Mpiin 10:2 - Uwumbɔr aagbaŋ

² Jafef aajapɔtiib le nan ye Gomer, ni Magog, ni Madai, ni Jafann, ni Tubal, ni Mesek, ni Tiras. Binib bee aamaal nan di biyaajatiib aayimbil, le ki di yin baanibol aayimbil.

Mpiin 10:2 Iomraidhean Croise

Mpiin 10:1

Nowa aajapɔtiib le nan ye Sem, ni Ham, ni Jafef. Nnyun aah nan jin dulnyaa wee ki jer na, bi mu nan ma mbim.

Mpiin 10:21

Sem u nan ye Jafef aakpel na le nan ye Hiibru yaab mɔmɔk aayaaja.

Mpiin 9:27

Uwumbɔr cha Jafef aamaal pɔr, ki li kpa tinyoor, ki cha waamaal, ni Sem yaab kpaan ki li bi tɔb chee. Kanaann ga li ye Jafef aanaagbiija la.”

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Esekiel 27:7

Bi nan di ŋitanyaan le ŋa saakeken ŋi joo si chuun na, ŋi nan ye Ijipt aatiŋ aatanyaan ŋi kpa nyɔla nyɔla na la, Le unii yaa po si dandar pu na kan, u ga bee ŋi. Bi nan di ŋikekenyaan ŋa saakeken ŋi kii nwiin ni utaal na, ŋi nan ye ŋitambɔn aakeken ŋi nyan ni Saiprus aatiŋ ni na la.

Esekiel 32:26

“Mesek ni Tubal aatim bi nima, mu aatɔb aajab aakaakul mann goln mu. Bi mɔmɔk aa gii ŋichakpan, le bi ku bi mɔmɔk butɔb ni. Tɔ, bi nan cha ijawaan chuu binifuub n‑yoonn mubaa.

Esekiel 38:15

saapepel li bi ŋŋangan wɔb dandar na aatɔb aajab bi wiir, ki kpa mpɔɔn, ki nyan ni ŋitimbol pam ni, ki dik itaan pu na nya sil.

Esekiel 38:2

U nan len ke, “Unibɔn, lik Magog aatiŋ aanibol ŋi ye Mesek, ni Tubal aanibol na aajojookpaan Gog wɔb ki len tibɔbir lii u pu

Esekiel 38:6

Ŋŋangan wɔb aapepel aatim, Gomer, ni Bef Togama aajab bi u chee, bi mɔmɔk ye kijaak aajab la, le ŋitimbol ŋiken pam mu aajaak aajab bi u chee.

Esekiel 39:1

Tidindaan Uwumbɔr nan bui ke, “Unibɔn, len tibɔbir Mesek, ni Tubal aajojookpaan Gog pu, ki tuk u ke m ye waadin la.

Tibɔkpiirkaan 20:8

Le ki ga buen ki ti ŋmann ŋinibol ŋi bi dulnyaa wee mɔmɔk ni na, ki ti kuun bi, bi ti to butɔb. Ŋinibol ngbaan aayimbil le ye Gog, ni Magog. Bi wiir ke nnyusakpem aatambol aah wiir pu na,