Lituln 7:23 - Uwumbɔr aagbaŋ

²³ “Waah ŋa ŋibin imonko ilee aaja na, u nan ban ke u mann unaabitiib Israel yaab.

UWONBƆR A GBƆNPƆŊ LIKƆƆNL

²³ “Moziz kaah nan nan foo ibin pina n-yonn man nin, le u nan bon ke un gɔnn u bol a ninfob Iziral yaab.

Lituln 7:23 Iomraidhean Croise

2 Bibɔrb Aabɔr 30:12

Uwumbɔr nan bi tun waatuln Juda aapepel ni, le ki cha binib ngbaan ŋa kimɔbaan baah pɔɔni bibaa pu ke bi kii waageehn ki dii ubɔr ni waaninkpiib aah len pu na.

Esra 1:1

Sairus aah nan ye Pesia aabɔr pu na aajan aabiln ni, le Uwumbɔr nan cha waah nan di waabɔnabr Jeremia len pu na gbiin. U nan cha Sairus siin nkaal mumina, ki cha bi ŋmee mu ki di tun waanaan mɔmɔk ni ke:

Esra 1:5

Le Juda aamaal yaab, ni Benjaminn aamaal yaab aayidam, ni bitotoorb, ni Liifai yaab, ni unii umɔk Uwumbɔr koo usui ni na, gor ke bi ti gir maa Uwumbɔr Aadichal, Jerusalem ponn ni.

Esra 7:27

Le Esra bui ke, “Pak Uwumbɔr, u ye tiyaajatiib Aadindaan na man. U cha ubɔrkpaan kpa mpopiin ke u nyuŋ uma Uwumbɔr Aadichal li bi Jerusalem ni na kina.

Nnyam 35:21

le binib bi mɔmɔk nan gee ke bi tii na nan joo ni baapiin nan tii Uwumbɔr, bi di ŋa Waabool. Bi nan joo ni tiwan nimɔk bi ga li joo dooni Uwumbɔr na, ni baah ga di ni ŋal bitotoorb aawanpeenkaan na.

Nnyam 35:29

Le Israel aanib bimɔk nan gee bi tii na nan joo ni baapiin ki nan tii Uwumbɔr, waah nan bui Moses lituln li na pu.

Nnyam 4:18

Moses nan gir buen Jetro, uchool uja chee, le ki ti bui u ke, “Cha m gir buen ndo yaab chee, Ijipt aatiŋ ni, ki ti lik ke bi beenin bi aan baa ki bi.” Jetro nan kii tii u, le ki chɔi u.

Nnyam 7:7

Buyoonn bi nan buen ubɔr chee ki ti tuk u tibɔr ngbaan na, Moses nan ye ŋibin imonko inaa la, le Aaronn mu ye ŋibin imonko inaa ni ŋitaa.

Ŋiyataŋak 21:1

Uwumbɔr aah mɔk ubɔr aalandak ke i tun pu na, ni waah mɔk nkpen mu aah ga dii pu na aa pɔɔ u chee kpala.

Lituln 15:36

Naah yunn siib na, le Pɔɔl bui Banabas, “Cha ti gir buen taah nan tuk binib Tidindaan aabɔr ntim mu mɔmɔk ni na, ki ti mann Yesu aanib ki lik ke bi joo Yesu aabɔr kinye?”

Lituln 7:24

Le u mann bi, ki kan Ijipt aanii ubaa ŋa Israel aanii ubaa bakaa. Le u buen ti ter Israel yaab aanii ngbaan, ki gbaa Ijipt aanii ngbaan teen ki ku u.

2 Korenti 8:16

Tɔ, m doon Uwumbɔr u cha Taitus ban u ter nimi na ke ti mu aah ban ti ter nimi pu na.

Jemisi 1:17

Ipiin imɔk ŋan ki ye mbamɔm na nyan ni paacham la. I nyan ni Tite Uwumbɔr u nan naan iwiihn imɔk bi paacham na chee la. Uma le aa kpelni ke nwiin ni uŋmal aah kpelni pu na, kaa kpa mbɔmbɔɔn.

Tibɔkpiirkaan 17:17

ba pu? Uwumbɔr le cha bi ban bi ŋa waageehn, ki cha bi kpa kimɔbaan ki di baanaan tii upeel ngbaan u ji ki nan saa buyoonn Uwumbɔr aah len pu na nan ŋa.