Mpiin 14:20 - Uwumbɔr aagbaŋ

²⁰ Uwumbɔr u kaa kpa ŋeen aatɔ, ki cha aa nyaŋ saadim na, kan kipak.” Le Abram nan nyan tiwan nimɔk u nan gaa na nibaabaa kipiik mɔk ponn ni, ki di tii Melkisedek.

Mpiin 14:20 Iomraidhean Croise

Mpiin 14:21

Le Sodom aabɔr ngbaan nan bui Abram ke, “Li joo tiwan ngbaan mɔmɔk, ki tee di maanib mɔmɔk tii mi.”

Mpiin 24:27

U nan bui ke, “M pak Uwumbɔr u ye maaninkpel Abraham Aawumbɔr, ki gbiin waah nan puu tipuur ti tii u na. U cha m nan tuur maaninkpel Abraham aamaal aachiln ni aanii le pu.”

Mpiin 28:22

Litakpal li m di ŋum do ke m li joo teer saabɔr na ga li ye nin chee m ga li dooni si na, le saah ga tii mi tiwan ni na mɔmɔk, m ga nyan nibaabaa kipiik mɔk ponn ni ki giin tii si.”

Mpiin 47:24

Buyoonn ni nan chee tijikaar ngbaan na kan, see ni mɔmɔk yakr nimi aajikaar nfum muŋmu pu, ki nyan nibaabaa tii ubɔr. Le tijikaar ti gur na, ni ni nimi aamaal li ji, ki di ngem mu ŋa libuul.”

Mpiin 47:26

Nima pu na, Josef nan siin nkaal Ijipt aatiŋ mɔmɔk ni, ke bimɔk yaa yakr baajikaar nfum muŋmu pu kan, mubaa li yeh ubɔr yaan. Le nkaal ngbaan beenin bi kina ki nan saa din, see bitotoorb aakpaakon baanja le baa di ŋa ubɔr yaan.

Mpiin 9:26

M pak Uwumbɔr u Sem dii u na. Kanaann ga li ye Sem aanaagbiija la.

2 Samuel 18:28

Ahimaas nan teen ki doon ni ubɔr, le ki tar lir kitiŋ unimbiin ni, ki bui ke, “Mpɔɔndaan, pakn Aadindaan Uwumbɔr u tii si linyaŋ bijab bi yii saamɔb na pu.”

2 Bibɔrb Aabɔr 31:12

le ki di ipiin ngbaan ni baah nyan tiwan nibaabaa ni kipiik kipiik mɔk ni tii Uwumbɔr na mɔmɔk ŋa ti ponn ni, ke nibaa taa bii ti. Bi nan di Liifai aanii u bi yin u ke Konania na le di kiir ti, le unaal Simei ter u.

Nehemia 10:37

Libiln mɔk ponn ni kan, ti ga di taah puen chee njikaabim mu na aayon, ni ŋisubil aadaan, ni olif aakpan, ni ŋisubil mɔmɔk aapiin buen bitotoorb chee Uwumbɔr Aadichal ponn ni aan bi di tii Uwumbɔr, Nkaal aah mɔk pu na. Ti ga di ni ye Uwumbɔr yaan ki nyan ni timi aasar mu ponn ni na ki di tii Liifai yaab bi gaal kina aawan itingbaan ponn ni na.

Nehemia 13:12

Le Israel aanib mɔmɔk ki piin ki joo ni baajikaabim, ni ŋisubil aadaan, ni olif aakpan aapiin nan siini tidir ti ponn ni bi joo kina aawan siini na Uwumbɔr Aadichal chee.

Ilahn 144:1

Pak Uwumbɔr man, u ye maakikiir la. U gor mi kiir kijaak ki toor mi kiir butɔb.

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Ilahn 68:19

Pak Uwumbɔr man, u tu timi aatun iwiin mɔmɔk na; uma le ye Uwumbɔr u gaal timi lir na.

