Lituln 5:39 - Uwumbɔr aagbaŋ

³⁹ Ni yaa ye Uwumbɔr aatuln kan, naan ŋmaa nyaŋ bi. Ni yaa jan bi kijaak kan, ni li nyi man, nibaakan, ni ga kan ke ni jan Uwumbɔr le kijaak.” Bi nan kii Gamaliel aah len pu na.

UWONBƆR A GBƆNPƆŊ LIKƆƆNL

³⁹ Amaa ni ye ni nyan Uwonbɔr ban ke, naa li fir gɔɔ bi. Ni li kan ke ni kɔnn Uwonbɔr le.”

Lituln 5:39 Iomraidhean Croise

Mpiin 24:50

Le Labann ni Betuel bui ke, “Tibɔr ngbaan nyan ni Uwumbɔr chee la. Taan ŋmaa len tibaa.

2 Samuel 5:2

N‑yoonn mu jer na, hali Sɔɔl aah nan beenin ye timi aabɔr na, sin le nan lolni timi Israel aanib pu nsan butɔb ni, le Uwumbɔr nan puu ke sin le ga loln waanib pu nsan, ki li ye baajojoor.”

1 Bibɔrb 12:24

“Taa tak nido yaab Israel yaab biken man. Ni mɔmɔk li chaa kun man. Maageehn pu le tiwan ni ŋa na ŋa.” Bi mɔmɔk nan kii Uwumbɔr aah len pu na, le ki gir kun.

2 Bibɔrb 19:22

Aa dak ke ŋma aan aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Job Aagbaŋ 34:29

Uwumbɔr yaa yii ke waan ŋa nibaa kan, ubaa aan ŋmaa galn u. U yaa di ubaa bɔr kan, binib aan ki li kpa nterm.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 43:13

M ye Uwumbɔr la, ki ga li ye kina n‑yoonn mɔmɔk. Ubaa aan ŋmar maapɔɔn chee; ubaa aan ŋmaa kpeln maah ban m ŋa pu na.”

Aisaya 45:9

Tiyakr aabuul li bi ke ŋibuu ŋiken na ga ŋmaa kpak uyakmaal kinikpakpak aa? Tiyakr aan ŋmaa baa uyakmaal ke u bi ŋani ba? Libuul aan ŋmaa bui unii u maa li na ke waa nyi nibaa.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Tibɔnyaan ti Luk ŋmee ti na 21:15

M ga tuk nimi naah ga len pu na, aan nimi aadim ubaa taa ki ŋmaa kpak nimi, kaan ki ŋmaa len tibaa.

Lituln 11:17

Tɔ, Uwumbɔr di Waafuur Nyaan tii timi bi gaa Tidindaan Yesu Kristo ki kii na, le ki tii binib bi kaa ye Juu yaab na mu, ke waah tii timi pu na. M mu ye ŋma ki ga ŋmaa yii Uwumbɔr?”

Lituln 23:9

Le bi kpak tɔb kinikpakpak, ki tar mpɔɔn pu, ki kpa kifuuk. Le Uwumbɔr aakaal aamɔmɔkb ponn ni bibaa, bi ye Farisii yaab na fii sil, ki kpak sakpen, le ki len ke, “Taa kan uja wee aataani. Nibaakan, Uwumbɔr aatuun, bee unii aawiin le sil len u chee.”

Lituln 6:10

Uwumbɔr Aafuur Nyaan aah tii Stiifen nlan sakpen pu na, baa ŋmaa len ki nyaŋ u.

Lituln 7:51

Tɔ, Stiifen nan ki len ke, “Nitafal pɔɔ, naa dii Uwumbɔr aasan nisui ni, kaa pel waaliin. N‑yoonn mɔmɔk ni ban ni yii Uwumbɔr Aafuur Nyaan, ke niyaajatiib aah nan yii mu pu na.

Lituln 9:5

Le Sɔɔl baa u, “Ndindaan, ŋma ye?” Le u bui u, “Min le ye Yesu, u aa ŋa u falaa na.

1 Korenti 1:25

Ba pu? Uwumbɔr aajɔrk kpa nlan jer binib aalan, le waagiin mu kpa mpɔɔn jer binib aapɔɔn.

1 Korenti 10:22

Ti ban Tidindaan li kpa lipiipoln ti pu uu? Ti kpa mpɔɔn jer u uu?