Mpiin 11:8 - Uwumbɔr aagbaŋ

⁸ Le Uwumbɔr nan cha bi len tɔb chee iliin kaa ki ŋun tɔb aaliin, le ki yaa buen dulnyaa wee mɔmɔk ni, kaa ki maa kitiŋ ngbaan doo.

Mpiin 11:8 Iomraidhean Croise

Mpiin 10:25

Eber mu nan ma mbijabim mulee la, bi nan yin ubaa ke Peleg, bi nan yin u kina; ba pu? buyoonn bi nan ma u na, le dulnyaa aanib nan yakr; bi nan yin uken ke Joktann.

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Mpiin 11:4

le ki bui ke, “Cha ti maa kitiŋ aan ki maa kidifɔfɔŋ ki ponn ni, ki ti pii paacham, nima kan, ti ga li bi tɔb chee ki taa yaa, ki li kpa liyimbil dulnyaa wee ni.”

Mpiin 11:9

Bi nan yin kitiŋ ngbaan ke Babiloŋ, ba pu? nima chee le Uwumbɔr nan yakr binib mɔmɔk aaliin, ki cha bi yaa tɔb chee ki ti saa ni kookoo dulnyaa wee ni.

Mpiin 49:7

M puun lii nimi aaŋuul ngbaan pu, ba pu? nimi aaŋuul ngbaan kpa ijawaan, Nimi aaŋuul ye mbiin aatuln le ni tun. M ga di nimi yaa Israel aatiŋ ni, le ki cha ni yaa Israel yaab mu ni.

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 92:9

Ti nyi ke saadim ga kpoi, le bibiindam mɔmɔk ga lir.

Tibɔnyaan ti Luk ŋmee ti na 1:51

U mɔk binib waapɔɔn, ki jenn kalmbaanidam bi dak ke bi ye bininyuum na.

Ikaal 32:8

Uwumbɔr Mpɔɔnsakpiindaan le tii ŋinibol mɔmɔk baatim. Uma le nyan unii mɔmɔk aah ga kal nin chee na. Uma le siin ŋitimbol mɔmɔk aatim aanaanmɔk,