Lituln 4:28 - Uwumbɔr aagbaŋ

²⁸ Bi nan kuun bi ti ŋa saah nan len ke bi ga ŋa pu na. Saapɔɔn, ni saageehn pu, le aa nan siin ke bi ga ŋa kina.

UWONBƆR A GBƆNPƆŊ LIKƆƆNL

²⁸ Le bi tun nan wee A pii nan tiɛr A bamin nin A pɔɔmin ke ni na li ŋaan.

Lituln 4:28 Iomraidhean Croise

Mpiin 50:20

Nimi le dak tibɔbir m pu, le Uwumbɔr cha ni kpaln ni ŋan na, ki toor nsan u gaa binib pam aamɔfal lii, tiwan ni ŋa mi na pu.

Ilahn 76:10

Unibɔn aaŋuul moo joo ni kipak le nan tii si, binib bi ŋmar butɔb ni na ga li ji saajim.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 14:24

Uwumbɔr Mpɔɔnsakpiindaan puu tipuur ke: “Maah ŋa maalandak pu na, kina le ga ŋa. Maah bui ke m ga ŋa pu na, kina le ga ŋa.

Aisaya 28:29

Nlan mumina mɔmɔk nyan ni Uwumbɔr Mpɔɔnsakpiindaan chee la. Uwumbɔr aah kpokl ke u tun pu na ye nlan la, le ni tun n‑yoonn mɔmɔk kaa bii.

Aisaya 37:26

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? Min le nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Aisaya 40:13

Ŋma ga ŋmaa tuk Uwumbɔr waah ga ŋa pu na? Ŋma ga ŋmaa mɔk u, bee u sur u?

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Aisaya 5:19

Le ni len ke, “Cha Israel yaab Aawumbɔr u bi chain na ŋa mala ki ŋa waah bui ke u ban pu na, aan ti kan ni, aan ki bee waalandak.”

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Matiu 26:24

Min Unibɔn Aabo ga kpo ke naah ŋmee Uwumbɔr Aagbaŋ ponn ni ke m ga kpo pu na. Uja u ga kooh mi na ma kan, tibɔbir ga li bi u pu; bi yaa kaa ba ma u kan, ni ba soor ki tii u.”

Matiu 26:54

M mu yaa ŋa kina kan, maan gbiin Uwumbɔr Aagbaŋ aah len pu na ke m ga ji falaa u choo na.”

Tibɔnyaan ti Luk ŋmee ti na 22:22

Min Unibɔn Aabo ga sil kpo, Uwumbɔr aah nan len ke m ga kpo pu na. Tibɔbir mu ga li bi uja u ga kooh mi na pu.”

Lituln 2:23

Uwumbɔr aageehn pu le bi nan di Yesu ŋa niŋaal ni. Uwumbɔr nan nyi ke bi ga ŋa kina. Le ni di u ŋa mbiindam aaŋaal ni ke bi ti kpaa u ndɔpuinkoo pu, ki ku u. Nima pu na, nimi le ku u.

Lituln 3:18

N‑yaayoonn na, Uwumbɔr nan cha waabɔnabtiib mɔmɔk len ke Waanii Kristo ga nan ji falaa. Baah len pu na, le Uwumbɔr cha ni ŋa kina.

Efesusi 1:11

Uwumbɔr aah ŋani tiwan mɔmɔk pu na, u ŋani waageehn, waah dak pu na la. Taah kpaan Kristo ni na, le Uwumbɔr ŋa timi waanib. N‑yaayoonn na, le u nan nyan timi ke ti li ye waanib.

Hiibru Yaab 6:17

Uwumbɔr nan ban ke u mɔk binib bi ga kan waah puu tipuur ti na, ke waan kpeln. Nima le u nan puu uma ubaa aayimbil pu.