Lituln 7:48 - Uwumbɔr aagbaŋ

⁴⁸ “Tɔ, Uwumbɔr u kaa kpa ŋeen aatɔ na aa bi binib aah maa ŋidichal ŋi na ponn ni baanja. Uwumbɔr aabɔnabr nan len ke Uwumbɔr len ke,

UWONBƆR A GBƆNPƆŊ LIKƆƆNL

⁴⁸ “Amaa Uwonbɔr wan kaa jɔɔ kpiɛg nan kaa be iniin yan yaan wee bininfob maa nni. A li ke Uwonbɔr a linlenu kaah nan len ke:

Lituln 7:48 Iomraidhean Croise

1 Bibɔrb 8:27

“Tɔ, Uwumbɔr, m nyi ke saan ŋmaa koo taab do. Hali paacham mɔmɔk aa waa sakpen ki ga ŋeer si, kina pu na, Lidichal li m maa na par ke aa li koo li ponn ni.

2 Bibɔrb Aabɔr 6:18

“Tɔ, sin Uwumbɔr ga ŋmaa koo taab do, binib aakaasisik ni ii? Hali paacham aah waa sakpen pu na, naa waa ki ŋeer saakokoon yaan. Kina pu na, lidichal limina par ke aa li koo li ponn ni.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Ilahn 7:17

M doon Uwumbɔr waabamɔn pu, m gaa ilahn ki pak Uwumbɔr Mpɔɔnsakpiindaan.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ilahn 91:9

Aa di Uwumbɔr le ŋa u kiir si na, uma Uwumbɔr u kaa kpa ŋeen aatɔ na le ye saakikiir,

Ilahn 92:8

ba pu? sin Uwumbɔr le bi n‑yoonn mɔmɔk ki kpa mpɔɔn jer mpɔɔn mɔmɔk.

Daniel 4:17

Uwumbɔr aatuuntiib bi gor bibaa ki lik mbamɔm na aalandak le na. Kina pu na, cha binib mɔmɔk dulnyaa wee mɔmɔk ni bee ke Uwumbɔr u kaa kpa ŋeen aatɔ na kpa mpɔɔn unibɔn aanaan mɔmɔk pu, ki ga ŋmaa di mu tii umɔk u gee na, hali unii u binib lik seen u na.’”

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Hosea 7:16

Bi nya mpuwɔb n‑yoonn mɔmɔk, le ki dii liwaal li kaa kpa mpɔɔn mubaa na. Saan ŋmaa li kpa bi pu limakl ke butɔm bu gɔr na la. Baasalolm aah len tibɔr kigaak ŋmeen na, le bi ga kpo mpɔɔkun, le Ijipt yaab ga laa bi.”

Tibɔnyaan ti Luk ŋmee ti na 1:32

U ga li ye uninyuun la. Bi ga yin u Uwumbɔr u kaa kpa ŋeen aatɔ na Aajapɔɔn. Tidindaan Uwumbɔr ga tii u uyaaja Ubɔr David aanaan.

2 Korenti 5:1

Tɔ, ti nyi ke tiwon timina yaa kpo kan, tiwon ti ga li bi n‑yoonn mu kaa kpa ndoon na bi paacham. Uwumbɔr le toor tiwon ngbaan ki tii timi.

Ikaal 32:8

Uwumbɔr Mpɔɔnsakpiindaan le tii ŋinibol mɔmɔk baatim. Uma le nyan unii mɔmɔk aah ga kal nin chee na. Uma le siin ŋitimbol mɔmɔk aatim aanaanmɔk,