Mpiin 17:11 - Uwumbɔr aagbaŋ

^11-12 N‑yoonn mue ki joo cha, ni yaa ma ubijabo u ti saa iwiin iniin daal kan, see ni gii uchakpaln, ki mu gii nimi aanaagbiib, ni baabijabim, ni naah daa binib bi na mɔmɔk aachakpan. Nimina le ga mɔk ke tipuur bi tikaasisik ni.

Mpiin 17:11 Iomraidhean Croise

Mpiin 9:12

Uwumbɔr nan ki bui ke, “M ga di waapumanja lul kitaapaak. Waapumanja ngbaan le ye limɔkl ki tii nimi, ni dulnyaa aawan nimɔk fu na, maah puu tipuur ti kaa kpa ndoon na pu na.

2 Samuel 3:14

Le David mu tun Isbosef chee ke, “Giin mpuu Mikal tii ni mi. M nan di Filistia yaab aajawan aagban nkub le pan u pu ki yoor u.”

Nnyam 12:48

le unii u kaa gii uchakpaln na aan ŋmaa ji kitork ngbaan aajikaar. Uwɔwɔnii yaa nan kal ni chee ki ban u kpaan toor Lakr‑jer aatork ngbaan ki nyuŋ Uwumbɔr kan, see ni pue gii bijab bi bi baamaal ponn ni na aachakpan. N‑yoonn ngbaan na, u kpaln Israel yaab ponn ni ubaa le na, ki ga ŋmaa kpaan ni chee ki toor kitork ngbaan.

Nnyam 4:25

Moses aapuu Sipora nan di litakpal li ka ke kijuk na, le ki gii ujapɔɔn aachakpaln le ki di kichakpangbaŋ ngbaan meeh Moses aataafar. Lichakpangeei ngbaan pu le u bui Moses ke, “Aa ye nsin aachal le ki tii mi.” Nima pu na, Uwumbɔr aa nan ku Moses.

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Ikaal 10:16

Nima pu na, n‑yoonn mue ki joo cha, ni kii Uwumbɔr aamɔb, ki di cha nimi aatafalaaŋun ngbaan.

Josua 5:3

Nima pu na, Josua nan ŋa Uwumbɔr aah bui u ke u ŋa pu na; u nan geei Israel yaab aajab aachakpan nin chee bi yin nima ke Lichakpangeei Aagongoln na.