Mpiin 13:18 - Uwumbɔr aagbaŋ

¹⁸ Le Abram buen ti kal isui sakpiin i bi yin i ke Mamre aasui na chee, Hebronn aatiŋ ni, le ki maa kitork aabimbiln, le ki doon Uwumbɔr nima chee.

Mpiin 13:18 Iomraidhean Croise

Mpiin 13:4

ki maa kitork aabimbiln na. Le u doon Uwumbɔr nima.

Mpiin 14:13

Tɔ, unii ubaa le nan san ŋmar, ki buen ti tuk Abram, u ye Hiibru aanii, ki nan ka gbɔk Amor aanii Mamre aasui sakpiin na, le u ni unaatiib Eskol ni Aner nan si Abram aachaŋ ni.

Mpiin 18:1

Uwumbɔr nan dan Abraham chee Mamre aasui sakpiin na taab. Nwiin aah nan tɔŋ sisik ni ki ton na, le Abraham nan ka waadiik aabisamɔb,

Mpiin 22:9

Baah nan ti fuu nin chee Uwumbɔr nan mɔk Abraham na, le u maa kitork aabimbiln, le ki koo idɔ paan li pu, le ki chuu ujapɔɔn ki buu u iŋmin, ki di paan idɔ pu, libimbiln na paab,

Mpiin 23:2

U nan kpo Hebronn aatiŋ ki bi Kanaann aatiŋ ni na la, le Abraham nan wii u pu pam.

Mpiin 26:25

Aisak nan maa libimbiln nima chee, le ki toor kitork ki doon Uwumbɔr. Nima chee le u nan kal, le waanaagbiib nan ki gbii nnyunbun muken.

Mpiin 35:27

Le Jakob fuu ute Aisak chee Mamre aatiŋ ni, ki bi gbɔk Hebronn chee la, nin chee Abraham ni Aisak nan bi n‑yoonn mubaa na.

Mpiin 37:14

Le ute bui u ke, “Buen ki ti lik ke aakpetiib ni tiwakor ngbaan kpa laafee aan baa kpa, ki gir nan bui mi.” Le ute tun u, le u nyan Hebronn aafataŋ ni ki buen. Le Josef ti fuu Sekem aatiŋ ni,

Mpiin 8:20

Nowa nan maa libimbiln tii Uwumbɔr le ki di tiwakor, ni inyoon i bi chain na ibaabaa, ki di i toor kitork, ki see i mmii ni, libimbiln ngbaan paab, tii Uwumbɔr.

2 Samuel 2:1

Nee aapuwɔb, le David baa Uwumbɔr ke, “M ga gir buen Juda aatiŋ kibaa ni ii?” Le Uwumbɔr kii u ke, “Een.” Le David ki baa u ke, “Kilatiŋ?” Le Uwumbɔr bui u ke, “Hebronn aatiŋ.”

Ilahn 16:8

M kani Uwumbɔr m chee n‑yoonn mɔmɔk; U duun mi, le nibaa aan ŋmaa foor mi.

Nkahm 13:22

Njan bi nan pue buen Kanaann aatiŋ aaŋangii wɔb na la, le ki ti nyan Hebronn aatiŋ, nin chee Ahimann yaab, ni Sesai yaab, ni Talmai yaab aataŋaal pu aanib ka na, bi nan ye ŋiniwɔk ŋi bi yin ŋi ke Anak yaab na aayaabitiib la. Hebronn aatiŋ nan bi le ŋibin ŋilole aapuwɔb na Soann aatiŋ ki bi Ijipt ni na mu nin ŋa kitiŋ.

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.

Hiibru Yaab 11:9

U nan ti fuu kitiŋ ki Uwumbɔr puu tipuur ke u ga di tii u na ni. Le u pak Uwumbɔr aah len pu na, nima le u nan kal nima, ki nan ye uwɔwɔnja. U ni waabo Aisak, ni uyaabil Jakob nan bi nima, ŋiboo ponn ni. Bi mu nan yeh tipuur tichachaan ngbaan la.

Josua 14:13

Josua nan mee Uwumbɔr aanyoor ŋa Jefune aajapɔɔn Kaleb pu, le ki di Hebronn aatiŋ tii u, ke ki li ye waatiŋ.

Josua 15:13

Uwumbɔr aah nan bui Josua ke u ŋa pu na, u nan di Juda aatiŋ aapepel nibaa chee tii Jefune aajapɔɔn Kaleb, u nan ye Juda aanibol aanii ubaa na. Bi nan di Hebronn aatiŋ, ki nan ye Aba u nan ye ŋiwɔk Anak yaab aate na aatiŋ le tii u.