Lituln 7:58 - Uwumbɔr aagbaŋ

⁵⁸ ki nyan u kitiŋ ponn ni, ki di buen n‑gbaan, ki ti mae u ŋitakpal. Le biseeraadam ngbaan chuu peer baabɔkul, ki di bil unachipɔɔn ubaa chee, bi yin u ke Sɔɔl.

UWONBƆR A GBƆNPƆŊ LIKƆƆNL

⁵⁸ le ki dar u nyan kitiŋ nmɔn a gbaam, ki tan gabir u itangbag. Ki miin siɛra jibin ta bi wan yeer ki bil unaachipɔɔn wan wee bi yi u ke Sɔɔl nan a tatum, le ni wɔɔn ke nkum nmɔn tɔɔ u yaa yul bu le.

Lituln 7:58 Iomraidhean Croise

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

Nkahm 15:35

Uwumbɔr nan bui Moses ke, “Ni ku uja ngbaan, ni nyan u buen n‑gbaan nibaa chee, aan binib ngbaan mɔmɔk mae u ŋitakpal ki ku u.”

Tibɔnyaan ti Luk ŋmee ti na 4:29

le ki fii, ki chuu nyan u kitiŋ ngbaan ni, ki di u buen baatiŋ aah bi lijool li paab na, bi ti di u lii lijool ngbaan aataab.

Lituln 22:20

Binib aah nan ku saaseeraadaan Stiifen na, m mu nan bi nima, ki kii ke ni ŋan, ki joo binib bi ku u na aabɔkul.’

Lituln 22:23

Le bi mɔmɔk tar, ki joo baabɔkul feeni paacham, ki leer titan mae paacham, le kitangbaak feei.

Lituln 22:4

M nan ŋa binib bi dii Yesu aasan na falaa, ki ban m ku bi. M nan chuu bijab ni bipiib mpɔɔn, ki di tikululn buu bi, ki di bi ŋa tiyondir ni.

Lituln 26:10

Le m nan ŋa kina Jerusalem ponn ni. M nan buen Uwumbɔr aatotoorninkpiib chee, ke bi tii mi nsan ke m chur Uwumbɔr aanib ki di ŋa tiyondir ni. Juu yaab yaa nan len ke bi ga ku bi kan, m mu nan keei la.

Lituln 6:11

Nima pu le bi tii bijab bibaa ŋimombil ke bi mɔln inyamɔn paan u. Le bijab ngbaan len ke bi ŋun u sii Moses ni Uwumbɔr.

Lituln 6:13

le ki joo ni binib bi ga mɔln inyamɔn paan u na. Le bi len ke, “N‑yoonn mɔmɔk uja wee bii Moses aakaal, ki seei Uwumbɔr Aadichal.

Lituln 7:57

Waah len kina na, le bi teen mpɔɔn pu, ki di biŋaal ŋeeb bitafal, le ki kpaan ber bi ti chuu u,

Lituln 8:1

Baah ku u pu na, le Sɔɔl kii. Liyaadaal ngbaan le bi piin ki bi muk Yesu aanib bi bi Jerusalem ni na, ki ŋa bi falaa sakpen. Nima pu na, bi mɔmɔk nan yaa, ki buen Judea ni Samaria aatim mɔmɔk ponn ni. Yesu aakpambalb baanja le nan gur Jerusalem ponn ni, kaa yaa.

Ikaal 17:7

Ni cha seeraadam ngbaan pue mee u ŋitakpal, aan nimi bi gur na mu kpee bi pu, ki ku u. Ni yaa ŋa kina kan, ni ga nyan titunwanbir ngbaan ni chee.