Mpiin 12:13 - Uwumbɔr aagbaŋ

¹³ Bui bi ke nninkpan le ye si. Nima kan bi ga cha m li bi, ki ŋa mi tiŋann.”

Mpiin 12:13 Iomraidhean Croise

Mpiin 11:29

Abram nan yoor Sarai, le Nahor mu yoor Harann aabisal Milka. Harann mu nan ye Iska aate.

Mpiin 12:14

Baah ti fuu Ijipt na, Ijipt yaab nan sil kan ke Abram aapuu Sarai ŋan pam.

Mpiin 20:2

le u nan bui ke Sara ye uninkpan la. Nima pu na, Gerar aabɔr u nan bi, bi yin u ke Abimelek na, nan cha bi joo ni Abraham aapuu Sara u chee.

Mpiin 20:5

Abraham le bui mi ke u ye uninkpan la, le upii ngbaan mu len ke uninja le na. Maah ŋa pu na, maa dak nsui ni ke ni kpa taani.”

Mpiin 26:7

Bijab bi nan bi Gerar aatiŋ ni na aah nan baa u upuu aabɔr na, le u nan bui bi ke u ye uninkpan la. Waa kii ke u bui bi ke upuu le na; ba pu? u nan san ijawaan ki dak ke bi yaa bee ke upuu ye kan, bi ga ku u, ki yoor upuu Rebeka, waanyaan pu.

Aisaya 57:11

Uwumbɔr bui ke, “Ŋiwaa ŋi cha ijawaan chur nimi na ye ŋma, le ni tuk mi inyamɔn aabɔr ki suln m pu kookoo? Maah ŋmin suuna kaa ki gar nimi ni yunn sakpen na, le naa ki pak mi ii?

Jeremia 38:17

Le m bui Sedekia ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Aa yaa ti di aabaa tii Babiloŋ aabɔr aajab aaninkpiib kan, saan kpo, kitiŋ kee mu aan wu mmii. Aa ni saadichal mɔmɔk ga ŋmar.

Jeremia 38:20

Le m bui u ke, “Baan di si tii bi. M gaŋ si ke aa kii Uwumbɔr aabɔr, ki cha kinyaan dan aa chee, le aa ŋmar.

Esekiel 18:4

Unii mɔmɔk aamɔfal ye min yaan la, min le yeh tetiib ni natiib, ni baabim aamɔfal. Unii u tun titunwanbir na, uma le ga kpo.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 6:23

Titunwanbir aapar ye nkun la. Tidindaan Yesu Kristo pu le Uwumbɔr aapiin ye limɔfal li kaa kpa ndoon na.

Kolosiya 3:6

Binib bi yii Uwumbɔr aamɔb ki tun titunwanbir timina na, u ga daa bitafal.