Mpiin 1:10 - Uwumbɔr aagbaŋ

¹⁰ Uwumbɔr nan yin nnyun aah kaa bi nin chee na ke “Kitiŋ,” ki yin mu aah kuun doon nin chee na ke “Nnyusakpem.” U nan kan ke ni ŋan.

Mpiin 1:10 Iomraidhean Croise

Mpiin 1:4

U nan kan ke nwiihn ngbaan ŋan, le u yakr nwiihn ni mbɔmbɔɔn,

Ilahn 104:31

Uwumbɔr aapak ga yunn ki ti saa n‑yoonn mu kaa kpa ndoon na. Uwumbɔr aasui ga li piin waah naan tiwan ni na pu.

Ilahn 146:6

Uma Uwumbɔr le tiyaaja Jakob mu nan dii, uma le nan naan paacham, ni kitiŋ, ni nnyusakpem, ni tiwan ni mɔmɔk bi ni ponn ni na. U ŋani waah puu tipuur ti na n‑yoonn mɔmɔk;

Ilahn 33:7

U kuun nnyusakpem mɔmɔk ti kpaan libubaan ni; le ki di nnyusakpem aanyonyoon laŋ libubaan ni.

Ilahn 95:5

Uma le lik waah naan nnyusakpem mu na pu, ni kitiŋ ki u naan na mu pu.

Jona 1:9

Le Jona gar bi ke, “M ye Hiibru aanii la. M dooni Uwumbɔr u ye paacham Aadindaan, ki naan kitiŋ, ni nnyusakpem na la.”

Ikaal 32:4

Uwumbɔr u ye mpɔɔnsakpiindaan na le ye saakikiir, u bi chob, ki ŋani waawan mɔmɔk mbamɔm. U ŋani ni ŋan na, kaa kpa imaagann.