Mpiin 10:8 - Uwumbɔr aagbaŋ

⁸ Kus nan ma ujapɔɔn ubaa, bi yin u ke Nimrod, uma le nan pue ye njan aanii u tooh butɔb ki nyaŋni binib na.

Mpiin 10:8 Iomraidhean Croise

Mpiin 10:7

Kus aayaabitiib le ye Seba yaab, ni Hafila yaab, ni Sabata yaab, ni Raama yaab, ni Sabateka yaab. Raama aayaabitiib le ye Seba yaab, ni Dedann yaab.

Mpiin 10:9

Uwumbɔr aah nan ter u pu na, le u nan nyi kikpaŋ aabɔr pam, nima le binib len ke, “Cha Uwumbɔr ŋa si ukpakpaan ke Nimrod na.”

Mpiin 2:13

Bi yin lelee aapaln ke Gihonn, li nan puu dii Kus aatiŋ ni la.

1 Bibɔrb Aabɔr 1:10

Kus aajapɔɔn u bi nan yin u ke Nimrod na le nan puen ye dulnyaa wee ni aanii u nan nyaŋni butɔb ni pam na.

Aisaya 18:2

Kitiŋ ngbaan ni le bininkpiib bi si baatiŋ aasisiiyaan na nyan ni Nail aamɔɔl ni, ki bi iŋɔi i bi di tikal ŋa i na ni. Ntuun tiib bi ŋmaa chuun mala mala na, gir kun man. Gaa man inaŋ ki di buen nimi aatiŋ ki ŋimɔɔ yakr ki, aan ki ye litimbol li kpa mpɔɔn sakpen, aan kaanib fɔk, aan biwon joon kpal kpal, bi dulnyaa mɔmɔk aanib san bi ijawaan na chee.

Maika 5:6

Buyoonn bi koo ni timi aapepel ni na, le bi ga di tijawan ki nyaŋ Nimrod aatiŋ Asiria, le ki gaa timi Asiria yaab chee lii.