Mpiin 12:15 - Uwumbɔr aagbaŋ

¹⁵ Ubɔr ngbaan aaninkpiib nan sil kan Sarai, le ki buen ti bui ubɔr, Sarai aah ŋan sakpen pu na, le ki di u buen ubɔr aachiln ni.

Mpiin 12:15 Iomraidhean Croise

Mpiin 12:14

Baah ti fuu Ijipt na, Ijipt yaab nan sil kan ke Abram aapuu Sarai ŋan pam.

Mpiin 20:2

le u nan bui ke Sara ye uninkpan la. Nima pu na, Gerar aabɔr u nan bi, bi yin u ke Abimelek na, nan cha bi joo ni Abraham aapuu Sara u chee.

Mpiin 26:7

Bijab bi nan bi Gerar aatiŋ ni na aah nan baa u upuu aabɔr na, le u nan bui bi ke u ye uninkpan la. Waa kii ke u bui bi ke upuu le na; ba pu? u nan san ijawaan ki dak ke bi yaa bee ke upuu ye kan, bi ga ku u, ki yoor upuu Rebeka, waanyaan pu.

Mpiin 40:2

Le liŋuul chuu ubɔr ngbaan,

Mpiin 41:1

Ŋibin ŋilee aapuwɔb na, Ijipt aabɔr nan daŋ tidaŋ ke u si Nail aamɔɔl aagbaan,

1 Bibɔrb 3:1

Solomonn nan yoor Ijipt aatiŋ aabɔr aabisal, le ki cha u ni ubɔr ngbaan ŋa limaantɔl. U nan yoor ni u, le ki nan cha u koo David Aatiŋ ni, le u ti nin maa waabɔrdichal, ni Uwumbɔr Aadichal, ni ligoln li mann goln Jerusalem na doo.

2 Bibɔrb 18:21

Ni ka dak ke Ijipt yaab le ga ter nimi, tɔ, kina mu ga li naahn unii u di likal di ŋa waajaangbeek na la, li ga koo le ki saa uŋaal. Ijipt aatiŋ aabɔr bi kina le ki tii unii umɔk mak u pu na.”

Ilahn 105:4

Li cha Uwumbɔr chee ti ban nterm man; ki li dooni u n‑yoonn mɔmɔk.

Nnyam 2:15

Buyoonn ubɔr ngbaan ŋun Moses aah ŋa pu na, le u nan ban bi ku u, le Moses san buen ti bi Midiann aatiŋ ni. Daalbaadaal, le Moses nan ka nnyunbun mubaa chee, le Jetro, u nan ye Midiann aatotoor na aabisatiib bilole nan dan nnyunbun ngbaan chee, ke bi nan lu nnyun tii bite aapiih ni iŋoob i nyu.

Nnyam 2:5

Le ubɔr aabisal dan limɔɔl ngbaan ni u nan fu nnyun, le waatutum chuun kpak limɔɔl aagbaan. Ubɔr aabisal aah bi fu nnyun na, le u kan kibɔɔkuuk si tikal ponn ni, le u tun usapɔɔn ubaa, u ye waatutunn na, le u ti yoor ni kibɔɔkuuk ngbaan.

Ŋiyataŋak 29:12

Ubɔr u pel tinyamɔnbɔr na aatutum mɔmɔk ga li ye binyamɔndam la.

Ŋiyataŋak 6:29

Aa yaa ban aaŋeen aatɔ aapuu kan, ni mu bir kina la. Unii umɔk ŋa kina na ga ji falaa.

Jeremia 25:19

Binib bi mu nan ki nyun ki ponn ni na sɔ: Ijipt aabɔr, ni waaninkpiib, ni biyidam, Ijipt aanib mɔmɔk, ni biwɔwɔm bi mɔmɔk bi Ijipt aatiŋ ni na, Us aatiŋ aabɔrb mɔmɔk, ni Filistia aatim mumina: Askelonn, ni Gasa, ni Ekronn, ni Asdod aatiŋ ki gur siib na aabɔrb mɔmɔk; ni Edom, ni Moab, ni Amonn aatim aanib mɔmɔk; ni Taya ni Saidonn aatim aabɔrb mɔmɔk; ni Kaasisik ni Aanyusakpem aatim aabɔrb mɔmɔk; ni Dedann, ni Tema, ni Bus aatim mɔmɔk; ni binib bi mɔmɔk chee biyigbeer pu aayikpir na, ni Arabia aabɔrb mɔmɔk; ni nteersakpiin ni aanibol aabɔrb mɔmɔk; ni Simri, ni Elam, ni Media aatim aabɔrb mɔmɔk; ni ŋŋangan wɔb, ni duun na, ni ni daa na, aabɔrb mɔmɔk ubaabaa. Kitiŋ kee pu aatimbol mɔmɔk ga nyu ki ponn ni. Gbelngbeln yoo le nan ye Babiloŋ aabɔr u ga nyu ki ponn ni na.

Jeremia 46:17

Tii Ijipt aabɔr liyimbipɔln ke, ‘Kipupukdaan u kpa kifuuk ki bii waasan na.’

Esekiel 32:2

ki bui ke, “Unibɔn, di nsakm kpaan tii Ijipt aabɔr. Di maanaŋ imina tii u: Aa ŋani ke saah ye uchinn na le ŋitimbol ŋiken chee, ki mu tee naahn unyiib u yuk lir limɔɔl ni na. Aa joo aataa gbir nnyun ki bii ŋimɔɔ aanyun.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.