Lituln 8:27 - Uwumbɔr aagbaŋ

^27-28 Le Filip fii ki cha. Uja ubaa nan ka itaan aah dar tɔroku sakpiin u na ponn ni, nsan ni. U nan ye Itiopia aatiŋ aanii la, ki mu ye unii u bi lee nyan ŋikookpimbil na, ki mu ye uninyuun la. Uma le nan lik Itiopia aatiŋ aamombil mɔmɔk, ki kpa mpɔɔn sakpen, ki tun lituln tii Itiopia aabɔrpii, u bi yin u ke Kandake na. Uja ngbaan nan dan Jerusalem u nan doon Uwumbɔr, ki labr cha, ki laa beenin bi nsan ni. Filip aah kan u na, u nan bi waatɔroku sakpiin ponn ni, ki karni kigbaŋ ki Uwumbɔr aabɔnabr Aisaya nan ŋmee ki na.

UWONBƆR A GBƆNPƆŊ LIKƆƆNL

²⁷ Le Filib fii ki nyan ki piin u sanchonl, le ki to Itopiya a jau uba wan wee bi faarin ki miin u mu nyan lisanchonl le ki chaa kun. Uja nmɔn nan ye Itopiya a piibɔru wan a naam a yinl nan ye Kandasi a lig ŋmagib a gbansɔbib a yudaau le, u nan jon Jerusalam le un tan jiɛn Uwonbɔr,

Lituln 8:27 Iomraidhean Croise

1 Bibɔrb 10:1

Seba Aapiibɔr nan ŋun Solomonn aayimbil pu, le ki buen Jerusalem aatiŋ ni ke u ti di mbaan mu pɔɔ sakpen na tɔŋ u ki lik.

Ilahn 68:29

ki nyan Saadichal li bi Jerusalem ponn ni, nin chee bibɔrb joo ni si baapiin na.

Ilahn 68:31

Bininkpiib ga nya ni Ijipt ki dan; Kus yaab ga yoor biŋaal paacham ki mee Uwumbɔr.

Ilahn 87:4

“M yaa ban m ŋmee ŋitimbol ŋi kii maamɔb na aayimbil bil kan, m ga di Ijipt ni Babiloŋ aayimbil mu kpee; m ga kahn Filistia yaab, ni Taya yaab, ni Kus yaab kpee Jerusalem aanib pu.”

Aisaya 18:7

N‑yoonn choo le Uwumbɔr Mpɔɔnsakpiindaan ga nan gaa ipiin nyan ni kitiŋ ki ŋimɔɔ yakr ki na chee, litimbol ngbaan le kpa mpɔɔn ki pɔɔ, le ki kpa binib bi fɔk, aan biwon joon kpal kpal, aan dulnyaa wee aanib san bi ijawaan na. Bi ga li joo ni ipiin ngbaan ki dan Sionn aajool pu, nin chee bi dooni Uwumbɔr Mpɔɔnsakpiindaan na.

Aisaya 43:6

M ga bui ŋŋangan wɔb yaab ke bi cha bi li cha, ki bui ŋŋangii wɔb yaab ke bi taa leŋ bi nsan. Cha maanib nya dandar aatim ni ki gir ni, bi nya ni dulnyaa wee aapepel mɔmɔk ni.

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Aisaya 60:6

Laakumii tiib pam ga ki nyan ni Midiann, ni Efa aatim ni ki fuu ni. Bi nyan ni Seba, ki joo ni salmaa ni tulalee. Binib ga len tibɔnyaan ngbaan, bi ga len Uwumbɔr aah ŋa pu na.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 38:7

Tɔ, Kus aatiŋ aaja, u bi nan yin u ke Ebed Melek, ki ye uja u bi chuu lee nyan waajawan, aan u ye ututunn libɔrchiln ni na, nan ŋun ke bi di mi ti ŋa nnyunbun ngbaan ni. N‑yoonn ngbaan, ubɔr nan ka Benjaminn Aabisamɔb chee ji binib tibɔr.

Jeremia 39:16

ke m tuk Ebed Melek, u ye Kus aanii na ke Uwumbɔr Mpɔɔnsakpiindaan, u ye Israel yaab Aawumbɔr na len ke, “Maah nan len ke m ga ŋa pu na, m ban m joo ni kitiŋ kimina libiil la, naan li ye nkam. Nimina yaa nan ŋa kan, aa ga li bi nima ki kan ni,

Sefania 3:10

Hali maanib bi yaa ki bi Kus aatiŋ ni dandar dandar na ga joo ni ipiin nan tii mi.

Matiu 12:42

Seba aapiibɔr nan nyan ni dandar ke u nan ŋun Ubɔr Solomonn aalan aaliin. Min u jer Solomonn na bi do la, le naa ŋun maaliin. Bundaln Uwumbɔr ga ji binib tibɔr na, upiibɔr ngbaan aah nan ŋa pu na, nima le ga mɔk ke nimi aabɔr bii.”

Jɔnn 12:20

Binib bi dan Jerusalem bi nan ji njim ngbaan ki doon Uwumbɔr na, bi ponn ni bibaa nan ye Griik yaab.

Ikaal 30:13

I mu aa ti ki bi nnyusakpem aadapuul, aan ni ga baa ke, ‘Ŋma ga puur buen ki ti yoor i tii ni timi, aan ti ga ŋun i ki kii yaah mɔk pu na?’

Hiibru Yaab 11:8

Uwumbɔr nan yin Abraham, ki bui u ke u buen kitiŋ ki u puu tipuur ke u ga di tii u na. Abraham aah nan gaa Uwumbɔr ki kii pu na le u kii waamɔb, le ki nyan waatiŋ ni, ki buen, kaa nyi waah cha nin chee na.