Mpiin 11:31 - Uwumbɔr aagbaŋ

³¹ Le Tera nan yoor ujapɔɔn Abram, ni uyaabil Lot u aate nan ye Harann na, ki kpee ubipuu Sarai, u ye Abram aapuu na, le ki di bi nyan Ur aatiŋ ki nan bi Babiloŋ yaab aatiŋ ni na, le ki di bi nyan ki cha Kanaann yaab aatiŋ ni. Bi nan ti fuu Harann aatiŋ ni, le ki kal nima.

Mpiin 11:31 Iomraidhean Croise

Mpiin 10:19

ki ti ker Saidonn mɔk, ki yoor kina ti saa Gerar, Gasa chee, ki cha liwipuul, ki ti pii Sodom, ni Gomora, ni Adma, ni Seboyim ki bi gbɔk Lasa aatiŋ na.

Mpiin 11:32

Tera nan saa ŋibin ikui ilee ni ŋiŋmu, le ki kpo Harann aatiŋ ngbaan ni.

Mpiin 12:4

N‑yoonn mu Abram nan ti saa ŋibin imonko itaa ni kipiik ni ŋiŋmu na, le u nyan Harann aatiŋ ni, Uwumbɔr aah nan bui u ke u ŋa pu na, le Lot nan dii u buen.

Mpiin 12:5

Abram nan yoor upuu Sarai, ni Lot u ye unaal Harann aajapɔɔn na, ni waawangol mɔmɔk, ni waanaagbiib bi mɔmɔk bi u nan kan Harann aatiŋ ni na, le bi piin ki cha Kanaann aatiŋ ni. N‑yoonn mu bi ti fuu Kanaann aatiŋ ni na,

Mpiin 14:12

Le Lot u nan ye Abram aanaal aajapɔɔn na mu nan bi Sodom aatiŋ ni, le bi nan kpaan chuu u ni waah kpa tiwan nimɔk na, ki di buen.

Mpiin 15:7

Uwumbɔr nan ki bui u ke, “Min le ye Uwumbɔr u nyan ni si Ur aatiŋ, ki ye Babiloŋ yaab aatiŋ na ni, le ki di kitiŋ kimina tii si, ke ki li ye siyaan.”

Mpiin 24:10

Unaagbiijapol u nan joo Abraham aawan mɔmɔk na nan nyan waaninkpel Abraham aalaakumii kipiik, ni tiwan pam, le ki buen Abraham aanaal Nahor aah bi kitiŋ ki na ni, ki bi Mesopotamia aatiŋ aaŋangan wɔb la.

Mpiin 24:15

Waahr aan u ti mee Uwumbɔr doo na, le Rebeka fuu ni nnyunbun ngbaan taab ki tu libuul. U nan ye Betuel aabisal la, Betuel mu nan ye Abraham aanaal Nahor aajapɔɔn, le Milka nan ye Nahor aapuu.

Mpiin 27:43

Maabo, ŋa maah ban m bui si pu na. Siir mala ki san buen nninja Labann do, Harann aatiŋ ni,

Mpiin 28:10

Tɔ, Jakob nan nyan Beerseba le ki nan cha Harann wɔb.

2 Bibɔrb 19:12

N‑yaajatiib le nan kuln Gosann, ni Harann, ni Resef aatim, le ki ku Bef Edenn aanib bi nan bi Telasar aatiŋ ni na, le bi mɔmɔk aawaa aa nan ŋman ki gaa bi lii.

Nehemia 9:7

Sin Tidindaan Uwumbɔr le nan lee Abram ki di u nyan ni Ur aatiŋ ki bi Babiloŋ ni na. Sin le nan kpeln waayimbil ki yin u ke Abraham.

Job Aagbaŋ 1:17

Waahr aan u ti len doo na, le ututunn uken mu fuu ni ki nan bui u ke, “Kaldii aaniker ŋitaa pu le dan ki nan tak timi, ki chur laakumii tiib buen, le ki ku saatutum mɔmɔk, see min baanja. Min baanja le san ŋmar ki dan m nan tuk si.”

Aisaya 37:12

N‑yaajatiib le nan kuln Gosann, ni Harann, ni Resef aatisakpem, le ki ku Bef Edenn aanib bi nan bi Telasar na, le bi mɔmɔk aawaa aa nan ŋman ki gaa bi lii.

Hiibru Yaab 11:8

Uwumbɔr nan yin Abraham, ki bui u ke u buen kitiŋ ki u puu tipuur ke u ga di tii u na. Abraham aah nan gaa Uwumbɔr ki kii pu na le u kii waamɔb, le ki nyan waatiŋ ni, ki buen, kaa nyi waah cha nin chee na.