Matiu 4:2 - Uwumbɔr aagbaŋ

² Yesu nan lul bumɔb nwiin pu ni kinyeek iwiin imonko ilee. Iwiin imonko ilee ngbaan aah jer na, le nkon chuu u.

UWONBƆR A GBƆNPƆŊ LIKƆƆNL

² Waah nan lol bimɔb iweehn pina nin tinyiɛr pina-n a bɔɔn bu, le nkom nan choo u.

Matiu 4:2 Iomraidhean Croise

1 Bibɔrb 19:8

Elaija nan fii kal, le ki jin ki nyun nnyun, le tijikaar ngbaan nan tii u mpɔɔn u di chuun iwiin imonko ilee ki buen Uwumbɔr Aajool Sainai na chee.

Nnyam 24:18

Moses nan jon lijool ngbaan aapaacham ki koo ntaalangbam ni. U nan ti bi nima chee iwiin imonko ilee ni tinyer imonko ilee la.

Nnyam 34:28

Le Moses nan bi Uwumbɔr chee nima nwiin pu ni kinyeek ki ti saa iwiin imonko ilee, kaa ji, kaa nyu. Le u ŋmee tipuur aakaal kipiik na, ŋitakpapapan ŋilee na pu.

Matiu 21:18

Naah ki woln kitaak na, le u gir buen Jerusalem. Waah cha na, le nkon joo u.

Matiu 25:35

Ba pu? nkon nan joo mi, le ni nan tii mi tijikaar m ji. Nnyunyuu nan joo mi, ni nan tii mi nnyun m nyun. M nan ye uchaan la, le ni nan gaa mi.

Matiu 25:42

Ba pu? nkon nan joo mi, naa nan tii mi tijikaar m ji. Nnyunyuu nan joo mi, naa nan tii mi nnyun, m nyun.

Tibɔnyaan ti Mak ŋmee ti na 11:12

Naah woln kitaak na, le bi nyan Betani aatiŋ ni. Baah cha na, le nkon joo u.

Tibɔnyaan ti Luk ŋmee ti na 4:2

le kinimbɔŋ ti tɔŋ u nima, iwiin imonko ilee. Iwiin imonko ilee ngbaan Yesu aa jin nibaa. Le iwiin ngbaan aah jer na, nkon chuu u.

Jɔnn 4:6

Jakob aanyunbun mu bi nima chee. Le Yesu aah chuun na, u bak a. Nima le u kal nnyunbun ngbaan aamɔgbeln pu. Nwiin nan bi kaasisik ni.

Ikaal 18:18

M ga tun ni maabɔnabr ke saah bi pu na. U ga li ye binaabitiib ponn ni ubaa la. M ga bui u waah ga len pu na, le u ga tuk nimi tiwan nimɔk m ban na.

Ikaal 9:18

Le m ki lir gbaan Uwumbɔr aanimbiin ni, nwiin pu ni kinyeek, iwiin imonko ilee, kaa ji, kaa nyu nibaa. Naah nan tun titunwanbir Uwumbɔr chee, ki cha waaŋuul fii pu na le cha m nan ŋa kina.

Ikaal 9:25

“Maah bee ke Uwumbɔr ban u kuln nimi na, le m gbaan unimbiin ni, nwiin pu ni kinyeek, ki ti saa iwiin imonko ilee.

Ikaal 9:9

M nan jon Sainai Aajool paab, m ti gaa ŋitakpapapan ŋi pu Uwumbɔr nan ŋmee waakaal i u nan di tii nimi na. M nan bi nima iwiin ni tinyer imonko ilee, le kaa nan jin, ki mu aa nyun nibaa.