Lituln 7:9 - Uwumbɔr aagbaŋ

⁹ “Le Jakob aajapɔtiib nan kpa lipiipoln binaal Josef pu, ki di u kooh binib pu, u li ye unaagbiija kitiŋ kibaa ponn ni, bi yin ki ke Ijipt. Le Uwumbɔr mu nan bi u chee,

UWONBƆR A GBƆNPƆŊ LIKƆƆNL

⁹ “Jekɔb a naachim nmɔn kaah nan jɔɔ lipiiponl bi waal Josef bu-n, le bi nan choo u kɔɔr sei Ijibir yaab ke uyomin. Amaa Uwonbɔr nan be nin u,

Lituln 7:9 Iomraidhean Croise

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

Mpiin 39:5

Josef pu na, ki nyan n‑yoonn ngbaan ki joo cha, Uwumbɔr nan ŋa tinyoor ŋa uninkpel ngbaan do, ni waawan, ni waasar mɔmɔk pu.

Mpiin 45:4

Le Josef bui bi ke, “Foor duun ni m chee man, ki taa san ijawaan.” Bi nan dan u chee, le u bui bi ke, “Min Josef, ninaal u ni nan di kooh tii Ijipt yaab na le na.

Ilahn 105:17

Tɔ, u nan tee tun uja ubaa ke u loln bi pu nsan, uma le ye Josef, u bi nan kooh ŋa tinaagbiir ni na.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Hagai 2:4

Tɔ, Serubabel, cha aataakpab pɔɔk; Utotoorninkpel Josua, aa mu cha aataakpab pɔɔk; nimi bimɔk bi kitiŋ ngbaan ni na, cha nitaakpab pɔɔk. Min Uwumbɔr Mpɔɔnsakpiindaan bi ni chee, kina pu na, li tun lituln ngbaan man.

Matiu 27:18

Pailat nan bee ke bi kpa lipiipoln Yesu pu, nima le cha bi di u ŋa uŋaal ni.

1 Korenti 13:4

Unii u gee binib na, u kpa limɔr bi pu, ki kpa tibulchinn. Waa kpa lipiipoln, kaa kpa kipupuk, kaa kpa kalmbaani,