Lituln 8:22 - Uwumbɔr aagbaŋ

²² Kpeln aapobil, ki di cha saatunwanbir ngbaan, ki mee Uwumbɔr ke u di cha saalandakbir pinn si.

UWONBƆR A GBƆNPƆŊ LIKƆƆNL

²² Ni bu jiɛn a potiɛbir nmɔn na, ki kpenn a binbem wee ki miɛ Uyudaan. Ni ba ke u li jiɛn a potiɛbir nmɔn ki periŋ.

Lituln 8:22 Iomraidhean Croise

Ŋiyataŋak 24:9

Ujɔr aalandak mɔk ye kinimbɔŋ la. Binib aa gee unii u lik seeni uŋeen aatɔtiib na la.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Amos 5:15

Li nan kinimbɔŋ man, ki li gee tiwan ni ye ibamɔn na, aan ki cha ibamɔn li bi libɔjil ponn ni. Nibaakan, Uwumbɔr ga san binib bi gur linibol limina ni kaa kpoi na kinimbaak.

Amos 5:6

Li cha man Uwumbɔr chee ki ti kan limɔfal. Ni yaa kaa ŋa kina kan, u ga dan Israel yaab pu ke kimosakpeŋ aamii na la. Mmii ngbaan ga wu Betel yaab, le ubaa aan ŋmaa junn mu.

Jona 1:6

Le biŋɔŋaab ngbaan aaninkpel nan ti kan u nima chee, le ki baa u ke, “Aa dɔ ŋani ba, aa dɔ geen la aa? Fii sil ki mee saawaal aan li ter timi. Nibaakan, li ga san timi kinimbaak ki gaa timi lii.”

Jona 3:9

Nibaakan, Uwumbɔr ga kpeln waalandak aan waaŋuul ga sɔŋ, le ti taa kpo.”

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

Lituln 2:38

Le Piita bui bi, “Ni mɔmɔk kpeln nimi aabimbin, ki cha ti muin nimi nnyun ni, Yesu Kristo aayimbil pu. Le Uwumbɔr ga di cha nimi aatunwanbir pinn nimi, ki tii nimi ipiin i ye Waafuur Nyaan na.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Lituln 8:20

Le Piita baa u, “Aa dak ke aa ga ŋmaa di ŋimombil daa Uwumbɔr aapiin aa? Saah dak pu na, naa ŋan. Aa ni saamombil bee fam.

Lituln 9:11

Le Tidindaan bui u, “Fiin, ki li cha nsan mu bi yin mu ke Nsan Mu Tok na ni, ki li cha Judas do, ki li ban uja u bi yin u ke Sɔɔl, aan u ye Tasus aatiŋ aanii na. U bi mee Uwumbɔr,

Rom Yaab 2:4

U ŋa si tibulchinn sakpen, ki kpa limɔr ni suklaa aa pu. Ba ŋa aa lik u fam? Saa nyi ke Uwumbɔr ban ke aa kpeln saabimbin aa? Nima le cha u ŋa si tibulchinn.

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Tibɔkpiirkaan 2:21

M tii u nsan ke u kpeln waabimbin, u mu aa ban u di cha kidagook aatuln.