Mpiin 15:1 - Uwumbɔr aagbaŋ

¹ Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 15:1 Iomraidhean Croise

Mpiin 15:2

Tɔ, Abram nan bui ke, “Ndindaan Uwumbɔr, aa ga tee tii mi ba aapiin? Aa mu kan ke maa kpa ubo. Elieser u ye Damaskus aanii na le ye maafaajir.

Mpiin 15:4

Le u ki ŋun Uwumbɔr len ke: “Saanaagbiija Elieser aan ji saafaal; see aaponn ni aabo le ga ji saafaal.”

Mpiin 21:17

Uwumbɔr nan ŋun ubo ngbaan aah wii pu na, le upii ngbaan nan ŋun Uwumbɔr aaneel nyan ni paacham ki baa u ke, “Hagar, ba muk si? Taa san ijawaan, Uwumbɔr ŋun saabo aah wii pu na.

Mpiin 22:1

N‑yoonn mbaa le Uwumbɔr nan tɔŋ Abraham: u nan yin u ke, “Abraham.” Le Abraham kii ke, “M sɔ.”

Mpiin 22:20

N‑yoonn mbaa le Abraham nan ŋun ke Milka nan ma mbim biniin tii unaal Nahor. Bima sɔ:

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 31:7

Le n‑yoonn pam, u jin mi pem pem ki kpeln waah ba ga pa mi pu na nfum kipiik pu. Uwumbɔr mu aa kii ke u bii mi.

2 Samuel 22:3

Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi, le m bi ŋŋmarm ni. Uma le ye u gaal mi lir na, u kii mi, le tiwanbir aa piir mi.

2 Bibɔrb 1:15

Le Uwumbɔr aatuun bui Elaija ke, “Li dii u cha, ki taa san ijawaan.” Le Elaija nan dii uninkpel ngbaan buen ubɔr chee,

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

Ilahn 115:10

Nimi Uwumbɔr aatotoorb, li kpa limakl Uwumbɔr pu man. U ter nimi, le ki kii nimi.

Ilahn 119:114

Sin le ye maakikiir, m kpa limakl saah len pu na pu.

Ilahn 142:5

Uwumbɔr, m wii yin si ki ban nterm la; Uwumbɔr, sin le ye u kii mi na. Sin le ye tiwan ni mɔmɔk m ban maamɔfal ponn ni na.

Ilahn 18:2

Uwumbɔr le ye maakikiir; uma le ye maadiik ki pɔɔ na. Maawumbɔr le ye u kii mi na, le m yaa bi u chee kan, m ŋmar. U kii mi ke kijaak aapeln na la; u kii mi le m bi ŋŋmarm ni.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 3:3

Uwumbɔr, le sin le ye kijaak aapeln li kii mi tibɔbir chee na; aa tii mi linyaŋ, ki pɔɔk ntaakpab.

Ilahn 3:4

M yin Uwumbɔr ki ban nterm, le u bi waagongoln li bi chain na pu ki keei maayim.

Ilahn 5:12

Uwumbɔr, aa ŋani tinyoor ŋani bi keei saamɔb na pu; le saageehm kii bi ke kijaak aapeln na.

Ilahn 58:11

Le binib ga bui ke, “Uwumbɔr sil pa binib bi aabimbin ŋan na tipar;” ki ki len ke, “Uwumbɔr u ji dulnyaa yaab tibɔr na sil bi.”

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ilahn 84:9

Uwumbɔr, ŋa saanyoor ŋa timi aabɔr u sin aabaa lee u na pu.

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Ŋiyataŋak 11:18

Bibiindam aa sil kani tinyoor tibaa, tɔ, aa yaa ŋani tiwan ni ŋan na kan, aa ga sil kan kina aaŋann.

Ŋiyataŋak 30:5

“Uwumbɔr joo waah puu tipuur ti na mɔmɔk. U kii binib bi mɔmɔk ban waaterm na.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 40:10

Tidindaan Uwumbɔr choo ke u nan di mpɔɔn joo waanib, ki joo ni binib bi u gaa bi lii na.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Jeremia 39:17

le min Uwumbɔr ga li kii si, bi taa di si tii bijab bi aa san bi ijawaan na.

Inandalahn 3:24

Uwumbɔr baanja le m kpa, kina pu le m kpa limakl u pu.

Esekiel 1:1

Ŋibin piitaa aaŋmanaa aawiin iŋmu daal, le min Esekiel u aate ye Busi, aan m ye utotoor na, ni Juu yaab biken bi nan bi tinaagbiir ni na, nan koo gbɔk Kebar Aamɔɔl, Babiloŋ aatiŋ ni. Kitaapaak nan chuu piir, le Uwumbɔr kpiir ubaa mɔk mi.

