Mpiin 10:5 - Uwumbɔr aagbaŋ

⁵ biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Mpiin 10:5 Iomraidhean Croise

Mpiin 10:20

Bima le nan ye Ham aayaabitiib, bi mɔmɔk nan ye ŋinibol aabɔŋ, le ki bi baatim ni, le kaa kpaa iliin.

Mpiin 10:25

Eber mu nan ma mbijabim mulee la, bi nan yin ubaa ke Peleg, bi nan yin u kina; ba pu? buyoonn bi nan ma u na, le dulnyaa aanib nan yakr; bi nan yin uken ke Joktann.

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 10:4

Jafann aayaabitiib le ye Elisa yaab, ni Speenn yaab, ni Saiprus yaab, ni Rodes yaab;

Mpiin 10:6

Ham aajapɔtiib le nan ye Kus yaab, ni Ijipt yaab, ni Libia yaab, ni Kanaann yaab. Binib bee aamaal nan di biyaajatiib aayimbil le ki di yin baanibol aayimbil.

Mpiin 9:19

Nowa aajapɔtiib bitaa bimina le ma dulnyaa wee ni aanib mɔmɔk.

Esta 10:1

Tɔ, Ubɔrkpaan Sekes nan siin mpɔɔn aakaal mu cha binib bimɔk bi waanaan ni na tun lituln tii nnaan ngbaan na.

Ilahn 72:10

Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Aisaya 40:15

Uwumbɔr ma chee kan, ŋitimbol aa ye nibaa, ŋaa fuu linyunbol libaa; ŋidik ŋi bi dandar na naahn kitangbaak la.

Aisaya 41:5

Binib bi bi ntim mu bi dandar ni na kan maah ŋa pu na, le ijawaan chuu bi, le biwon gbaa. Le bi mɔmɔk kuun tɔb chee.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 49:1

Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 51:5

M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Jeremia 2:10

Buen liwilir wɔb, Saiprus aadikl pu man, ki tun ubaa buen liwipuul wɔb, Kedar aatiŋ ni. Ni ga kan ke kina aawan aaboln aa kee ŋa.

Esekiel 26:15

Tidindaan Uwumbɔr kpa kina le u tuk Taya aatiŋ: “Bi yaa nan nyaŋ si kan, baah bi ku binib bi na aawiil ga cha ijawaan chuu binib bi koo nnyusakpem aagbaan na.

Esekiel 26:18

Tɔ, nwiin mundaal ki lir na, ŋidik aatim gii, le mu aanib aawon diib kina aabiil pu.”

Daniel 11:18

Nee aapuwɔb, le u ga ti tak ŋitimbol ŋi bi nnyusakpem chee na, ki nyaŋ mu ponn ni pam. Le biwɔwɔm aajab aaninkpel ga nan nyaŋ u ki kuln waamakl ngbaan; mbamɔn, u ga giin Siria aabɔr aamakl ngbaan di ŋa u.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Ikaal 32:8

Uwumbɔr Mpɔɔnsakpiindaan le tii ŋinibol mɔmɔk baatim. Uma le nyan unii mɔmɔk aah ga kal nin chee na. Uma le siin ŋitimbol mɔmɔk aatim aanaanmɔk,