Mpiin 17:10 - Uwumbɔr aagbaŋ

¹⁰ Aa ni aayaabitiib mɔmɔk kii ke ni ga li geei mbijabim bi mɔmɔk ni ga maa na aachakpan.

Mpiin 17:10 Iomraidhean Croise

Mpiin 17:11

N‑yoonn mue ki joo cha, ni yaa ma ubijabo u ti saa iwiin iniin daal kan, see ni gii uchakpaln, ki mu gii nimi aanaagbiib, ni baabijabim, ni naah daa binib bi na mɔmɔk aachakpan. Nimina le ga mɔk ke tipuur bi tikaasisik ni.

Mpiin 17:23

Nwiin ngbaan daal, le Abraham nan gaa Uwumbɔr ki kii waamɔboln pu, le ki gii ujapɔɔn Ismael, ni bijab bimɔk nan bi udo lichiln ni na aachakpan. Bijab ngbaan le ye waah nan daa binaagbiib bi na, ni baabijabim mɔmɔk.

Mpiin 21:4

le ubopɔɔn ngbaan aah nan ti saa iwiin iniin na, le ute Abraham gii uchakpaln, Uwumbɔr aah nan tuk u ke u ŋa pu na.

Mpiin 34:15

Ni yaa kii ke ni ga geei ni mɔmɔk aachakpan ke taah geei pu na kan, ti mu ga kii ke u mɔn si,

Mpiin 34:22

Binib ngbaan bui ke ti yaa kii ki gii tichakpan ke baah geei pu na kan, bi ga kii ki li bi ti chee, aan ti ŋa unibaan.

Nnyam 12:48

le unii u kaa gii uchakpaln na aan ŋmaa ji kitork ngbaan aajikaar. Uwɔwɔnii yaa nan kal ni chee ki ban u kpaan toor Lakr‑jer aatork ngbaan ki nyuŋ Uwumbɔr kan, see ni pue gii bijab bi bi baamaal ponn ni na aachakpan. N‑yoonn ngbaan na, u kpaln Israel yaab ponn ni ubaa le na, ki ga ŋmaa kpaan ni chee ki toor kitork ngbaan.

Nnyam 4:25

Moses aapuu Sipora nan di litakpal li ka ke kijuk na, le ki gii ujapɔɔn aachakpaln le ki di kichakpangbaŋ ngbaan meeh Moses aataafar. Lichakpangeei ngbaan pu le u bui Moses ke, “Aa ye nsin aachal le ki tii mi.” Nima pu na, Uwumbɔr aa nan ku Moses.

Jeremia 4:4

Li joo man tipuur ti ni nan puu tii mi Uwumbɔr na. Nimi Juda ni Jerusalem aanib, di nibaa tii mi man. Ni yaa kaa ye kina kan, maaŋuul ga fii ke mmii na, titunwanbir ti ni tun na pu. Li ga fii, le ubaa aan li bi ki sɔŋ li.”

Jɔnn 7:22

Moses nan tii nimi nkaal ke ni li geei ŋichakpan. Tɔ, naa ye Moses le puen tii nimi nkaal ngbaan, niyaajatiib le nan puen tii nimi. Likpaakool daal, ubo u ŋeer ni gii uchakpaln na kan, ni geei la.

Lituln 7:8

Le Uwumbɔr puu tipuur tii Abraham, ki tii u nkaal, ke u ni uyaabitiib mɔmɔk gii ŋichakpan, aan ni mɔk ke bi kii uma Uwumbɔr aah puu tipuur ti na. Le Abraham ma ubijabo, ki yin u ke Aisak, le ki gii uchakpaln, u nan laa ye iwiin iniin aabo la. Le Aisak ma waabo Jakob. Jakob mu ma japɔtiib kipiik ni bilee bi ye tiyaajaninkpiib na. Le bi mɔmɔk gii ŋichakpan.

Rom Yaab 2:28

Unii u ye Juu aanii mpaan pu baanja na aa ye Juu aanibamɔnn. Unii u gii lichakpaln kaa kpeln waabimbin na, naa ye lichakpangeei bamɔnn.

Rom Yaab 3:25

U nan di Yesu siin binib aanimbil ni, ke u nan kpo, aan uma Uwumbɔr taa ki gee liŋuul ti pu. Ti yaa gaa Yesu ki kii kan, waasin pu le Uwumbɔr ga di cha pinn timi. Nima le mɔk ke Uwumbɔr ŋani ni ŋan na; ba pu? u nan kpa limɔr, kaa bii binib bi tun titunwanbir buyoonn Yesu Kristo aa kee dan dulnyaa wee ni na.

Rom Yaab 3:28

Nima pu na, ti bee ke ti yaa gaa Yesu ki kii kan, Uwumbɔr ga len ke timi aabɔr ŋan. Naa ye ke ti joo waakaal mbamɔm le cha u len kina.

Rom Yaab 3:30

Uwumbɔr ye Uwumbɔrbaan la. Juu yaab yaa gaa Yesu ki kii kan, Uwumbɔr ga len ke baabɔr ŋan. Bi mu kaa ye Juu yaab na yaa gaa Yesu ki kii kan, Uwumbɔr ga len ke bi mu aabɔr ŋan.

Galantiya 3:28

Naah kpaan Yesu Kristo ni na, ni mɔmɔk ye unibaan la. Juu yaab ni binib bi kaa ye Juu yaab na, ni binaagbiib ni mmaal aabim, ni bijab ni bipiib, ni mɔmɔk ye unibaan la.

Galantiya 6:12

Binib bi muk nimi ke ni li geei ŋichakpan na, bi ban ke bi piir Juu yaab aasui, aan bi taa ŋa bi falaa Kristo aadɔpuinkoo aabɔr pu la.

Efesusi 2:11

Nimi bi kaa ye Juu yaab na, Juu yaab yin nimi binib bi kaa geei ŋichakpan na, ki yin bibaa bichakpangeeb; ba pu? bi geei ŋichakpan. Ni teer man, naah nan bi pu n‑yoonn mu jer na.

Ikaal 10:16

Nima pu na, n‑yoonn mue ki joo cha, ni kii Uwumbɔr aamɔb, ki di cha nimi aatafalaaŋun ngbaan.

Ikaal 30:6

Nidindaan Uwumbɔr ga tii nimi ni niyaabitiib nsui mu kpa limɔkiir na, nima kan, ni ga li gee u nisui ni mbamɔm, ki li bi kitiŋ ngbaan ni.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

Josua 5:2

Uwumbɔr nan bui Josua ke, “Ban litakpal li pɔɔ na ki ŋa njum, aan ki geei Israel aajab aachakpan.”

Josua 5:4

N‑yoonn mu Israel yaab nan nyan ni Ijipt aatiŋ ni na, bijab mɔmɔk nan gii bichakpan. Baah nan chuun ŋibin imonko ilee nteersakpiin ni ki cha Kanaann aatiŋ ni na, mbijabim bi bi nan ma n‑yoonn ngbaan na, baa nan gii bichakpan. Ni ki kpee na, bijab bi nan ŋeer bi to butɔb, ki nyan ni Ijipt aatiŋ ni na, nan kpoi nsan ni doo a; ba pu? bi nan yii Uwumbɔr aamɔb. Le Uwumbɔr aah nan puu tipuur pu na, waa nan kii ke bi kan kitiŋ ki kpa tiwakor aamoŋmɔpaan ni ŋisubil sakpen na aan u nan puu tii biyaajatiib ke u ga tii timi na.