Mpiin 13:7 - Uwumbɔr aagbaŋ

⁷ Nima chee, le Abram aanib ni Lot aanib bi nan kpaa baawakor ngbaan na piin ki jaa. N‑yoonn ngbaan, Kanaann yaab ni Peris yaab nan beenin bi kitiŋ ngbaan ni.

Mpiin 13:7 Iomraidhean Croise

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

Mpiin 12:6

le Abram chuun dii kitiŋ ngbaan ni, le ki ti fuu bususakpem bu bi yin bu ke More, ki bi Sekem aatiŋ ni na chee. N‑yoonn ngbaan, Kanaann yaab nan laa beenin bi kitiŋ ngbaan ni.

Mpiin 21:25

Abraham nan tuk Abimelek waanaagbiib aah jenn uma Abraham aanib ki gaa nnyunbun mubaa pu na.

Mpiin 26:20

Gerar aatiŋ aapihkpaab nan tak Aisak aapihkpaab, nnyunbun ngbaan pu, le ki bui ke, “Timi le yeh nnyunbun ngbaan.” Nima le cha Aisak nan yin nnyunbun ngbaan ke, “Kijaak.”

Mpiin 34:30

Le Jakob bui Simeonn ni Liifai ke, “Ni ban tibɔr tii mi; dandana wee, Kanaann yaab, ni Peris yaab, ni binib bimɔk bi kitiŋ kee ni na aan ki li gee timi aabɔr. Maajab aa wiir, nibaakan bi ga kpokl tɔb, ki dan nan lir ti pu ki ku ti mɔmɔk.”

Mpiin 46:34

ni tuk u ke ni ye binib bi lik tiwakor na la, ke niyaajatiib aatuln le ni tun. Nima kan, u ga di Gosenn aapepel tii nimi.” Tiwan ni cha Josef len kina na le ye ke Ijipt yaab aan kpaan binib bi lik tiwakor na chee.

Nehemia 5:9

Le m ki bui bi ke, “Naah ŋani pu na aa ŋan. Ni ba ga li san Uwumbɔr ki ŋa ni ŋan na. Nima kan, timi aadim bi kaa ye Juu yaab na aan ŋmaa kan nsan ki ŋa timi mbɔnyun.

Nnyam 2:17

Le bipihkpaab bibaa mu dan nima ki nan san jenn mpiibim ngbaan. Le Moses buen ti ter bi ki lun nnyun tii baawakor ngbaan.

Ŋiyataŋak 20:3

Ujɔr mɔk ga ŋmaa piin kinikpakpak; kinyuŋ ki bi na le ye ke aa taa koo kinikpakpak ni.

Tibɔnyaan ti Mak ŋmee ti na 3:25

Lidichal libaa ni aanib yaa yakr ki jaa kijaak kan, lidichal ngbaan ga bee yɔli.

1 Korenti 3:3

Ba pu? ni laa beenin bi ke binib bi dii dulnyaa aasan na la. Ni ponn ni bibaa kpa lipiipoln ki kpak tɔb kinikpakpak. Nima le mɔk ke ni dii ke dulnyaa aanib aah dii pu na, ki ŋani ke dulnyaa yaab na.

Galantiya 5:20

ki dii ŋiwaa, ki chuun ji inyɔk, ki nan binib, ki ban tibɔr, ki kpa lipiipoln, ki kpa liŋuul, ki kpa kukumɔŋ, ki kpak tɔb kinikpakpak, ki yakr tɔb,

Kolosiya 4:5

Ni li kpa nlan ki li bi mbamɔm joo cha binib bi kaa dii Uwumbɔr aasan na wɔb. Naah kan nsan buyoonn na, ni li tun Uwumbɔr aatuln n‑yoonn mɔmɔk.

1 Tesalonika 4:12

Ni yaa ŋani kina kan, naan lann nibaa; binib bi kaa dii Uwumbɔr aasan na mu ga pak nimi.

Taitus 3:3

N‑yoonn mbaa timi tibaa nan ye bijɔrb, kaa kii Yesu aamɔb. Kinimbɔŋ nan ŋmann timi la. Tinimbil nan man tiwan ni kaa ŋan na aabɔŋ pu. Tisui aah gee tiwan ni na le ti nan ban. Ti nan gee baka baka aatuln, ki nan kpa lipiipoln, ki nan ye binib bi ubaa aa gee bi na, ki mu nan nan tɔb.

Jemisi 3:16

Ba pu? lipiipoln ni kinikpakpak aah bi nin chee na, tijar ni lituln li kaa ŋan na mɔmɔk bi nima chee la.

Jemisi 4:1

Tɔ, butɔb ni kijaak ki bi nikaasisik ni na, ni nyan ni la chee? Naa ye nimi aakpeek le jaa kijaak nisui ni ii?

1 Piita 2:12

Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.