Mpiin 15:17 - Uwumbɔr aagbaŋ

¹⁷ Buyoonn nwiin nan lir, ni bɔnn doo na, le kiŋulk ki kpa iŋmanyuu ni mmiigaal na nan nyan ni, ki jer tiwakor na aanann aakaasisik ni.

Mpiin 15:17 Iomraidhean Croise

Mpiin 15:10

Le Abram nan joo ni tiwakor ngbaan Uwumbɔr chee, le ki geei ti ŋigen, le ki di ŋigen ngbaan bil toŋ tɔb, ki lur ni bil ikuul ilee; tɔ, waa nan geei inyoon ilee na ma.

2 Samuel 22:9

Iŋmanyuu nan nyan ni umɔfataabun ni, le mmiigaal, ni mmiisakɔn nyan ni umɔb ni.

1 Bibɔrb 18:38

Le Uwumbɔr cha mmii sunn ni, ki nan wun kitork ngbaan, ni idɔ, ni ŋitakpal, ki kuur kitiŋ kpan kpan, le nnyun mu dɔ libuul na ponn ni na foor pel pel.

1 Bibɔrb Aabɔr 21:26

U nan maa kitork aabimbiln tii Uwumbɔr nima, ki toor kitork ki bi ga di see mmii ni na, ni kimɔbaan aatork mu. U nan mee Uwumbɔr, le Uwumbɔr nan kii waameel ngbaan ki cha mmii nyan ni paacham ki nan wun kitork ngbaan, libimbiln ngbaan paab.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Nnyam 20:18

N‑yoonn mu binib ngbaan nan ŋun utaal gben, ni kakaan aawiil, ki kan utaal moor, ni iŋmanyuu Sainai Aajool ngbaan pu na, le ijawaan chuu bi, le biwon gbaa, le bi san ti sil dandar.

Aisaya 62:1

M ga len ki pɔɔk Jerusalem yaab aataakpab; maan di cha limeel ni pu see ni ŋmar, le nimi aaŋann li wiin ke kinyeek aamii aah wiin pu na.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Bibɔjirb 13:20

Imiigaal aah nan nyan libimbiln ngbaan pu ki fii paacham na, le Manoa ni upuu kan Uwumbɔr aatuun ngbaan bi imiigaal ngbaan ni, ki fii toŋ paacham. N‑yoonn ngbaan le Manoa nin bee ke uja na ba ye Uwumbɔr aatuun la, le u ni upuu tar lir kitiŋ bipuu pu. Baa nan ki kan ntuun ngbaan daalbaadaal.

Bibɔjirb 6:21

Le Uwumbɔr aatuun ngbaan di waah joo lidabil li na meeh tinann ngbaan, ni boroboro ngbaan. Mmii nan nyan ni litakpal ngbaan ni, le ki wun tinann ni boroboro ngbaan. Le ntuun ngbaan wɔŋ.