Lituln 7:16 - Uwumbɔr aagbaŋ

¹⁶ Baah kpo na, le bi yoor bi ki di dan Sekem aatiŋ ki bi do chee na ni, ki ti di bi sub. Bi nan sub bi nfal mu Abraham nan di ŋimombil daa Hamor yaab chee na ponn ni la.

UWONBƆR A GBƆNPƆŊ LIKƆƆNL

¹⁶ Le bi ta bi gbanann kun Sekim ki tan pii kukaag kan wee Abiraham nan ta ilig ki daa ki Hamor a naachim ban nin.

Lituln 7:16 Iomraidhean Croise

Mpiin 23:16

Abraham nan kii tii u, le ki kahn ŋimombil ngbaan pan u, waah nan tuk u waanib aatafal ni pu na. Ŋimombil ngbaan nan ye baah joo pu tiir kitiir na la.

Mpiin 23:4

“M ye uwɔwɔnja, le ki nan bi ni chee; kooh nimi aatiŋ ngbaan nibaa chee tii mi aan m di mpuu sub nima.”

Mpiin 35:19

Rachel aah nan kpo na, bi nan di u sub gbaŋ Efraf aasan chee, dandana bi yin nima chee ke Betlehem.

Mpiin 47:30

M ban ke aa di maawon ti sub ntetiib chee la; nyan maawon Ijipt aatiŋ ni ki ti di sub bi chee.” Le Josef bui u ke, “M ga ŋa saah len pu na.”

Mpiin 50:12

Kina le Jakob aajapɔtiib nan ŋa waah nan bui bi ke bi ŋa pu na;

Mpiin 50:13

bi nan yoor uwon ki di buen Kanaann aatiŋ ni, ki ti di u sub likaakul li bi Makpela ni, Mamre aawipuul wɔb, bukpaab bu Abraham nan daa Efronn u ye Hef aanii na chee ke nima chee li ye waamaal aacheek na.

Nnyam 13:19

Moses nan cha bi yoor Josef aakpab ki di buen; ba pu? Josef aah nan ban u kpo na, u nan cha Israel yaab puu tipuur kina. Josef nan bui ke, “N‑yoonn mu Uwumbɔr nan gaa nimi lii aan ni ban ni nya na kan, ni yoor maakpab nya do ki di buen.”

Josua 24:32

Josef aah nan kpo Ijipt aatiŋ ni, aan Israel yaab joo ni waakpab i na, bi nan di i sub Sekem aatiŋ ni, kitiŋ ki Jakob nan daa Hamor aajapɔtiib chee na. Hamor nan ye Sekem aate la. Jakob nan daa kitiŋ ngbaan tikunabr aamombil nkub la. Josef aayaabitiib le nan jin ki lifaal.