Lituln 8:39 - Uwumbɔr aagbaŋ

³⁹ Le bi nyan ni nnyun ni. Baah nyan ni nnyun ni na, le Uwumbɔr Aafuur Nyaan yoor Filip, ki di u buen. Uja ngbaan aa ki kan u. Le u ki koo waatɔroku ponn ni, ki cha, ki nan kpa mpopiin pam.

UWONBƆR A GBƆNPƆŊ LIKƆƆNL

³⁹ Le bi nan nyan nnyumin yaan ki don, le Uyudaan a Naaŋ ta Filib yaar jon, le lijafaalin kaa ji kan wi, le ki kɔɔ u toroko a poolin ki kun nin nmɔn.

Lituln 8:39 Iomraidhean Croise

1 Bibɔrb 18:12

M yaa siir cha aan Uwumbɔr Aafuur Nyaan yoor si di buen ubaa aah kaa nyi nin chee na kan, m ga ŋa kinye? Le m yaa ti bui Ahab ke aa bi do aan waa nan kan si kan, ni ŋeer u ku mi la. Teer ke maah nan laa ye ubo pu na le m nan di mbaa tii Uwumbɔr ki dooni u.

2 Bibɔrb 2:16

le ki bui ke, “Ti ye bijab piiŋmu le ki bi do. Ti mɔmɔk ye bijab bi pɔɔ na la. Cha ti buen ti ban kan saaninkpel. Nibaakan Uwumbɔr Aafuur Nyaan ga li di u ti lii lijool libaa pu, bee kifataŋ kibaa ni.” Le Elaisa bui ke, “Aayii, taa buen man.”

Ilahn 119:111

Saakaal le ye maawangol ki ti saa n‑yoonn mu kaa kpa ndoon na; ima le ye maapopiin.

Ilahn 119:14

M gee ke m li dii saakaal ki jer ke m li kpa liwangosakpeln.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Esekiel 11:1

Uwumbɔr Aafuur Nyaan nan yoor mi paacham ki buen Waadichal aabisamɔb mu bi liwipuul wɔb na chee. Mbisamɔb nima chee le m ti kan bijab moninko ni biŋmu, le ŋitimbol ngbaan aasalolm bilee bimina, Asur aajapɔɔn Jaasania, ni Benaya aajapɔɔn Pelatia ŋmal bi ni.

Esekiel 11:24

Tidaŋ ngbaan ni, Uwumbɔr Aafuur Nyaan nan ki yoor mi paacham ki di giin binaagbiib biken chee Babiloŋ aatiŋ pu. Le tidaŋ ngbaan doo,

Esekiel 37:1

M nan bee ke Uwumbɔr aapɔɔn sakpiin koo m ni, le Waafuur Nyaan yoor mi ti siin kifataŋ ki ponn ni ye ikpab ŋmeen na.

Esekiel 43:5

Uwumbɔr Aafuur Nyaan aapɔɔn nan fiin mi siin ki di mi buen kichinbik na ni, nima chee le m ti kan Uwumbɔr aawiihn aah gbiin Waadichal pu na.

Esekiel 8:3

U nan taln tiwan ni naahn ŋŋaal na ki di chuu maayikpir. Le Uwumbɔr Aafuur Nyaan yoor mi paacham ki di mi buen Jerusalem aatiŋ ni. U nan di mi buen Uwumbɔr Aadichal aabisamɔb mu bi ponn ni, ki bi ŋŋangan wɔb nin chee liwaal li fiini Uwumbɔr aaŋuul sakpen na si na.

Matiu 13:44

“Uwumbɔr aanaan naahn liwankpal li bɔɔ bukpaab ni, kitiŋ ponn ni na la. Le uja ti kan liwankpal ngbaan, le ki ki di biin li pu. Le ni mɔ u ki ti nyaŋ. Le u buen ke u ti kooh waawan mɔmɔk, ki gir ti daa bukpaab ngbaan.”

Matiu 3:16

Waah muin u doo na, libuul ngbaan ni le Yesu nyan ni nnyun ni. Le kitaapaak chuu piir. Le u kan Uwumbɔr Aafuur Nyaan sunn ni ki naahn linanjel, ki nan tɔŋ u pu.

Tibɔnyaan ti Mak ŋmee ti na 1:10

Yesu aah nyan nnyun ni na, le u kan kitaapaak chuu piir, le ki kan Uwumbɔr Aafuur Nyaan sunn ni ki nan tɔŋ u pu, ki naahn linanjel.

Lituln 13:52

Le Uwumbɔr Aafuur Nyaan gbiin binib bi gaa Yesu ki kii Antiok aatiŋ ni na. Le bi nan kpa mpopiin pam.

Lituln 16:34

Le u di Pɔɔl ni Sailas buen waadichal ni, ki ti tii bi tijikaar ke bi ji. U ni waachiln ni aanib aah nan gaa Uwumbɔr ki kii na, ni ŋa bi mpopiin pam.

Lituln 8:29

Le Uwumbɔr Aafuur Nyaan tuk Filip ke u li cha tɔroku ngbaan chee.

Lituln 8:38

Le u cha waatɔroku sil. Le u ni Filip mɔmɔk bilee sunn sil ni kitiŋ, ki koo nnyun ni. Le Filip muin u nnyun ngbaan ni.

Lituln 8:8

Nima pu le Samaria aatiŋ aanib nan kpa mpopiin sakpen.

Rom Yaab 5:2

Yesu Kristo pu, le Uwumbɔr len ke timi aabɔr ŋan. Le ti mɔɔni ki kpa limakl ke ti ga yakr u chee Uwumbɔr aamɔɔn.

Filipi 3:3

Timi bi kpaan Uwumbɔr Aafuur Nyaan chee ki pak u, ki kpa kipupuk Yesu Kristo pu, ki bee ke taan ŋmar tibaa aapɔɔn pu na, timi le kpa lichakpangeei bamɔnn.

Filipi 4:4

Ni li kpa mpopiin Tidindaan pu, n‑yoonn mɔmɔk. M ki tuk nimi la, ni li kpa mpopiin man.

Jemisi 4:16

Le ni tee kpa kalmbaani ki puk kipupuk. Ni yaa puk kipupuk kina kan, naa ŋan.