Mpiin 12:2 - Uwumbɔr aagbaŋ

² M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Mpiin 12:2 Iomraidhean Croise

Mpiin 13:16

M ga cha aa maa ki pɔr pam, le unii ubaa aan ŋmaa kahn saamaal aanib; bi ga li wiir jer dulnyaa wee aatanbol mɔmɔk aah wiir pu na.

Mpiin 15:5

Le Uwumbɔr nan cha Abram nyan sil lipaal, le ki bui u ke, “Yaar lik paacham, ki pɔɔk aabaa ki kahn iŋmabi; saamaal ponn ni aanib ga li wiir kina la.”

Mpiin 17:20

M ŋun saah ban m ŋa pu tii Ismael na, nima pu na, m ga ŋa tinyoor ŋa u pu, ki tii u mbim, ni yaabitiib pam. U ga li ye bibɔrb kipiik ni bilee aate la, le m ga cha uyaabitiib ŋa litimbokpaan.

Mpiin 18:18

Uyaabitiib ga li kpa mpɔɔn ki ŋa litimbokpaan, u pu le m ga ŋa tinyoor ŋa ŋinibol mɔmɔk pu.

Mpiin 18:19

M lee u ke u di maakaal mɔk waabim, ni uyaabitiib, aan bi kii tii mi ki li ŋani ni ŋan na mbamɔm. Bi yaa kii kina kan, m ga ŋa tinyoor ŋa bi pu ke maah nan puu pu tii Abraham na.”

Mpiin 19:29

Tɔ, Uwumbɔr aah nan bii kifataŋ aatim mu Lot nan koo na, u nan teer Abraham bɔr, le ki gaa unaal aajapɔɔn Lot lii.

Mpiin 24:1

N‑yoonn mue, Abraham nan por pam, le Uwumbɔr nan ŋa tinyoor ŋa waatuln mɔmɔk pu.

Mpiin 24:35

Uwumbɔr ŋa tinyoor sakpen ki ŋa u pu, le u ŋa uwankpadaan. Uwumbɔr tii u ipiih, ni iŋoob, ni inaa, ni tikunabr, ni salmaa aamombil, ni binaagbiib, ni laakumii tiib, ni ibon.

Mpiin 25:11

Abraham aah nan kpo na, le Uwumbɔr nan ŋa tinyoor ŋa Abraham aabo Aisak pu, le u nan bi nnyunbun mu bi nan yin mu ke “U bi ki waa mi na aanyunbun” chee.

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Mpiin 26:4

M ga cha aa maa ki li kpa yaabitiib bi li wiir ke iŋmabi na, le m ga di kitiŋ kee mɔmɔk tii bi. Aayaabitiib pu le m ga ŋa tinyoor ŋa ŋinibol mɔmɔk pu.

Mpiin 27:29

U cha ŋitimbol mɔmɔk aanib li ye saanaagbiib ki gbaan aanimbiin ni. U cha aa li ye aado yaab, ni aana aabim mɔmɔk aayidaan, aan bi li gbaani aanimbiin ni. Uwumbɔr puun lii unii umɔk puun lii aa pu na pu, aan ki ŋa tinyoor ŋa unii umɔk ŋa si tiŋann na pu.”

Mpiin 28:14

Bi ga li wiir ke kitiŋ aatanbol na. Bi ga yaa gbiin dulnyaa wee ni mɔmɔk. Le sin pu, ni aayaabitiib pu, m ga ŋa tinyoor ŋa ŋinibol mɔmɔk pu.

Mpiin 35:11

Le Uwumbɔr nan bui u ke, “Min le ye Uwumbɔr Mpɔɔnsakpiindaan. Maa, ki pɔr, ki li kpa mbim. Aayaabitiib le ga li ye ŋitimbol pam, le aa ga li ye bibɔrb aayaaja.

Mpiin 46:3

Le Uwumbɔr bui u ke, “Min le ye Uwumbɔr, u ye aate Aawumbɔr na. Taa san ijawaan ke saan buen Ijipt aatiŋ ni. M ga ŋa saamaal litimbol sakpeln kitiŋ ngbaan ni.

2 Samuel 7:9

Nin chee mɔk aa buen na, m dii si, le ki nyaŋ saadim mɔmɔk buyoonn aa cha bi chee na. M ga tii si liyimbil sakpeln, ke dulnyaa wee aayidam bi kpa mpɔɔn sakpen na.

