Lituln 8:32 - Uwumbɔr aagbaŋ

³² Tɔ, waah bi karni Uwumbɔr Aagbaŋ ponn ni nin chee na ŋmee ke, “Bi yaa chuu upiih bi ti kɔr u kan, waa wii. Bi yaa chee upihbo aakokor pu kan, u mu aa wii. U mu bi kina la. Baah chuu u mpɔɔn pu na, waa len tibaa ke u nyan ubaa tibɔr ngbaan ni.

UWONBƆR A GBƆNPƆŊ LIKƆƆNL

³² Uwonbɔr a gbɔŋin tibɔr tan wee lijafaalin nan be karin nmɔn ye nan le, “Le u chee ki jon a li ke baah ti dar upee chaa bin tan ku man nin, Ki ŋmin ke baah chiɛ kipeebig a kor ke ki ŋmin man nin, kaa yaar u mɔbi.

Lituln 8:32 Iomraidhean Croise

Ilahn 39:2

M nan ŋmin suuna, kaa len tibaa, hali maa len litunyaan libaa aabɔr. Le maafalaa moo kpae,

Ilahn 39:9

M ga li ŋmin, kaan len tibaa, ba pu? Sin le cha m ji falaa wee.

Jeremia 11:19

M nan bi ke upihbo u kii udindaan aamɔb aan bi joo u cha bi ti ku u pu na la, le kaa nan nyi ke min pu le bi bi kpokl tibɔbir. Bi nan bi len le ke, “Cha ti gaa busub ngbaan lii, buyoonn bu laa soon na, cha ti ku u aan ubaa taa ki teer ubɔr.”

Jeremia 12:3

Tɔ, Uwumbɔr, aa nyi mi; aa kani maah tun pu na, ki nyi maah gee si pu na. Dar titunwanbirdam ngbaan ke ipiih na buen bi ti kɔr bi; li kii bi ki ti saa buyoonn bi ga ku bi na.

Jeremia 51:40

M ga cha bi kɔr bi ke ipihbi, ni iŋoob, ni ipihja na la. Min Uwumbɔr le len kina.”

Tibɔnyaan ti Luk ŋmee ti na 23:34

Baah bi kpaa Yesu ndɔpuinkoo pu na, le u bui ke, “Nte Uwumbɔr, di cha pinn bi. Baa nyi baah ŋani pu na.” Le butɔb aajab ngbaan yoor waawanpeenkaan bi ti yakr tɔb, le ki too inaan ke bi lik bimɔk aah ga kan ni na.

Jɔnn 1:29

Ki woln kitaak le Jɔnn kan Yesu choo u chee, le u bui ke, “Lik, Uwumbɔr Aapihbo u nyani dulnyaa ni aanib aatunwanbir na.

Lituln 8:31

Le u bui ke, “Unii yaa kaa mɔk mi kan, m ga ŋa kinye ki bee?” le ki tuk Filip ke u koo ni u chee ki nan kal tɔroku na ponn ni.

Rom Yaab 8:36

Ni ŋmee Uwumbɔr Aagbaŋ ni ke, “Sin pu le bi ku timi iwiin mɔmɔk, le ti naahn ipiih i bi ban bi ti kɔr i na la.”

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

1 Piita 1:19

U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.