Nnyam 18:10

le u bui ke, “M pak Uwumbɔr u gaa nimi Ijipt yaab aabɔr ni waanib chee lii na. M pak Uwumbɔr, u nyan waanib tinaagbiir ni na.

Amos 4:4

Tidindaan Uwumbɔr bui ke, “Israel yaab, ni yaa gee kan, ni li cha man Betel aabuul li bi chain na ni ki ti tun titunwanbir man. Di man nimi aapɔɔn mɔmɔk ki buen Gilgal aatiŋ ni ki ti tun titunwanbir. Li joo ni man nimi aawakor iwiin mɔmɔk ki nan toor kitork, ki joo ni nimi aajikaar aapar iwiin itata daal.

Malakai 3:10

Ni li joo ni naah yakr tiwan ni ke ni ye min yaan na Maadichal ni, aan tijikaar li bi li ponn ni. Tɔŋ mi man aan ki kan ke m ga piir paacham aatakolu tiib waan, ki cha tijikaar gbiin nimi aatiŋ.

Malakai 3:8

Le m ga baa nimi ke ni ŋan ke unii ji Uwumbɔr pem pem aa? Mbamɔn, naa ŋan; le nima tee ji mi pem pem. Le ni ki baa ke, ‘Kinye aan ti ji si pem pem?’ Le m ga gar nimi ke naah yakr nimi aatuln aanyoor aageln li tii mi na, ni ipiin i ni tii mi na, le ni ji mi.

Nkahm 28:26

Ni yaa chee nimi aajikaar doo ki ban ni ji njim ngbaan kan, njan aawiin daal, ni yaa ban ni toor tijikaapɔnn aatork tii Uwumbɔr kan, ni kuun ni tɔb chee ki nan doon u, ki taa tun lituln libaa.

Tibɔnyaan ti Luk ŋmee ti na 18:12

Likpaakool mɔmɔk ponn ni, m lulni bumɔb iwiin ilee la. Maah kan tinyoor timɔk na, m yakr nfum kipiik ki nyan tibaa tii si.’

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Efesusi 1:3

Cha ti pak Uwumbɔr, u ye Tidindaan Yesu Kristo Aate na. Taah kpaan Kristo ni na, le Uwumbɔr ŋa tinyoor ŋa ti pu, ki tii timi Waafuur Nyaan aapiin mɔmɔk paacham.

Ikaal 12:17

Tiwan nimɔk ni di toor kitork tii Uwumbɔr na kan, ni taa ji tiwan ngbaan linampal: naah ga nyan nimi aajikaabim, ni ŋisubil aadaan, ni olif aakpan kipiik ponn ni nibaa ni tii Uwumbɔr na, ni nimi aawakor aajan aabim, ni naah puu tipuur ke ni ga tii Uwumbɔr ipiin i na, ni nimi aageehn aapiin, ni ipiin iken na aapar, ni taa ji ni linampal.

Ikaal 14:23

Ni yaa nyan ti ki di kpaan kan, ni di buen Nidindaan Uwumbɔr aah nyan nin chee ke ni li dooni u na, ki ti ji naah nyan njikaabim, ni ŋisubil aadaan, ni olif aakpan, ni nimi aawakor aajan aabim aajim, unimbiin ni. Ni ŋa kina aan ki li nyuŋni Nidindaan Uwumbɔr n‑yoonn mɔmɔk.

Ikaal 14:28

Ŋibin ŋitaa mɔmɔk kan, ni ti kuun ni naah nyan tijikaar ponn ni kipiik kibaa ke ni di tii Uwumbɔr na, ki nan di bil nimi aatim ni.

Josua 10:42

Josua nan nyaŋ bibɔrb ngbaan mɔmɔk, ni baatim, waah nan ton butɔb dii nfum mbaa pu na, ba pu? Israel yaab Aadindaan Uwumbɔr le nan ton butɔb ngbaan tii Israel yaab.