Mpiin 1:28 - Uwumbɔr aagbaŋ

²⁸ le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 1:28 Iomraidhean Croise

Mpiin 1:22

U nan ŋa tinyoor ŋa ni pu, ki bui ke nnyun ni aawan maa, paacham mu aawan too, ki li moo pɔr kpae.

Mpiin 17:16

M ga ŋa tinyoor ŋa u pu, le ki cha u maa ubijabo tii si. M ga ŋa tinyoor ŋa u pu, le u ga li ye ŋitimbol pam aana, le bibɔrb ga nyan ni uyaabitiib ponn ni.”

Mpiin 17:20

M ŋun saah ban m ŋa pu tii Ismael na, nima pu na, m ga ŋa tinyoor ŋa u pu, ki tii u mbim, ni yaabitiib pam. U ga li ye bibɔrb kipiik ni bilee aate la, le m ga cha uyaabitiib ŋa litimbokpaan.

Mpiin 24:60

Baah nan len tinyoor aaliin i ki ŋa Rebeka pu na sɔ: “Tininkpan, Uwumbɔr pee aa pu mmɔɔnyunsɔm aan aa maa pam; ki cha aayaabitiib nyaŋ baadim mɔmɔk.”

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 33:5

Esɔ aah kan bipiib ni mbim na, le u baa ke, “Binib bee nyan ni la chee?” Le Jakob bui u ke, “Uwumbɔr aah ŋa tinyoor ŋa m pu ki tii mi bipiib ni mbim bi na le na.”

Mpiin 49:25

Mbamɔn, uma aate Aawumbɔr le ga ter si. Uwumbɔr Mpɔɔnsakpiindaan, uma le ga ŋa tinyoor ŋa aa pu, le ki tii si utaal u nyan ni paacham na, ki tii si nnyun mu nyan ni taab na, ki tii si tiwakor ni mbim pam,

Mpiin 5:2

U nan naan uja ni upii la, le ki ŋa tinyoor ŋa bi pu, le ki yin bi ke “Unibɔn”.

Mpiin 6:1

N‑yoonn mu binib nan too pɔr gbiin dulnyaa wee ni na, bi nan ma mpiibim bi ŋan sakpen na,

Mpiin 8:17

Uwumbɔr nan ki bui Nowa ke u nyan tiwakor, ni ipeel, ni inyoon mɔmɔk, ni tiwan nimɔk fu na bu ponn ni, aan ni pɔr gbiin dulnyaa wee ni.

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Mpiin 9:7

“Ni maa ki too pɔr kpee, aan niyaabitiib ga pɔr gbiin dulnyaa wee ni.”

1 Bibɔrb Aabɔr 26:5

ni Amiel, ni Isakar, ni Peuletai.

1 Bibɔrb Aabɔr 4:10

Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

Job Aagbaŋ 39:11

Aa ga ŋmaa li mak waapɔɔnsakpiin pu ki dakl ke u tun lituln li pɔɔ na tii si ii?

Job Aagbaŋ 42:12

Uwumbɔr nan ŋa waanyoor ŋa Job pu waaninkpir ni, ki jer waah nan laa pɔɔn pu na. U nan tii Job ipiih ŋichur kipiik ni ŋinaa, ni laakumii tiib ŋichur ŋiloob, ni ŋinaayil ŋichur ŋilee, ni ibon lichur libaa.

Ilahn 107:38

U nan ŋa waanyoor ŋa waanib pu, le bi ma mbim pam, ki cha baawakor moo pɔr.

Ilahn 115:16

Uwumbɔr baanja le yeh paacham, le u tee di kitiŋ tii unibɔn.

Ilahn 69:34

Paacham ni kitiŋ, pak Uwumbɔr man, nnyusakpem ni tiwanfuurkaan nimɔk bi mu ni na mu pak u.

Ilahn 8:6

Aa lee u ke u le ye saah naan tiwan ni na aayidaan, aa di u ŋa tiwanaankaan mɔmɔk aayidaan:

Ilahn 8:7

aa di u ŋa ipiih, ni inaa, ni timoor ni aapeel,

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Liifai Yaab 26:9

M ga ŋa nimi tinyoor ki tii nimi mbim pam. Maah puu tipuur ti tii nimi na, m ga ŋa min yaan.

1 Timoti 4:3

Bi ga len ke bijab taa din bipiib, bipiib mu taa mɔn bijab. Bi ga li kɔ tijikaar tibaa. Uwumbɔr le naan tijikaar ngbaan. U ban ke binib bi gaa u ki kii ki nyi mbamɔn na le ji ti, ki doon u ti pu.