Esekiel 11:24

Tidaŋ ngbaan ni, Uwumbɔr Aafuur Nyaan nan ki yoor mi paacham ki di giin binaagbiib biken chee Babiloŋ aatiŋ pu. Le tidaŋ ngbaan doo,

Esekiel 3:4

Uwumbɔr nan ki bui mi ke, “Unibɔn, li cha Israel aanib chee ki ti tuk bi maah bui si ke aa ti bui bi pu na.

Nkahm 12:6

Le Uwumbɔr bui bi ke, “Li pel man maah ban m len pu na. N‑yoonn mu maabɔnabtiib bi ni chee na, min le joo mbaa mɔk bi tidaŋ ni, le ki len bi chee tibɔr.

Nkahm 18:20

Uwumbɔr nan ki bui Aaronn ke, “Saa kpa liwangol libaa aayaabitiib ga ji li lifaal, le baan gii Israel yaab aatiŋ nibaa chee tii si. Min Uwumbɔr ŋeer si.”

Nkahm 24:4

ki ŋun Uwumbɔr aah len pu na aabɔr. Maah dɔ ke maah geen na, le m likr ki kan Uwumbɔr Mpɔɔnsakpiindaan aah kpiir mɔk mi pu na:

Matiu 28:5

Le Uwumbɔr aatuun ngbaan bui bipiib ngbaan, “Ni taa san ijawaan man. M nyi ke ni ban Yesu u bi nan kpaa u ndɔpuinkoo pu na la.

Matiu 8:26

Le u bui bi, “Ba ŋa ni san ijawaan? Naa gaa mi ki kii mbamɔm.” Le u fii ki kae kibuŋ ni nnyun. Le kibuŋ ni nnyun mɔk ŋmin chii.

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:30

Le u ki bui u, “Mari, taa san ijawaan. Uwumbɔr ŋa si tibulchinn la.

Tibɔnyaan ti Luk ŋmee ti na 12:32

“Maanib bi bi siib na, ni taa san ijawaan man. Nite Uwumbɔr le ban ke u tii nimi nnaan. Waageehn le na.

Lituln 10:22

Le bi bui u, “Konelius, u ye butɔb aajab nkub aaninkpel na le tun ni timi. U ye unibamɔnn u pak Uwumbɔr na. Juu yaab mɔmɔk pak u sakpen. Le Uwumbɔr aatuun mubaa tuk u ke u yin si, ke aa dan udo, u nan pel saah ga len pu na.”

1 Korenti 3:22

Min Pɔɔl, ni Apolos, ni Siifas, ni dulnyaa wee, ni limɔfal, ni nkun, ni tiwan ni bi dandana na, ni tiwan ni ga li bi n‑yoonn mu choo na mɔmɔk ye nimi yaan la. Ni mu ye Kristo yaab la.

Ikaal 18:2

Bi taa li kpa ikpaakon ke biken aah kpa pu na, baayimɔɔn le ye ke bi ye Uwumbɔr aatotoorb ke waah nan puu tipuur pu na.

Ikaal 31:6

Ni nya sil, ki li kpa lipobil. Ni taa san bi ijawaan. Nidindaan Uwumbɔr ubaa ga li bi ni chee. Waan jinn nimi inimɔɔn, ki mu aan di nimi lii.”

Hiibru Yaab 1:1

N‑yaayoonn na Uwumbɔr nan cha waabɔnabtiib tuk tiyaajatiib waabɔr ki di tiwan aabɔŋ aabɔŋ ŋaŋ waasan.

Tibɔkpiirkaan 1:17

Maah kan u na, le m lir gbaan unimbiin ni ke maah kpo le na. Le u di uŋangii paan m pu, ki bui mi ke, “Taa san ijawaan. Min le ye mpiin ngbaan ni ndoon ngbaan.

Ruf Aagbaŋ 2:12

Uwumbɔr ga pa si saah tun pu na pu. Israel yaab Aadindaan Uwumbɔr, u chee aa dan ki ban ke u li kii si na, ga pa si saapal mɔmɔk.”

1 Samuel 15:10

Le Uwumbɔr bui Samuel ke,

1 Samuel 9:9

Le Sɔɔl kii u ke, “Ti ŋan. Ti li cha.” Le bi siir buen kitiŋ ki ponn ni Uwumbɔr aanii ngbaan koo na. Baah bi joi ligongoln ki cha kitiŋ ngbaan ni na, le bi ton bisapɔm bibaa nsan ni, bi nan cha bi ti lu nnyun. Le bi baa bisapɔm ngbaan ke, “Ukakann na bi kitiŋ ni ii?” N‑yoonn ngbaan bi nan yin Uwumbɔr aabɔnabr ke ukakann la, kina pu na, unii yaa nan ban u baa Uwumbɔr mbaa kan, u ga bui le ki, “Cha ti buen ukakann na chee.”