1 Bibɔrb 1:47

Ti ki kpee na le ye ke ubɔr aaninkpiib koo, ke bi ti di baapak tii Mpɔɔndaan Ubɔr David, le ki bui ke, ‘Saawumbɔr cha Solomonn li kpa liyimbil ki jer si, ki cha Solomonn aanaan yoonn li kpa nkam jer sin yoo.’ Le Ubɔr David timm uyil waawandookaan pu, ki doon Uwumbɔr,

Job Aagbaŋ 35:8

Aanibɔn ŋeen aatɔ le ji falaa saatunwanbir pu, le ki ki kani nterm saaŋann pu.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Nnyam 1:7

le biyaabitiib, bi nan ye Israel yaab na, nan ma mbim, le bi pɔr ki wiir ki gbiin Ijipt aatiŋ ni, ki kpa mpɔɔn pam.

Nnyam 32:10

Nimina ma kan, taa ki gaŋ mi. Liŋuul chuu mi sakpen, le m ga bii bi. M ga tee cha aa ni saamaal ma pɔr ki ŋa linibol sakpeln.”

Aisaya 51:2

Dakl ki lik man niyaaja Abraham aabɔr, ni Sara, niyaa u ma nimi na. Maah nan yin Abraham na, waa nan kpa ubo, le m tii mmɔɔnyunsɔm ŋa upuu pu ki tii u mbim; m cha uyaabitiib wiir sakpen.

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Maika 7:20

Aa ga mɔk saanib, Abraham ni Jakob aayaabitiib, ke saah bi mbamɔm ki kpa ngeehm n‑yoonn mɔmɔk pu na, ke saah nan puu tii tiyaajatiib n‑yaayoonn na pu na.

Sekaria 8:13

Juda ni Israel aatim aanib, n‑yaayoonn na, nimi aayimbil le biwɔwɔm nan joo puuni lir tɔb pu ki len ke, ‘Tibɔbir ti nan dan Juda ni Israel pu na dan aa pu.’ Tɔ, m ga gaa nimi lii, le biwɔwɔm ngbaan ga bui tɔb ke, ‘Cha tinyoor ti dan Juda ni Israel pu na dan aa pu.’ Kina pu na, taa san ijawaan man. Cha nitaakpab li pɔɔ.”

Nkahm 14:12

M ga cha iween i bir sakpen na dan nan lir bi pu, ki kuln bi, ki tee cha sin Moses ma maa pam ki ŋa litimbokpaan, ki li kpa mpɔɔn sakpen ki jer bi.”

Nkahm 22:12

Uwumbɔr nan bui Balaam ke, “Taa dii bijab ngbaan buen, ki mu taa puun lii Israel yaab pu, ba pu? maanyoor le bi bi pu.”

Nkahm 23:20

U tuk mi ke m ŋa tinyoor ŋa bi pu la. Uwumbɔr yaa tee ŋa tinyoor kan, maan ŋmaa kpeln ki len tibɔyayan.

Rom Yaab 4:11

Waah gii lichakpaln na, nima le nan ye limɔkl ki mɔk ke u gaa Uwumbɔr ki kii, nima le Uwumbɔr gaa u ke u ye uninyaan u chee, buyoonn waa nan kee gii lichakpaln na. Nima pu le Abraham ye binib bimɔk gaa Uwumbɔr ki kii, kaa gii ŋichakpan na aate. Baah gaa Uwumbɔr ki kii na, nima le Uwumbɔr gaa bi ke bi ye bininyaam u chee.

Galantiya 3:14

Uwumbɔr nan ŋa tinyoor ŋa Abraham pu. Le Yesu Kristo nan kpo ti pu ke binib bi kaa ye Juu yaab na mu kan tinyoor ngbaan. Le ti yaa gaa Yesu ki kii kan, ti ga gaa Uwumbɔr Aafuur Nyaan, waah nan puu tipuur ti ke u ga tii timi na.

Galantiya 3:7

Nimina mɔk timi ke binib bi gaa Uwumbɔr ki kii na, bima le ye Abraham aayaabitiib.

Ikaal 26:5

Le udaan ngbaan ga sil Uwumbɔr aanimbiin ni ki len ke, ‘N‑yaaja nan ye Aram aanii u ye usachuln na la, le ki nan di waamaal buen Ijipt aatiŋ ni ki ti koo nima. Baah nan buen na, baa nan wiir, le ki ti wiir ki ŋa litimbokpaan.