Lituln 7:35 - Uwumbɔr aagbaŋ

³⁵ “Tɔ, Moses le ye unii u Israel yaab nan yii u, ki bui u ke, ‘Ŋma ŋa si timi aayidaan ni ubɔjir?’ Uma le Uwumbɔr nan tun waatuun u chee, busub bu bi ke bu aah gaal mmii le na pu, u ti tuk u ke u buen ti nyan ni waanib tinaagbiir ni, ki li joo ni bi.

UWONBƆR A GBƆNPƆŊ LIKƆƆNL

³⁵ “Moziz nmɔn le Iziral yaab nan yii u ki baan u ke, ‘Ŋma ŋaaŋ ti yudaau nin ti bɔjiru waa?’ Amaa u ma le Uwonbɔr gann ke u le ye bi yudaau nin bi feeru, le u ma Uwonbɔr che Malaka pag sei Moziz kumɔɔchiɛg a ŋmiimin, ki tun u niin.

Lituln 7:35 Iomraidhean Croise

Ilahn 75:7

Uwumbɔr le ji tibɔr, u bii bibaa aabɔr, le ki bui biken ke baabɔr ŋan.

Ilahn 77:20

Aa loln saanib pu nsan ke upihdaan na, ki cha Moses ni Aaronn joo bi.

Nnyam 14:19

Uwumbɔr aatuun, u ba loln Israel yaab pu nsan na gir buen bipuwɔb. Le ntaalangbam na mu buen ki ti sil Ijipt yaab ni Israel yaab aakaasisik ni.

Nnyam 14:24

Naah ti chaa woln ni na, le Uwumbɔr bi ntaalangbam ni, mmii ponn ni, le ki lik waa Ijipt yaab aajab, le ki cha ijawaan chuu bi.

Nnyam 2:14

Le uja ngbaan giin bui u ke, “Ŋma ŋa si timi aayidaan ni ubɔjir? Aa ban ke aa ku mi ke saah fe ku Ijipt aaja na pu na la aa?” Nima chee le ijawaan chuu Moses, le u dakl usui ni ke, “Binib bee maah ŋa pu na a.”

Nnyam 32:34

Tɔ, siir ki li cha, ki ti loln binib ngbaan pu nsan, ki buen nin chee m bui si na. Teer ke maatuun ga loln ni pu nsan; tɔ, n‑yoonn choo le m ga daa binib ngbaan aatafal, baatunwanbir pu.”

Nnyam 33:2

M ga cha maatuun loln ni pu nsan, le m ga jenn nyan Kanaann yaab, ni Amor yaab, ni Hef yaab, ni Peris yaab, ni Hif yaab, ni Jebus yaab.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Nkahm 20:16

le ti wii yin Uwumbɔr ke u ter timi. U nan ŋun timi aawiil le ki tun ni waatuun, le u nan nyan timi Ijipt aatiŋ ni. N‑yoonn mue ti ka Kades aatiŋ ni la. Kitiŋ ngbaan bi saatiŋ aanaanmɔk la.

Tibɔnyaan ti Mak ŋmee ti na 12:26

Joo cha binib aah ga fikr nkun ni pu na aabɔr, naa karn Moses aah nan ŋmee busub bu nan gaal mmii na aabɔr nin chee na aa? Nima chee le ni ŋmee ke Uwumbɔr nan bui Moses, ‘Min le ye Abraham, ni Aisak, ni Jakob Aawumbɔr.’

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Jɔnn 18:40

Le bi teen, “Taa di uja ngbaan lii. Di Barabas lii.” Barabas nan ye ufifiir la.

Jɔnn 19:15

Le bi teen, “Nyan u nima, nyan u nima, kpaa u ndɔpuinkoo pu.” Le Pailat baa bi, “M di nimi aabɔr kpaa ndɔpuinkoo pu uu?” Le Uwumbɔr aatotoorninkpiib bui u, “Taa ki kpa ubɔr ubaa ki kpee Siisa pu.”

Lituln 2:36

Le Piita ki len ke, “Israel yaab mɔmɔk, m ban ke ni sil bee ke ni ye Yesu aabɔr le m len. Nimi le kpaa u ndɔpuinkoo pu. Uwumbɔr le mɔk ke uma Yesu le ye Kristo u gaa timi lii na, ki ye Tidindaan.”

Lituln 3:22

Uwumbɔr aabɔnabr Moses nan len ke, ‘Nidindaan Uwumbɔr ga tun ni ubɔnabr ubaa ni chee, ke waah tun ni mi pu na. U mu ga li ye ninaabitiib ponn ni ubaa la. Li keei waah ga len tibɔr ti na mɔmɔk man.

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Lituln 7:30

“Ŋibin imonko ilee aah jer na, le Uwumbɔr aatuun di ubaa mɔk Moses. N‑yoonn ngbaan le Moses nan bi nteersakpiin ni, lijool li bi yin li ke Sainai na chee. Uwumbɔr aatuun ngbaan nan bi mmii ponn ni, busub bu bi ke bu aah gaal mmii le na pu.

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Kolosiya 1:15

U ye Uwumbɔr u taa waa u na aanaŋ, ki ye tiwan nimɔk Uwumbɔr naan ni na Aayidaan;

Hiibru Yaab 2:2

Tibɔr ti Uwumbɔr nan cha waatuuntiib tuk waanib na sil mbamɔm la. Unii umɔk nan yii tibɔr ngbaan ki ŋa taah kɔ pu na nan kan ntafadaan mu ŋeer u na.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.

1 Samuel 10:27

Le nifam bibaa bui ke, “Umina ga ŋmaa ŋa ba tii timi?” Bi nan lik seen Sɔɔl, le kaa tii ni u ipiin ibaa. Le Sɔɔl aa len tibaa.

1 Samuel 12:8

Jakob ni waadichal aah nan buen Ijipt, aan Ijipt yaab ti muk bi na, niyaajatiib nan wii ki ban nterm Uwumbɔr chee, le u tun ni Moses ni Aaronn, le bi nan nyan bi Ijipt ponn ni, ki nan di bi kaan kitiŋ kee pu.