Mpiin 14:12 - Uwumbɔr aagbaŋ

¹² Le Lot u nan ye Abram aanaal aajapɔɔn na mu nan bi Sodom aatiŋ ni, le bi nan kpaan chuu u ni waah kpa tiwan nimɔk na, ki di buen.

Mpiin 14:12 Iomraidhean Croise

Mpiin 11:27

Tera aamaal sɔ: uma le nan ma Abram, ni Nahor, ni Harann. Harann le nan ma Lot.

Mpiin 11:31

Le Tera nan yoor ujapɔɔn Abram, ni uyaabil Lot u aate nan ye Harann na, ki kpee ubipuu Sarai, u ye Abram aapuu na, le ki di bi nyan Ur aatiŋ ki nan bi Babiloŋ yaab aatiŋ ni na, le ki di bi nyan ki cha Kanaann yaab aatiŋ ni. Bi nan ti fuu Harann aatiŋ ni, le ki kal nima.

Mpiin 12:5

Abram nan yoor upuu Sarai, ni Lot u ye unaal Harann aajapɔɔn na, ni waawangol mɔmɔk, ni waanaagbiib bi mɔmɔk bi u nan kan Harann aatiŋ ni na, le bi piin ki cha Kanaann aatiŋ ni. N‑yoonn mu bi ti fuu Kanaann aatiŋ ni na,

Mpiin 14:11

Bibɔrb binaa ngbaan aah nan nyaŋ Sodom ni Gomora aabɔrb na, bi nan yoor tiwan mɔmɔk, ki kpee baajikaar mu, le ki di buen.

Mpiin 14:14

N‑yoonn mu Abram nan ŋun ke bi chuu unaal aajapɔɔn Lot na, le u yin waanib bi to butɔb, ki ye binib ikui itaa ni kipiik ni biniin na, le bi mɔmɔk nan san dii bibɔrb binaa ngbaan, ki ti saa Dann aatiŋ ni.

Mpiin 14:16

le ki gaa baah nan yoor tiwan nimɔk na. U nan gaa ni unaal aajapɔɔn Lot, ni waawan mɔmɔk, ki kpee bipiib, ni binib bi bibɔrb ngbaan nan chuu bi na mɔmɔk.

Job Aagbaŋ 9:23

Unii u kaa kpa taani na yaa kpaan lir ki kpo kan, Uwumbɔr laa la.

Nkahm 16:26

Le u bui binib bi si nima chee na ke, “Siir foor bibiindam bimina chee, ki taa meeh tiwan nimɔk ye bi yaan na nibaa. Ni yaa kaa ye kina kan, ni ga kpaan kpo bi chee, baatunwanbir pu.”

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.