Lituln 7:44 - Uwumbɔr aagbaŋ

⁴⁴ “Tɔ, tiyaajatiib nan joo ngban aabool timoor ni. Uwumbɔr nan joo ubaa mɔk bi libool ngbaan ponn ni la. U nan tuk Moses waah ga ŋa pu ki ŋa libool ngbaan na. Le Moses ŋa li Uwumbɔr aah mɔk u pu na.

UWONBƆR A GBƆNPƆŊ LIKƆƆNL

⁴⁴ “Ti yaajam nan jɔɔ kuwonjiɛn nanboŋ le kukunkɔɔg bu, le ki ye siɛra ki wɔɔn ke Uwonbɔr be bi ban. Uwonbɔr le nan wɔɔn Moziz baah li ŋa ki man, le bi ŋa ki ke Uwonbɔr kaah wɔɔn Moziz man nin.

Lituln 7:44 Iomraidhean Croise

1 Bibɔrb Aabɔr 28:11

David nan di Uwumbɔr Aadichal, ni tijikaar, ni tiwan niken aadir, ni Chain Chain Aapepel, nin chee binib kani chapinn na aagbaŋ tii Solomonn.

1 Bibɔrb Aabɔr 28:19

Ubɔr David nan bui ke, “Nimina mɔmɔk bi Uwumbɔr aah nan mɔk mi ke m tun pu na aagbaŋ ponn ni la.”

2 Bibɔrb Aabɔr 24:6

kina pu le u nan yin Jehoyada, u ye baasaloln na, ki nan baa u ke, “Ba ŋa saa cha Liifai yaab gaa Juda ni Jerusalem yaab chee lampoo u Uwumbɔr aatutunn Moses nan bui ke binib ngbaan li pa, aan bi li joo toor Uwumbɔr Aabool na?”

Nnyam 25:40

Ni pɔɔ nibaa ki ŋa tiwan ngbaan mɔmɔk, maah mɔk nimi lijool ngbaan paab pu na.

Nnyam 26:30

Ni ŋa Libool ngbaan maah nan mɔk si pu lijool paab pu na.

Nnyam 27:8

Ni di idɔ ŋmeen ŋa libimbiln ngbaan, ki cha li li ye kiloŋ ŋmeen, ni ŋa li ke maah mɔk si pu lijool paab na.

Nnyam 38:21

Baah nan di tikur timɔk ŋa Uwumbɔr Aabool li ponn ni ŋitakpapapan ŋilee ŋi pu Uwumbɔr nan ŋmee ikaal kipiik na aakahm sɔ: Moses le nan cha Liifai yaab ŋmee tiwan ngbaan mɔmɔk, le utotoor Aaronn aajapɔɔn Itamar nan mɔk bi baah ga ŋmee ni pu na.

Nkahm 10:11

Israel yaab aah nan nyan ni Ijipt aatiŋ ni aan ni saa ŋibin ŋilee, lelee aaŋmal aawiin moninko daal na, le ntaalangbam mu nan sunni ki nan biin Uwumbɔr Aabool pu na fii paacham.

Nkahm 18:2

Li joo ni aado yaab, bi ye Liifai yaab aanibol na, aan bi nan ter si, buyoonn aa ni aajapɔtiib ga li bi tun Maabool ni aatuln na.

Nkahm 9:15

Nwiin mundaal bi gaa Uwumbɔr Aabool doo na, le ntaalangbam dan nan biin li pu. Kinyeek kan, mu nan bi ke mmii na la.

Hiibru Yaab 8:2

U tun utotoorninkpel aatuln paacham aadiik ki ye kidibamɔŋ ki bi chain na ponn ni. Uwumbɔr le maa ki, naa ye binib.

Hiibru Yaab 8:5

Bitotoorninkpiib ngbaan aatuln ye paacham aatuln aanaŋ la. Moses yaan mu nan bi kina la. Waah nan ban ke u ŋa libool tii Uwumbɔr na, Uwumbɔr nan bui u ke u li nyi ki ŋa tiwan mɔmɔk ke waah mɔk u laanaŋ, lijool paab pu na.

Josua 18:1

Baah nan nyaŋ ki gaa kitiŋ ngbaan mɔmɔk doo na, le Israel yaab mɔmɔk kuun buen Silo aatiŋ ni, ki ti ŋa Uwumbɔr Aabool nima chee.

Josua 3:14

Ni nan ye tijikaar aacheen yoonn la, le limɔɔl ngbaan nan gbii nnyun, nwam mu nyan. N‑yoonn mu binib ngbaan nan fii ki ban bi puur Jɔɔdann Aamɔɔl na, le bitotoorb loln bi pu nsan, ki tu Uwumbɔr Aakaal Aadakaa ngbaan. Bitotoorb ngbaan aataa aah ti koo limɔɔl ngbaan aanyun ni buyoonn na,