Mpiin 17:14 - Uwumbɔr aagbaŋ

¹⁴ Uja yaa kaa gii uchakpaln kan, m ga yakr u maanib chee, ba pu? ni mɔk ke u bii taah nan ŋa kimɔbaan ki na.”

Mpiin 17:14 Iomraidhean Croise

Mpiin 17:15

Uwumbɔr nan ki bui Abraham ke, “Aa taa ki yin aapuu ke Sarai, n‑yoonn mue ki joo cha, aa li gur yin u ke Sara.

Mpiin 34:14

ki nan bui bi ke, “Taan cha tininkpan mɔn uja u kaa gii uchakpaln na, ni ga li ye inimɔɔn le ti chee.

Ilahn 55:20

Maajan aajɔ le tak ujɔtiib, u bii waah puu tipuur ti na a.

Nnyam 12:15

Uwumbɔr nan bui ke, “Iwiin ilole aakaasisik ni, ubaa taa ŋmɔ boroboro u kpa boroboro aanyɔk na, ni li ŋmɔ boroboro u kaa kpa nnyɔk na ŋmeen. Njan aawiin daal, see ni nyan boroboro aanyɔk mu bi nimi aadichal ponn ni na mɔmɔk; iwiin ilole ngbaan aasisik ni, ni ponn ni ubaa yaa ŋman boroboro u kpa boroboro aanyɔk na kan, maan ki yin u maanii.

Nnyam 12:19

Iwiin ilole ngbaan aakaasisik ni, ubaa taa li kpa boroboro aanyɔk udo lichiln ni, nimi ntimbim, bee uchaan, yaa ŋman boroboro u kpa boroboro aanyɔk na kan, waan ki li ye maanii kpala.”

Nnyam 30:33

Unii ubaa yaa ŋa nkpan ngbaan aaboln, bee u yaa di mu ki di meen unii u kaa ye utotoor na kan, waan ki li ye maanii.’”

Nnyam 30:38

Unii ubaa yaa ŋa tulalee kina aaboln ki joo u kan, waan ki li ye maanii.”

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Aisaya 33:8

Isanja ni gbii tibɔbir sakpen le binib aa ki ŋmaa dii i. Mmɔkpaan na mɔmɔk bii le kimɔbaan mu aa ki bi. Unii ubaa aa ki kan kipak.

Jeremia 11:10

Bi gir buen biyaajatiib bi nan yii maah bui bi ke bi tun pu na aatunwanbir ni la; bi nan dooni ŋiwaa la. Israel ni Juda yaab mɔmɔk bii tipuur ti m ni biyaajatiib nan puu tii tɔb na.

Jeremia 31:32

Taan le bi ke tipuukpok ti m nan puu tii biyaajatiib, buyoonn m nan chuu biŋaal ki daar nyan bi, ki cheen bi nyan Ijipt aatiŋ ni na. M nan bi ke chal na le ki tii bi, bi mu aa nan joo tipuur ngbaan.

Esekiel 44:7

Buyoonn bi bi joo kitork aawakor aakpan ni nsin tii mi na, le bi cha biwɔwɔm bi kaa gii ŋichakpan ki ye binib bi kaa kii maamɔb na koo ni Maadichal ni ki bii li. Kina le maanib ŋani tiwan ni sukr ponn ni na ki yii maah puu tipuur ti na tii bi.

Liifai Yaab 18:29

Ni nyi ke unii umɔk ŋa inimɔɔn aawan nee na, waan ki li ye Uwumbɔr aanib ponn ni ubaa.

Liifai Yaab 19:8

Unii umɔk ŋman ti na aabɔr ga bii, ke waa lik faar tiwan ni bi di tii mi na, waan ki li ye maanib ponn ni ubaa.

Liifai Yaab 23:29

Liyaadaal ngbaan, unii u jin tijikaar na kan, waan ki li ye Uwumbɔr aanib ponn ni ubaa.

Liifai Yaab 7:25

Bi yaa kɔr kiwakork ki bi ga ŋmaa di ki toor kitork na kan, ubaa taa ŋmɔ kaakpan, u yaa ŋman kan, waan ki li ye Uwumbɔr aanib ponn ni ubaa.

Liifai Yaab 7:27

Unii umɔk bii nkaal ngbaan na kan, waan ki li ye Uwumbɔr aanib ponn ni ubaa.

Nkahm 9:13

Tɔ, unii umɔk bi linampal, kaa buen nsan, ki mu bi chain, ki yii kaa jin Lakr‑jer aajim ngbaan na kan, u li nyi ke waa ki ye maanii, ba pu? buyoonn ni ŋeer ke u tii mi ipiin na, waa ŋa kina, le u ga ji falaa kina pu.

1 Korenti 11:27

Nima pu na, unii yaa ŋman Tidindaan aaboroboro ngbaan, ki nyu waawanyukaan ngbaan, kaa tii u lisil kan, u sii Tidindaan aawon ni waasin.

1 Korenti 11:29

Unii yaa ŋman ki yaa nyun, ki yaa kaa bee Tidindaan aawon aatataa kan, u ga cha Uwumbɔr daa utafal.