Mpiin 14:17 - Uwumbɔr aagbaŋ

¹⁷ Buyoonn Abram nan ti nyaŋ ubɔr Kedolaomer, ni bibɔrb biken, aan ki gir choo kun ni na, le Sodom aabɔr nan tooh u nsan pu, le bi nan ti ton tɔb, Safe aafataŋ ki bi yin ki ke Ubɔr Aafataŋ na ni.

Mpiin 14:17 Iomraidhean Croise

Mpiin 14:1

N‑yoonn mue, bibɔrb binaa bibaa nan bi: Babiloŋ aabɔr u bi nan yin u ke Amrafel, ni Elasar aabɔr u bi nan yin u ke Ariok, ni Elam aabɔr u bi nan yin u ke Kedolaomer, ki kpee Goyim aabɔr u bi nan yin u ke Tidal na,

Mpiin 14:10

Baah nan bi kifataŋ ki ponn ni na nan kpa kootaal aabuu pam, nima pu na, Sodom ni Gomora aabɔrb ni baajab aah nan ban bi san na, ngem nan lir ŋibuu ngbaan ni; le bi gur na nan san buen ŋijoo ŋibaa paab, le ki ŋmar.

Mpiin 14:5

Ŋibin kipiik ni ŋinaa ni, le ubɔr Kedolaomer, ni bibɔrb biken nan di baajab ti to ki nyaŋ Refa aanib bi nan bi Asterof Kanayim aatiŋ ni na, ni Sus aanib bi nan bi Ham aatiŋ ni na, ni Em aanib bi nan bi Kiriataim aafataŋ ni na,

2 Samuel 18:18

Absalom aah nan laa bi limɔfal ni na, u nan maa tiwan nibaa siin ubaa pu, kifataŋ ki bi yin ki ke Ubɔr aafataŋ na ni; ba pu? waa nan kpa ubijabo u ga cha waayimbil taa kpo na. Kina pu na, u nan di ubaa aayimbil le yin tiwan ngbaan, ki nyan n‑yoonn ngbaan ki nan saa din wee, bi beenin yin ni ke Absalom Aateerm Aawan la.

Ŋiyataŋak 14:20

Unii ubaa aa gee ugiin, hali u ni unii u koo gbɔk tɔb na aa gee u, le uwankpadaan ma kpa jɔtiib sakpen.

Ŋiyataŋak 19:4

Binib bi kpa liwankpal na kani jɔtiib n‑yoonn mɔmɔk la, le bigiim ma aa ŋmaa joo baah kpa jɔtiib siib bi na.

Hiibru Yaab 7:1

Melkisedek ngbaan nan ye Salem aatiŋ aabɔr, ki nan ye Uwumbɔr u kaa kpa ŋeen aatɔ na aatotoor la. Abraham aah nan ku bibɔrb bi ye waadim na ki gir ni na, le Melkisedek tooh u nsan pu ki ti ŋa Uwumbɔr aanyoor ŋa u pu.

Bibɔjirb 11:34

Jefta aah gir kun Mispa aatiŋ ni na, ubisal nan nyan ni ke u tooh ute nsan ni, le ki yikr nchayakrtuun, ki waa liwaal. Uma le nan ye waabobaal li u kpa na.

1 Samuel 18:6

David aah ku Goliaf aan u ni bijab gir choo kun ni na, bipiib nan nyan ni ntim mɔmɔk, Israel aatiŋ ni, ki dan bi nan tooh ubɔr Sɔɔl nsan ni. Bi nan gaa mpopiin aalahn, ki waa liwaal, ki yak ichayakrtuun ki gbaa tibar.