiŋ. Le Uwumbɔr bui u ke,

Mpiin 18:11

Abraham ni upuu Sara nan por pam, le Sara aa nan ki fu tipiir.

Mpiin 18:12

Nima pu na, Sara nan laa usui ni, le ki bui ke, “M ni nchal aah por pu na, m ga ki ŋmaa kan kina aapopiin aa?”

Mpiin 21:5

N‑yoonn ngbaan Abraham nan ye ŋibin nkub le ki nin ma Aisak.

Mpiin 21:6

Sara nan bui ke, “Uwumbɔr tii mi mpopiin, le ni mu ki kpa tilaar, le unii umɔk ŋun tibɔr tee na ga laa.”

Mpiin 21:7

Le u ki len ke, “Ŋma ga ŋmaa bui Abraham ke upuu Sara ga ki maa ubo ki joo u? M ma ubijabo buyoonn u por na.”

1 Bibɔrb Aabɔr 21:16

David nan kan ntuun ngbaan gaar si libuln ni paacham, ki joo kijaak aajuk uŋaal ni ki gor ke u ti bii Jerusalem. Le David ni binib ngbaan aasalolm, bi mɔmɔk nan pee tiwanpeenkaan ni saak kuub na, gbaan le ki di binimbil chiŋ kitiŋ.

Job Aagbaŋ 1:20

Le Job fii sil, ki daa kar waawanpeenkaan nsuugar pu. U nan kuu uyil, le ki lir lichichikr,

Esekiel 1:28

ki bi ke waakpimanja aah bi pu na. Nwiihn mu nan deer ŋinimbil ngbaan na le nan mɔk ke Uwumbɔr bi nima chee.

Daniel 8:17

Le Gabriel dan nan sil gbaŋ mi, le ijawaan chuu mi le m lir kitiŋ. Le u bui mi ke, “Unibɔn, bee tiwan ngbaan aatataa. Tidaŋ ngbaan ye dulnyaa wee aah ga nan doo pu na aabɔr la.”

Liifai Yaab 9:24

Libuul ngbaan ni, le Uwumbɔr cha mmii nyan ni paacham ki nan wun kitork ki bi ban bi di see mmii ni na aapiin, ni nkpan, libimbiln paab. N‑yoonn mu binib ngbaan kan kina na, le bi teen mpɔɔn pu, ki tar lir kitiŋ lichichikr.

Nkahm 14:5

Le Moses ni Aaronn lir gbaan Israel yaab aanib mɔmɔk aanimbiin ni.

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 16:45

“Foor cha binib ngbaan ki sil nibaa man, aan m kpaan ku bi mɔmɔk libuul ni.” Le bi mɔmɔk bilee tar lir bipuu pu.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.

Tibɔnyaan ti Luk ŋmee ti na 1:18

Le Sekaria bui Uwumbɔr aatuun ngbaan, “M por a, mpuu mu por a; m ga ŋa kinye ki bee ke saah len pu na ga sil ŋa.”

Jɔnn 8:56

Niyaaja Abraham nan mɔɔni; ba pu? u ga nan kan buyoonn m ga dan na. Waah sil kan n‑yoonn mue na, nima le u nan kpa mpopiin.”

Ikaal 9:18

Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.

Ikaal 9:25

“Maah bee ke Uwumbɔr ban u kuln nimi na, le m gbaan unimbiin ni, nwiin pu ni kinyeek, ki ti saa iwiin imonko ilee.

Josua 5:14

Le uja ngbaan giin bui u ke, “Maa bi lipepel libaa wɔb, m ye Uwumbɔr aajab aaninkpel, le ki si do.” Le Josua gbaan kitiŋ le ki doon u, ki bui ke, “Ndindaan, m ye saatutunn la, aa ban ke m ŋa ba tii si?”

Josua 7:6

Josua ni Israel yaab aaninkpiib aasui nan bii, le bi dar kar baawanpeenkaan, le ki doon kitiŋ Uwumbɔr Aakaal Aadakaa aanimbiin ni, ki ti saa kijook wɔb, le ki faa titan puŋ biyil, ki mɔk ke bisui bii a.

Tibɔkpiirkaan 11:16

Le bininkpiib moninko ni binaa bi ka baabɔrjal pu, Uwumbɔr aanimbiin ni na, doon ŋichichik ki di binimbil kpaa kitiŋ ki dooni Uwumbɔr,

Tibɔkpiirkaan 5:8

Waah gaa kigbaŋ na, le tiwanfuurkaan ninaa ngbaan, ni bininkpiib moninko ni binaa ngbaan, nan gbaan unimbiin ni. Bi mɔmɔk gbaa tibar, ki joo salmaa aasambil ŋi gbii tulalee aayon na. Tulalee aayon ngbaan si Uwumbɔr aanib aameel aasisiiyaan.

Bibɔjirb 13:20

Imiigaal aah nan nyan libimbiln ngbaan pu ki fii paacham na, le Manoa ni upuu kan Uwumbɔr aatuun ngbaan bi imiigaal ngbaan ni, ki fii toŋ paacham. N‑yoonn ngbaan le Manoa nin bee ke uja na ba ye Uwumbɔr aatuun la, le u ni upuu tar lir kitiŋ bipuu pu. Baa nan ki kan ntuun ngbaan daalbaadaal.