Mpiin 11:1 - Uwumbɔr aagbaŋ

¹ Njan na, dulnyaa aanib mɔmɔk nan len iliinbaan la.

Mpiin 11:1 Iomraidhean Croise

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 11:2

Baah nan chuun liwipuul wɔb na, bi nan ti fuu kitiŋ ki kaa kpa ŋigongon na ni, Babiloŋ aatiŋ ni, le ki kal nima chee.

Mpiin 11:6

Le u bui ke, “Binib bee aah ye linibol libaa, ki len iliinbaan na, nima le yaa cha bi piin ki ŋani kina kan, naan yunn, le bi ga ŋmaa ŋa tiwan nimɔk bi gee na.

Aisaya 19:18

N‑yoonn ngbaan yaa nan fuu ni kan, bi ga li len Israel yaab aaliin, Ijipt aatim muŋmu ni la. Nima chee aanib ga li gur puur baapuur Uwumbɔr Mpɔɔnsakpiindaan aayimbil pu la. Ntim ngbaan kibaa aayimbil le ga li ye ke, “Nwiin Aatiŋ.”

Sefania 3:9

“N‑yoonn ngbaan le m ga kpeln ŋitimbol ngbaan aanib aabimbin, le bi ga li gur mee min baanja ki taa ki mee liwaal libaa. Bi mɔmɔk ga kii maamɔb.

Lituln 2:6

Le bi ŋun Yesu aanib len iliin yayan. Le bi kuun ni nima, ki wiir. Le bi mɔmɔk ŋun bi len baaliin ibaabaa. Le ni muk bi nima chee, ki gar bi pam.