Mpiin 1:2 - Uwumbɔr aagbaŋ

² le kitiŋ aa nan kpa liker. Nnyun, ni mbɔmbɔɔn ŋmeen le nan bi ni kookoo. Uwumbɔr Aafuur Nyaan mu le nan bi nnyun ngbaan aapaacham.

Mpiin 1:2 Iomraidhean Croise

Job Aagbaŋ 26:14

Waapɔɔn aabɔr siib le na, tibɔlɔikaan ti ti ŋun na le na. Ŋma ga ŋmaa bee mbamɔm Uwumbɔr aah pɔɔ sakpen pu na?

Job Aagbaŋ 26:7

Uwumbɔr le daa taln ŋŋangan wɔb aataapaak ki di kitiŋ laŋ, nibaa aa joo ki.

Job Aagbaŋ 38:9

Min le nan di ntaalangbam biin nnyusakpem pu ki di mu ŋa mbɔmbɔɔn ni.

Job Aagbaŋ 41:32

U chuun le ki cha kipɔtiŋ taab piin ki paa u pu, le ki cha nnyusakpem kpaln tipupur pipiin.

Ilahn 104:30

Tɔ, aa yaa tii ni kifuurk kan, le ni kpaln tiwan ni aa naan na; sin le tii kitiŋ aawan limɔfapɔln.

Ilahn 104:6

Aa di nnyusakpem paan ki pu ke likekeln na, le nnyun biin ŋijoo pu.

Ilahn 136:6

U maa kitiŋ tɔŋ nnyun mu nyoo na pu; waageehm aa kpa ndoon.

Ilahn 148:7

Nimi kitiŋ yaab, pak Uwumbɔr man, nimi nnyusakpem ni aawansakpiin, ni tiwan ni bi mu aanyonyoo ni na, pak u man;

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Ŋiyataŋak 8:24

M nan bi waahr le nnyusakpem nin naan, n‑yoonn ngbaan inyunbun aa nan kee bi.

Aisaya 31:5

Unyoon aah wuŋni waadil pu ki kii waabim pu na, kina le min Uwumbɔr Mpɔɔnsakpiindaan ga kiir Jerusalem aatiŋ ki biin ki pu.”

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Jeremia 4:23

M nan lik kitiŋ, le ki kan ke ki nan ye kitikuun ŋmeen la. M nan waan lik paacham, le kaa waa nwiihn.

Nahum 2:10

Ninefa aatiŋ bii a, ki ber a, le ki gur dɔ nkuun. Ijawaan cha binib aapobil donn a; mpɔɔn doo a, le ŋitaaŋaayil gbaa tɔtɔk, le ŋinimbil wɔb ŋa yɔl yɔl.

2 Korenti 4:6

Uwumbɔr u nan len ke “Cha nwiihn woln mbɔmbɔɔn ni” na, uma le woln tinimbil, ke ti bee waah ŋan sakpen pu na. Yesu Kristo aabimbin aah bi pu na le mɔk timi Uwumbɔr aah ŋan sakpen pu na.

Ikaal 32:11

ke likaagiil aah mɔk laabim ŋi fii pu na, li joo laafeen le ki teŋni ke ŋi taa lir kitiŋ, kina le Uwumbɔr kiir Israel yaab ke bi taa lir.