Mpiin 11:7 - Uwumbɔr aagbaŋ

⁷ Cha ti buen ki ti yakr baaliin aan bi taa ki ŋun tɔb aaliin.”

Mpiin 11:7 Iomraidhean Croise

Mpiin 1:26

Uwumbɔr nan ki bui ke, “Cha ti naan binib, bi li bi ke timi na, ki li naahn timi. M ga tii bi mpɔɔn, bi li lik ijan, ni inyoon, ni ipeel, ni tiwakor, tisakpiin ni tiwaatiir mɔmɔk pu.”

Mpiin 10:20

Bima le nan ye Ham aayaabitiib, bi mɔmɔk nan ye ŋinibol aabɔŋ, le ki bi baatim ni, le kaa kpaa iliin.

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Mpiin 11:5

Le Uwumbɔr nan dan u nan lik baah maa kitiŋ ki na, ni kidifɔfɔŋ ngbaan.

Mpiin 3:22

Tidindaan Uwumbɔr nan bui ke, “Dandana, uja ngbaan ŋa ke timi aah bi pu na, ki bee ni ŋan na, ni ni kaa ŋan na. Taan ki cha u ji limɔfal aasub aasubil mu, aan ki li bi cha n‑yoonn mu kaa kpa ndoon na.”

Mpiin 42:23

Josef nan nyi baah bi len pu na, bima le aa nan bee; ba pu? bi nan nabr baah len pu na la.

Job Aagbaŋ 12:20

U cha baah tii binib bi naadii na ŋmini, le ki nyani bininkpiib aalan bi chee.

Ilahn 2:4

Le Uwumbɔr ka waabɔrjal pu paacham, ki laa bi, ki ŋani bi yaansara, baalandak i kaa pɔɔ na pu.

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 55:9

Uwumbɔr, cha maadim aalan ŋmal aan bi taa ŋmaa len. M waa tijar, ni kifuuk, kitiŋ ngbaan ni;

Nnyam 4:11

Le Uwumbɔr bui u ke, “Ŋma tii unii bumɔb? Ŋma cha unii ye utafakpaa, bee ubir? Ŋma tii unii ŋinimbil, ki ki cha u ŋani ujoon? Min Uwumbɔr le ŋani kina.

Aisaya 33:19

Naan ki kan biwɔwɔm bi kpa kigaak ki len iliin i naa ŋun i na daalbaadaal.

Aisaya 6:8

N‑yoonn ngbaan le m ŋun Ndindaan aaneel len ke, “M ga tun ŋma? Ŋma ga li ye timi aatuun?” Le m bui ke, “M ga buen. Tun mi.”

Jeremia 5:15

Israel aanib, Uwumbɔr ban ke dandar aatimbol le dan nan tak nimi. Li ye n‑yaayoonn na aatimbol le ki pɔɔ, le naa nyi laaliin.

1 Korenti 14:23

Nima pu na, Yesu aanib mɔmɔk yaa kuun tɔb chee, aan bi mɔmɔk yaa len iliin yayan kan, binib bi kaa nyi Yesu aasan na, bee binib bi kaa gaa u ki kii na, bi yaa koo ni kan, baan len ke ni waar la aa?

Ikaal 28:49

Uwumbɔr ga cha linibol li nyan ni dulnyaa aanaanmɔk aan naa nyi baaliin na nan lir ni pu. Bi ga fii nan lir ni pu, ke likaagiil aah booni chur tiwan pu na la.