Mpiin 15:14 - Uwumbɔr aagbaŋ

¹⁴ Le min Uwumbɔr ga daa linibol li ga joo saanib ngbaan tinaagbiir na aatafal, le bi yaa nan ban bi nya kitiŋ ngbaan ni kan, bi ga li joo liwangol sakpeln, le ki di buen.

Mpiin 15:14 Iomraidhean Croise

Mpiin 48:21

Le Jakob bui Josef ke, “Aa kan aa? Naan ki yunn m ga kpo; Uwumbɔr mu le ga li bi ni chee ki giin nimi buen niyaajatiib aatiŋ ni.

Mpiin 50:24

Le u bui ukpetiib ke, “Ni ŋeer m kpo; Uwumbɔr mu ga sil li joo nimi, ki nyan nimi Ijipt aatiŋ kee ni, ki giin nimi buen kitiŋ ki u nan puu ke u ga di ki tii titetiib Abraham, ni Aisak, ni Jakob na.”

Ilahn 105:42

U nan teer waah nan puu tipuukpaan ti tii waatutunn Abraham na.

Ilahn 135:14

Uwumbɔr ga li kii waanib; u ga san waatutum kinimbaak.

Ilahn 135:9

Nima chee le u nan tun iwaan aatun, ki di daa nima chee aabɔr, ni waaninkpiib aatafal.

Ilahn 51:4

M tun si titunwanbir, sin baanja le m tun titunwanbir, ki ŋani tiwan ni ye aa chee tibir na, kina pu na, aa yaa jin mi tibɔr kan, ni ŋan, aa kpa mbamɔn ke aa bui ke maabɔr bii.

Nnyam 12:29

Kinyetaasiik le Uwumbɔr ku njan aabim mɔmɔk Ijipt aatiŋ ponn ni, ubɔr aajapɔpol u ga nan ji nnaan na hali ki ti saa biyom bi bi tiyondir ni na aajan aabim, ki kpee tiwakor mu aajan aabim.

Nnyam 3:10

Dandana wee m ban m tun si Ijipt yaab aabɔr chee, nima kan aa ga ŋmaa loln maanib ngbaan pu nsan ki nyan bi kitiŋ ngbaan ni.”

Lituln 7:7

Kitiŋ ngbaan aanib aah ga di bi ŋa binaagbiib na, le m ga daa bitafal. N‑yoonn ngbaan le aayaabitiib ga nya kitiŋ ngbaan ni, ki dan kitiŋ kee ponn ni, ki nan li dooni mi do chee na.’

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

Ikaal 6:22

Tinimbil ni, le ti kan u ŋa iwaan, ni ijawaan aawan, ki daa Ijipt yaab, ni baabɔr, ni waayidam mɔmɔk aatafal.

Josua 24:17

Tidindaan Uwumbɔr le nan nyan ni titetiib, ni timi, Ijipt yaab aanaagbiir ni, le ti kan lijinjiir aatun ŋi u tun na. Taah nan bi nin chee na mɔmɔk, uma le nan biin ti pu, le ŋinibol ŋimɔk ti koo bi ni na ubaa aa nan ŋa timi nibaa.

1 Samuel 12:8

Jakob ni waadichal aah nan buen Ijipt, aan Ijipt yaab ti muk bi na, niyaajatiib nan wii ki ban nterm Uwumbɔr chee, le u tun ni Moses ni Aaronn, le bi nan nyan bi Ijipt ponn ni, ki nan di bi kaan kitiŋ kee pu.