Lituln 7:5 - Uwumbɔr aagbaŋ

⁵ N‑yoonn ngbaan, Uwumbɔr aa nan tii u kitiŋ kibaa do chee na. Waa nan po tii u lisaŋ libaa. U nan puu tipuur tii u ke u ga di kitiŋ kee tii u ni uyaabitiib. N‑yoonn mu Uwumbɔr nan puu tipuur tee tii u na, Abraham aa nan kee kpa ubo.

UWONBƆR A GBƆNPƆŊ LIKƆƆNL

⁵ Waa nan sei u kitiŋ a faali, hali waa nan ta kitiŋ nmɔn a bɔgil wama ki sei wi. Amaa le ki siin limɔsiinl ke u li sei, u ma nin u yaabili ki tiŋ nmɔn, hali nin Abiraham kaah kaa la nan jɔɔ kibig nan.

Lituln 7:5 Iomraidhean Croise

Mpiin 12:7

Uwumbɔr nan dan Abram chee le ki nan bui u ke, “Kitiŋ kee le m joo m di tii saamaal.” Nima chee le Abram maa kitork aabimbiln tii Uwumbɔr u nan dan u chee na.

Mpiin 13:15

M ban ke m di saah waa kitiŋ kimɔk na ki di tii aa ni saamaal, aan ki li ye nimi aatiŋ n‑yoonn mu kaa kpa ndoon na.

Mpiin 15:18

Nima chee le Uwumbɔr nan puu tipuur tii Abram. U nan bui ke, “M puu ke m ga di kitiŋ kimina tii saamaal, ki yoor Ijipt aatiŋ ki ti saa Yufrates aamɔɔl mɔk,

Mpiin 16:2

Sarai nan bui uchal Abram ke, “Uwumbɔr aa tii mi ubo. Saan di maanaagbiipiibo ngbaan, ki di ŋa aapuu, ki kpee m pu uu? Nibaakan, u ga maa ubo tii mi.” Abram nan kii tii upuu Sarai aah len pu na.

Mpiin 17:8

M ga di kitiŋ ki aa ye uwɔwɔnja ki pu na tii si ni aayaabitiib. Kanaann aatiŋ kee mɔmɔk ga li ye aa ni aayaabitiib yaan, le ki cha n‑yoonn mu kaa kpa ndoon na, le m ga li ye Baawumbɔr.”

Mpiin 23:4

“M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 26:3

Li koo do, le m ga li bi aa chee, ki ŋa tinyoor ŋa aa pu. M ban ke m di kitiŋ kee mɔmɔk tii sin ni aayaabitiib la. Maah nan puu tipuur ti tii aate Abraham na, m ga li joo ti.

Nehemia 9:8

Aa nan kan ke u kpa gaakii tii si, le aa nan puu tipuur tii u. Aa nan puu ke aa ga di Kanaann yaab aatiŋ tii u, ki kpee Hef yaab, ni Amor yaab aatim, ni Peris yaab, ni Jebus yaab, ni Girgas yaab aatim ke mu li ye uyaabitiib aatim. Saah ŋani saah len pu na n‑yoonn mɔmɔk na, aa joo saah puu pu na mbamɔm.

Esekiel 33:24

“Unibɔn, binib bi bi Israel aatiŋ aalangbenn ni na bi len ke: ‘Abraham nan ye unibaan la, le Uwumbɔr nan di kitiŋ ngbaan mɔmɔk tii u. Timi le wiir, kina pu na, kitiŋ ngbaan ye timi yaak la.’

Ikaal 10:11

U nan bui mi ke m sunn ni, ki nan loln ni pu nsan, aan ni ŋmaa buen ti gaa kitiŋ ki u nan puu ke u ga di tii niyaajatiib na.

Ikaal 11:9

Le ni ga li bi kitiŋ ki kpa tiwakor aamoŋmɔpaan ni ŋisubil sakpen na ni, aan Uwumbɔr nan puu ke u ga di tii niyaajatiib, ni biyaabitiib na pu.

Ikaal 2:5

ni mu taa tak bi, ba pu? maan di baatiŋ nibaa chee tii nimi. M di Edom aapepel tii Esɔ aayaabitiib la.

Ikaal 34:4

Le Uwumbɔr bui Moses ke, “Kitiŋ kee le m nan puu tii Abraham, ni Aisak, ni Jakob, ke m ga di ki tii biyaabitiib na. M cha aanimbil le kan ki, maan cha aa koo ki ni.”

Ikaal 9:5

Naa ye ke ni ye bininyaam ki ŋani tiwan ni ŋan na nima le cha u ban ni gaa baatiŋ. U ga jenn nyan bi, ba pu? bi ye mbiindam la, le u ki ban u gbiin tipuur ti u nan puu tii niyaajatiib Abraham, ni Aisak, ni Jakob na.