Mpiin 15:6 - Uwumbɔr aagbaŋ

⁶ Abram nan gaa Uwumbɔr aamɔboln ki kii, kina pu na, Uwumbɔr aasui nan piir Abram pu, le Uwumbɔr gaa u ke u ye uninyaan u chee.

Mpiin 15:6 Iomraidhean Croise

Nehemia 9:8

Aa nan kan ke u kpa gaakii tii si, le aa nan puu tipuur tii u. Aa nan puu ke aa ga di Kanaann yaab aatiŋ tii u, ki kpee Hef yaab, ni Amor yaab aatim, ni Peris yaab, ni Jebus yaab, ni Girgas yaab aatim ke mu li ye uyaabitiib aatim. Saah ŋani saah len pu na n‑yoonn mɔmɔk na, aa joo saah puu pu na mbamɔm.

Ilahn 106:31

Ki nyan n‑yoonn ngbaan ki joo cha, bi nan teer nimina ki pak Fineas, le bi ga li beenin teer, ki ti saa n‑yoonn mu choo na.

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Rom Yaab 4:9

U len ke Juu yaab baanja le kpa mpopiin ngbaan aa? Waa len kina. Binib bi kaa ye Juu yaab na mu kpa. Ti len ke Abraham nan gaa Uwumbɔr aamɔboln ki kii, nima le cha Uwumbɔr gaa u ke u ye uninyaan u chee.

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

Hiibru Yaab 11:8

Uwumbɔr nan yin Abraham, ki bui u ke u buen kitiŋ ki u puu tipuur ke u ga di tii u na. Abraham aah nan gaa Uwumbɔr ki kii pu na le u kii waamɔb, le ki nyan waatiŋ ni, ki buen, kaa nyi waah cha nin chee na.

Jemisi 2:23

Le ni gbiin Uwumbɔr Aagbaŋ aah len pu na ke, “Abraham nan gaa Uwumbɔr aamɔboln ki kii, kina pu na le Uwumbɔr gaa u ke u ye uninyaan u chee.” Le Uwumbɔr yin u ke ujɔ.