Lituln 9:35 - Uwumbɔr aagbaŋ

³⁵ Le binib bimɔk bi Lida aatiŋ ni, ni Saronn aatiŋ ni na kan u, ki kpeln baabimbin, ki dii Tidindaan aasan.

UWONBƆR A GBƆNPƆŊ LIKƆƆNL

³⁵ Le bininfob ban biɛn nan be Liida a tiŋin nin Saron a yagil nan kan u, le ki kpenn bi binbem ki ŋa Uyudaan yada.

Lituln 9:35 Iomraidhean Croise

1 Bibɔrb Aabɔr 5:16

Bi nan koo Basann, ni Gilead aapepel ni, ni ntim mu bi nima chee na ni, ni mmoŋmɔpaan aatiŋ ki bi Saronn aafataŋ ni na la.

1 Bibɔrb Aabɔr 8:12

Elpaal nan ma mbijabim mutaa la. Baayimbil sɔ: Eber, ni Misam, ni Semed. Semed le nan maa Ono ni Lod aatim, ni ntimbim mu bi maln goln mu na.

Nehemia 11:35

ni Lod, ni Ono, ni Bikpikpiib Aafataŋ ni la.

Ilahn 110:3

Nwiin mundaal aa ga tak saadim na, saanib ga nya sil ki ter si bibaa pu la. Saanachipɔm ga dan aa chee ŋijoo ŋi bi chain na pu ke kichakpiik ni aamaln na la.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Aisaya 33:9

Ubaa aa ki ko kitiŋ ngbaan, le ki gur dɔ fam. Lebanonn aachoor na aasui yɔl, le Saronn aafataŋ ki aatiŋ ŋan na gur naahn nteer la, le Basann aatiŋ ni, ni Kamel Aajool pu aasui aafar gbar lir kitiŋ.

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 65:10

Bi ga li dooni mi aan ki di baawakor di buen Saronn, ni bi liwilir wɔb na, ni Tibɔbir Aafataŋ ki bi liwipuul wɔb na ti ti ŋmɔ timoor.

Aisaya 66:8

Ubaa kee kan, bee u ŋun kina aabɔr aa? Litimbol kee naan liwinbaal aa? Sionn aan ji falaa ni yunn le litimbol ngbaan nin naan.

Inandalahn 3:40

Cha ti lik tibaa aabimbin suuna man ki gir ni Uwumbɔr chee.

Hosea 12:6

Kina pu na, Jakob aayaabitiib, kii tii nimi Aawumbɔr, ki fenn gir ni u chee. Li si uchaŋ ni ki li bi mbamɔm, ki li kii nimi Aawumbɔr aah ga nan tun pu na.

Hosea 14:2

Gir ni Uwumbɔr chee, ki cha limeel limina li ye ipiin i ni joo tii u na: “Di timi aatunwanbir mɔmɔk cha pinn timi, ki gaa timi aameel, le ti ga li pak si ke taah puu ke ti ga ŋa pu na.

Joel 2:13

Cha nimi aasuugar mɔk nimi aapombiin, naa ye ke ni daa kar nimi aawanpeenkaan baanja.” Gir ni Nidindaan Uwumbɔr chee man. U kpa tiŋann ki ye unimbaasaln daan la; u kpa limɔr ki ŋmaa joo waah puu tipuur ti na; n‑yoonn mɔmɔk kan, u gor ki kii ke u di cha pinn binib. Waa ban ke u daa bitafal.

Lituln 11:21

Tidindaan aapɔɔn nan bi bi chee, le binib pam gaa Tidindaan ki kii, ki kpeln baabimbin, ki dii waasan.

Lituln 15:19

Jems nan ki bui ke, “M dak ke ti taa ki muk binib bi kaa ye Juu yaab ki kpeln baabimbin ki dii Uwumbɔr aasan na.

Lituln 19:10

U nan ŋani kina ki ti saa ŋibin ŋilee. Waah ŋa kina ŋibin ŋilee ngbaan pu na, le Asia aatiŋ aanib mɔmɔk, bi ye Juu yaab na, ni bi kaa ye Juu yaab na mɔmɔk ŋun Tidindaan aabɔr.

Lituln 19:20

Le Tidindaan aaliin moo moon ŋipepel mɔmɔk, ki moo kan mpɔɔn.

Lituln 4:4

Binib bi ŋun Piita ni Jɔnn aah len pu na, bi ponn ni pam nan gaa Yesu ki kii. Bijab bi gaa u ki kii na ga nan li fuu ŋichur ŋiŋmu.

Lituln 6:7

Le Uwumbɔr aabɔr nan mooni ŋipepel mɔmɔk. Le binib moo gaal Yesu ki keei, ki kpae waadidiliib pu ki wiir, Jerusalem ponn ni. Uwumbɔr aatotoorb pam mu nan gaa Yesu aabɔnyaan tee ki kii.

Lituln 9:34

Le Piita bui u, “Eneas, Yesu Kristo tii si laafee dandana wee. Fii sil, ki kpab saawandookaan.” Libuul ngbaan ni, le u kpaan fii sil.

Lituln 9:42

Le binib bimɔk bi Jɔpa aatiŋ ni na ŋun tibɔr ngbaan. Nima pu na, binib pam nan gaa Tidindaan ki kii.

2 Korenti 3:16

Unii yaa fenn ki dii Tidindaan kan, u ga bee naatataa.

Ikaal 4:30

N‑yoonn mu ni ti kan limukl, aan tiwanbir ngbaan mɔmɔk pii nimi na, le ni ga fenn ban Uwumbɔr ki kii tii u.