Mpiin 10:31 - Uwumbɔr aagbaŋ

³¹ Bima le nan ye Sem aayaabitiib, bi mɔmɔk nan ye ŋinibol aabɔŋ, le ki bi baatim ni, le kaa kpaa iliin.

Mpiin 10:31 Iomraidhean Croise

Mpiin 10:20

Bima le nan ye Ham aayaabitiib, bi mɔmɔk nan ye ŋinibol aabɔŋ, le ki bi baatim ni, le kaa kpaa iliin.

Mpiin 10:30

Joktann aamaal ngbaan mɔmɔk nan kal Mesa aatiŋ pu, ki yoor kina ki ti saa Sefar aatiŋ, ki bi liwipuul wɔb, ŋijoo aah bi nin chee na.

Mpiin 10:32

Binib bimina mɔmɔk nan ye Nowa aayaabitiib la, bi mɔmɔk ni baanibol. Nnyun aah jin dulnyaa wee ki jer na, ŋinibol ŋimɔk bi dulnyaa wee ni dandana na mɔk ye Nowa aayaabitiib la.

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Lituln 17:26

Njan u nan naan uja ubaa, uma le ye ŋinibol mɔmɔk aayaaja. Uma Uwumbɔr le cha ŋinibol mɔmɔk bi dulnyaa wee mɔmɔk ponn ni. U nan siin n‑yoonn mu binib mɔmɔk ga li bi na, ki siin nin chee bi mɔmɔk ga li bi na.