Mpiin 15:13 - Uwumbɔr aagbaŋ

¹³ Uwumbɔr nan ki bui u ke, “Saamaal ga li ye bicham le kitiŋ yayan ponn ni; bi ga li ye binaagbiib nima chee, le bi ga ŋa bi mbiin, ki ti saa ŋibin ikui inaa.

Mpiin 15:13 Iomraidhean Croise

Mpiin 15:16

Yaabitiib ŋiker ŋinaa pu le ga jer, nee aapuwɔb le saamaal ga ki gir ni kitiŋ kee pu; ba pu? maan jenn nyan Amor yaab kitiŋ kee pu, see baatunwanbir ti nyaŋ, le m nin daa bitafal.”

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 47:4

Ti dan ke ti nan li bi kitiŋ kee ni, ba pu? nkon ngbaan pɔɔ Kanaann aatiŋ ni sakpen a, le timoor aa ki bi tiwakor ŋmɔ. Ubɔr, tii timi nsan ti li bi Gosenn aapepel, saatiŋ kee ni.”

Ilahn 105:42

U nan teer waah nan puu tipuukpaan ti tii waatutunn Abraham na.

Nnyam 1:11

Nima pu na, Ijipt yaab nan nyan baanib le bi lik Israel yaab ki cha bi tun lituln li pɔɔ na, ki ŋani bi falaa sakpen. Bi nan cha Israel yaab le maa ntisakpem mulee mu bi yin mu ke Pitom ni Rameses na, ntim ngbaan nan ye nin chee ubɔr nan joo waajikaar ni waawan mɔmɔk bilni na la.

Nnyam 1:13

le bi nan moo ŋa bi falaa ki cha bi tun linaagbiituln. Bi nan cha bi maa tidir, ki ko baasar, kaa nan san bi kinimbaak.

Nnyam 2:24

le ni nan chuu u kinimbaak, le u teer tipuur ti u nan puu tii Abraham, ni Aisak, ni Jakob na.

Nnyam 22:21

“Ni taa ŋa uwɔwɔnja mbiin, ki teer ke ni mu nan ye biwɔwɔm le Ijipt aatiŋ ni.

Nnyam 23:9

“Ni taa li ŋani biwɔwɔm mbiin, ba pu? ni mu nan ye biwɔwɔm le Ijipt aatiŋ ni, ki nyi naah nan kpa falaa pu na.

Nnyam 3:10

Dandana wee m ban m tun si Ijipt yaab aabɔr chee, nima kan aa ga ŋmaa loln maanib ngbaan pu nsan ki nyan bi kitiŋ ngbaan ni.”

Nnyam 3:17

M dakl ke m ga nyan bi Ijipt aatiŋ ni, nin chee bi ŋani bi falaa na, ki di bi buen kitiŋ ki kpa tiwakor aamoŋmɔpaan ni ŋisubil sakpen na, kitiŋ ki ye Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab aatiŋ na pu.

Nnyam 3:8

Nima pu le m sunn ni ki dan ke m nan gaa bi lii, ki nyan bi Ijipt yaab aatiŋ ni, ki tii bi kitiŋ ki ŋan, ki wiir, ki kpa tiwakor aamoŋmɔpaan ni ŋisubil sakpen na; kitiŋ ngbaan le Kanaann yaab, ni Hef yaab, ni Amor yaab, ni Peris yaab, ni Hif yaab, ni Jebus yaab laa bi ki ponn ni na.

Liifai Yaab 19:34

Ni li ŋani bi tiŋann ke naah ŋani niŋeen aatɔtiib Israel yaab biken pu na, ki li gee bi ke naah gee nibaa pu na. Ni teer ke ni mu nan ye biwɔwɔm le Ijipt aatiŋ ni. Min le ye Nidindaan Uwumbɔr.

Nkahm 20:15

Tiyaajatiib nan buen Ijipt aatiŋ ni, le ki ti koo nima ŋibin pam. Le Ijipt yaab saan tiyaajatiib, ni timi,

Lituln 7:17

“Tɔ, Uwumbɔr nan puu tipuur tii Abraham. Le n‑yoonn mu u ga ŋa waah puu tipuur ti na peen ni. N‑yoonn ngbaan le Israel yaab too pɔr kpee Ijipt aatiŋ ni.

Galantiya 3:17

Maah len pu na le ye ke Uwumbɔr nan puu tipuur, ki puu ke u ga sil ŋa kina [Kristo pu]. Ŋibin ikui inaa ni ŋibin piitaa aah jer na, le u tii binib nkaal. Nkaal ngbaan aa ŋa tipuur ngbaan fam.

Ikaal 10:19

Nima pu na, ni li gee biwɔwɔm bi koo ni chee na; ba pu? ni mu nan ye biwɔwɔm le Ijipt aatiŋ ni.

Ikaal 5:15

Teer man ke ni mu nan ye binaagbiib le Ijipt aatiŋ ni, le min, Nidindaan Uwumbɔr di maapɔɔn sakpiin na nyan ni nimi. Nima pu le m bui nimi ke ni li joo Likpaakool daal mbamɔm.