Mpiin 13:10 - Uwumbɔr aagbaŋ

¹⁰ Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 13:10 Iomraidhean Croise

Mpiin 11:27

Tera aamaal sɔ: uma le nan ma Abram, ni Nahor, ni Harann. Harann le nan ma Lot.

Mpiin 13:11

Nima pu na, Lot nan lee Jɔɔdann aafataŋ wɔb, le u ni waanib mɔmɔk buen liwipuul aapepel wɔb. Binib bilee ngbaan aah nan yakr tɔb chee pu na le na.

Mpiin 13:9

Cha ti yakr tɔb chee. M tii si nsan, pue lee saah gee lipepel li wɔb na. Nima kan, aa ni saanib ga li bi nibaa wɔb, aan m mu ni maanib li bi niken wɔb.”

Mpiin 14:2

le bi nan buen bi ti faa bibɔrb biŋmu biken butɔb. Baah nan buen bi ti faa bibɔrb biŋmu bi butɔb na aayimbil sɔ: Sodom aabɔr u bi nan yin u ke Bera, ni Gomora aabɔr u bi nan yin u ke Birsa, ni Adma aabɔr u bi nan yin u ke Sinab, ni Seboyim aabɔr u bi nan yin u ke Semeber, ni Bela aatiŋ aabɔr. Bi ki yin Bela ke Soar.

Mpiin 14:8

Le bibɔrb bi bi Sodom, ni Gomora, ni Adma, ni Seboyim, ni Bela aatim ni na, ni baajab nan kuun buen Sidim aafataŋ ni,

Mpiin 3:6

Le upii lik ŋisubil ngbaan, ki kan ŋaah ŋan pu na, ki dakl ke unimbil yaa woln kan, ni ga li ŋan sakpen, le ki neen ŋi, le ki ker ŋi ki moo, le ki di ŋiken tii uchal mu, le u mu moo.

Mpiin 47:6

kitiŋ ngbaan mu ye biyaan la. Cha bi ti kal Gosenn aapepel ni, nin chee ŋan sakpen na. Binib bi nyi lituln ngbaan na bibaa yaa bi bi ponn ni kan, nyan bi aan bi li lik maawakor tii mi.”

Mpiin 6:2

le ŋiniwɔk nan yoor baah gee bi na, ki di ŋa bipuutiib.

1 Bibɔrb 7:46

Ubɔr nan cha bi ŋa tiwan nee mɔmɔk baah donni tikur nin chee, aan ni bi Sukof ni Saretann aatim aasisik ni, ki bi Jɔɔdann Aafataŋ ni na la.

Job Aagbaŋ 40:23

Waa san limɔɔl aanyunja ijawaan; Jɔɔdann aamɔɔl aanyun yaa peei unimbil wɔb kan, u ŋmin suuna la.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Aisaya 15:5

Mpobil wu Moab yaab pu la. Binib ngbaan san buen Soar ni Eglaf Selisiya aatim ni. Bibaa san jon Luhif aasan pu, ki wii le ki cha; bibaa mu san ŋmar buen Horonaim, ki wii mpɔɔn pu.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Jeremia 48:34

“Hesbonn ni Eleale aanib wii la, le baawiil di ti fuu Jahas aatiŋ ni; Soar aanib ŋun i pu la; le Horonaim, ni Eglaf Selisiya aanib mu ti ŋun i pu. Hali Nimrim aabukpiik na aanyun foor a.

Esekiel 16:46

“Aakpel upol le ye Samaria aatiŋ ki ni kaatimbim bi ŋŋangan wɔb na. Aanaal le ye Sodom aatiŋ ki ni kaatimbim bi ŋŋangii wɔb na.

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 28:13

Aa nan koo Uwumbɔr aasaak Edenn ni la, le ki kpa ŋitakpanyaan mɔmɔk aabɔŋ. Aa nan kpa ŋitakpanyaan ŋi bi yi ŋi ke rubi, ni diamonn, ni topas, ni beril, ni kaneliann, ni jaspa, ni safir, ni emeral, ni ganet na. Aa nan kpa salmaa aaleen. Nwiin mundaal bi naan si na, le bi nan ŋa tiwan ngbaan mɔmɔk tii si.

Esekiel 31:8

Santina aa nan bi Uwumbɔr aasaak na ni, aan aa ga di ŋaŋ bu. Busub bubaa aaboln aa kpa kina aapan, bu aasupuul aaboln aa nan bi. Busub bubaa aa nan bi Uwumbɔr aasaak ni ki ŋan kina.

Esekiel 31:9

M nan ŋa bu, bu ŋan ki kpa ŋipan ŋi fɔk na. Busub bumɔk nan bi Uwumbɔr aasaak ni, Edenn aatiŋ ni na, nan kpa bu pu lipiipoln la.

Esekiel 47:18

“Liwipuul wɔb aatinaanmɔk nan nyan libuul libaa ni Damaskus ni Haurann aapepel chee ki di dii ŋŋangii wɔb, le Jɔɔdann Aamɔɔl ye Israel aatiŋ ki bi liwilir wɔb na, ni Gilead ni bi liwipuul wɔb na aatinaanmɔk, ki yoor kina ti saa Tamar aatiŋ ki bi N‑yaan Aanyusakpem chee na.

Joel 2:3

I ŋmɔ tijikaar mɔmɔk ke mmii le aah gaal na. Aa yaa lik imɔi wɔb kan, ni naahn Edenn aasaak na la, le aa yaa lik ipuwɔb kan, ni naahn nteersakpiin pu la. Nibaa aan ŋmaa bɔr aan yaan kan ni.

Ikaal 34:3

ki di kina ki ti ker Juda aaŋangii wɔb, ki kpee nteer mu dɔ Soar aatiŋ ni, ki ti ker Jeriko aatiŋ aafataŋ ni na; bi yin Jeriko aatiŋ le ke ŋibɔkpal aasui aatiŋ na.